我之前係養和生,住半私家房,未落床姑娘會抱bb比我餵,落得床就可以自己去bb房/係房餵,因為獨立一間房,日間大部份時間bb可以係我身邊,換片就按鐘叫姑娘,又或者bb放bb房,喊食奶就推到我房餵。唔記得係咪過咗晚上10點還是11點就要去bb房餵,有獨立餵奶房有電視睇,環境ok,唔識餵可叫姑娘教。
另外,入院時會講餵人奶/奶粉;如果想全人奶,入院時可要求exclusive breast feeding,姑娘唔會補奶粉。就算唔係exclusive breast feeding,bb補奶之前都會問過我先。