我同你差不多,我仲遲過你放工,有時仲要OT,所以我個仔升小學,仲陀緊細女嗰陣係最想做ftm,都係驚佢應付唔到小學嘅課程,所以全職自己跟梗係最好啦!但宜家我個仔升中喇,返轉頭睇,唔一定要全職湊先係最好嘅,讀書係靠自己,只要跟緊d,唔明嗰d一定要即個禮拜清,so far 我個仔都好好成績,而且升到高小,好多時都四點幾五點先放學,佢返到嚟食下嘢沖下涼,你都放工啦,上到五六年班,唔係話你想陪住佢就得架,佢會話佢自己做,唔識先問你,唔駛你陪,所以我都繼續返工,而且搵多d錢,第日用嚟比佢去外國讀書或者幫下佢置業,多幾條路可以選擇,都係好事,不過如果你決定辭職自己湊,要調節好自己嘅心理,佢曳嗰陣千祈唔好話為左你而辭職,唔好比壓力佢
我都係,仔小一讀所謂名校,所有野教淺考深,學校預家長要跟。我的工作收月入都有十萬,但時間好長,常OT出差,問心不喜歡這工作,人事也頗很複雜。先生收入是我數倍,維持家庭是沒有問題,但他是保守派,認為如其中一人工作有問題可有backup ,極不支持我FTM 。而且我做的行業不多part time ,就算有人工會沒有大大部分,幫補不了什麼。可是,我仔的學業不好,我其實有極大壓力抽時間教他,補習、私教我也一一試過,效果一般,好擔心他留班。老公工作時間也長,也出差,教功課溫習有時間也教(佔仔溫習時間10%,有三成是我,其餘補習),但他火氣大,多數只會駡仔收場。唉,我好像進退兩難。我想如果仔在香港讀不上,我應該繼續儲蓄供他外出讀書,更加不應當FTM。我年紀不少,休息幾年的話相信無人請了!唉