SandyKL 發表於 11-7-4 23:35
我信念中,係真心、全心全意、認真為市民服務,又何須怕呢個遞補機制嘅確立?佢地被選出嚟,背負選民嘅信任,絕對
應該做好呢份工,而唔係做吓騷,咁就收工,辭完職又話番入
嚟。
佢地攪一攪民生議題又被延遲上立法會討論,識諗有讀過吓書,
明事理嘅都會明白(係真明而唔係以為自己明喎)。
根本以民為本,忠心為港就唔會郁d以辭職去玩大佢,佢地怕甚
麼?雖然我都認為政府呢個方案需要修補,推出目標鮮明,但手
法論盡,有需要整靚仔個方案再推上場,不過最終我都係支持行
遞補機制,打盡果d以激烈手法去搶眾耳目,而增加自己政治籌
碼嘅政棍。
DoReMi媽媽 發表於 11-7-4 23:51
對於今次補選投票權, 癥結根本就係點樣去堵塞哩個補選機制的漏洞, 但冇議員去講, 去提? 點解佢哋要保留哩個漏洞? 若然堵塞咗漏洞, 亦同時可以堵塞咗政府的咀巴, 點解冇人去搞?
對於政府而家哩個機制, 當中亦係有漏洞, 所以我一直有保留, 如果, 有方法堵塞咗漏洞, 喺前面把關, 根本就唔需要再煩遞補機制, 一樣可沿用以前的補選方法, 巿民~仍然有補選權利.