Happy school 都可以谷,傳統名校都可以考唔好dse, 其實係你想點。happy school 學校唔谷,可以家長谷,名津校學校谷,家長可以唔理
我中學係band 1 但最差果班,中四果年,重差D果班學校唔要,去到其他學校D老師話佢有得做,重點培訓,結果成績突飛猛進,會考真係得咗,但炒咗英文。佢自己話好開心出咗黎,有返自信先有咁成績。
『愉快學習』呢句,系對天資高嘅小朋友講,對天資冇咁高嘅,仲有下一句-『以勤補拙』。
魚與熊掌,冇咁容易俾你兼得。又要輕鬆又要好成績,難上加難。
嗰啲學校就算小學唔追,中學都要追,二三線嘅第一入到去 Band 1 傳統中學,先發現山外有山,傳統一線嘅中遊都可能考得好過你。
當然,一定有學校系 12 年輕鬆嘅,但佢地有中學部。但讀龍校/直屬唔代表可以輕鬆,龍校可以不斷測考迫你溫書,直屬到五六年級系人踩人上中學部,直屬班 Band 2 分分鐘慘過街外 Band 2。但亦可以咁講,如果你系佛系讀書心態,咁邊間都可以輕鬆。
愉快小學好嘅地方就係如果你/小朋友頂唔順,都可以放慢節奏,如果系 fit 嘅,自己額外谷,唔少 happy school 嘅家長都會額外有補習有拔尖,為求可以插去龍/直屬,或者升中可以擠入頭 20%。