係啊,我都好中意,嗰度係個唔錯嘅 balance:係城市,但又唔似 LA/NY/HK 咁嘈吵;有足夠嘅亞洲人口,買到亞洲食物,但又未至於多到你以為自己唔喺美國;大學質素高,雖然唔及得 UC 咁出名,但本地人唔會打崩頭都入唔到;就業機會唔錯,雖然冇矽谷咁高調,但亦有微軟波音亞馬遜;樓價相對平,生活指數亦比加州稍低,冇 state income tax,如果唔係嗰度嘅鬼天氣令我卻步,我一早已經決定揀嗰度定居了
個人經驗,西雅圖地區嘅 condos 應該唔難租出。最近 Amazon 擴張,新請了好多人,Seattle Center 附近嘅 apartments/condos 不知幾搶手,一間屋閒閒地有二三十份申請,手快有手慢冇。我自己有間兩房 town house 喺 Bellevue,94 年回流返香港後就一直出租,咁多年基本未斷過租約,只係有時喺租約同租約之間要丟空來油下油,換下地氈,都係最多一個月。我幾個朋友喺 Bellevue 同 Redmond 嘅 town houses/condos 都未聽過有租唔出嘅問題。當然如果要好揀租客,唔要有寵物,唔要食煙,credit history 要乾淨,一定要大公司任職,咁就要睇運氣,或者會要丟空時間長 d
至於外國人嘅租金收入納稅率,如果我冇記錯,係 flat rate 30% on gross rental income。不過呢點應該要揾個熟美國稅務嘅會計師問下