呢兩年啲完約工人真心唔好請。我自己完咗兩個約嘅姐姐唔同我續,因為佢要搵一個比佢stay out 嘅僱主,仲要求俾6000人工 (我屋企一家三口一架車,佢本身已經係5000了)。個口開到比獅子還要大。結果呢?做咗半年,個新僱主就炒咗佢,佢返嚟叫我請返佢,我同佢講wish you the best of luck.
另外我請咗個本地兩年完約,見工時正正常常,原來已經申請咗去歐洲打工,搵我份住家工攝時間,同時外面做緊傳銷,電話不離手,偷柴米油鹽護膚品洗頭水沐浴露,最後歐洲個簽證一批,即刻遞信,我立即還神。
最後等咗半年,請個海外姐姐,有禮貌,乾淨,對小朋友有愛心,唔洗睇佢地面色。