吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› 分享台北抽脂隆乳

美容扮靚今日: 53|主題: 136673

收藏本版

發帖

返回列表

跳至頁

樓主: cssmandy

1 234 5...6

積分: 36439

41^#

發表於 17-6-23 11:14 |只看該作者

回覆樓主:

想問下對腳點解會咁瘀，抽脂就係會咁樣?

私人傳訊

cssmandy

大宅

積分: 4272

42^#

發表於 17-6-23 12:50 |只看該作者

gor_gor 發表於 17-6-23 10:33
我既情況同妳一樣，上身瘦下身肥，成脾利型，所以心同感受。加上近呢年肥咗成10磅，就算食少咗有做運動都 ...

醫生點解唔建議抽肚腩嘅？$75000抽馬安好貴

我都有聽過jm去澳門抽，價錢都ok架喎，澳門又近又講廣東話，唔怕溝通唔到！但我就唔知醫生咩料子，我fd澳門做野有喺澳門打botox，佢話澳門有好多醫生係大陸黎、大陸資歷，我一聽到大陸就驚所以唔諗lu，你可以都留意下澳門嗰邊，溝通下攞下料比較下！
(其實台灣有好多醫美診所嘅醫生唔係整容專科，係見醫美搵到錢就半途出家，所以揀醫生時要留意下，唔係讀整容的話可能有d training(例如美感)無甘足，我個人意見)
我好明白，如果出國修葺無人陪真係會淆底，同時我覺得真係有危險性，始終返到酒店得自己，唔舒服見暈就麻煩，你有無朋友家人陪到你？佢係會悶d，但台灣幾好hea，最多俾多一兩千機票錢請埋朋友去hea下陪下你！

私人傳訊

cssmandy

大宅

積分: 4272

43^#

發表於 17-6-23 12:55 |只看該作者

creambb 發表於 17-6-23 11:14
想問下對腳點解會咁瘀，抽脂就係會咁樣?

抽脂就會甘，外面無乜野，但入面內傷，佢係入侵性嘅嘢黎架嘛，你想像下醫生插支管入黎吸走d野，幾血腥！好似俾人打左一身甘

私人傳訊

avril19

男爵府

積分: 8920

熱血勳章

44^#

發表於 17-6-23 14:08 |只看該作者

樓主勇敢，我之前陪朋友係hk抽脂隆胸我都失眠左好幾日，我仲擔心過佢

抽脂隆胸會keep住整上癮的

希望樓主快散瘀

私人傳訊

gor_gor

大宅

積分: 1755

45^#

發表於 17-6-23 14:14 |只看該作者

cssmandy 發表於 17-6-23 12:50
醫生點解唔建議抽肚腩嘅？$75000抽馬安好貴
我都有聽過jm去澳門抽，價錢都ok架喎，澳門又近又講 ...

醫生唔建議做肚係因為佢覺得唔太大，假如我做既話個效果唔會好似馬鞍肉咁明顯。不過如果做埋都要成10定12萬，唔記得。但我就覺得好突囉，食完野都好似有咗5個月咁。

我都有見到呢到jm係澳門做，但我担心醫生質素。仲有做法唔同，所以我都唔知應該做邊隻先達到成效。

我呢個醫生比較出名，做既方法跟妳既差不多，包晒術前術後，緊身褲，抗生素，術後一年覆診。

咁當然如果可以揾到一位仲平啲而有jm做過效果又好既就更好啦。

我都係自己搞，無諗住同人講，啲人實話我痴綫，又唔係太肥點解貼錢買難受之類！

唔係佢地梗唔明啦，始終大家追求既唔同。

私人傳訊

cssmandy

大宅

積分: 4272

46^#

發表於 17-6-23 21:24 |只看該作者

avril19 發表於 17-6-23 14:08
樓主勇敢，我之前陪朋友係hk抽脂隆胸我都失眠左好幾日，我仲擔心過佢抽脂隆胸會keep住整上癮的:thinkin ...

好想聽你朋友嘅分享，好少人喺hk做完分享，所以無乜哩方面嘅資訊，無得比較

上癮方面好睇個人，如果追求大胸的話真係好易會上癮！同埋抽脂只係局部塑形，如果用黎當減肥又係好易走火入魔！你朋友上左癮？

私人傳訊

cssmandy

大宅

積分: 4272

47^#

發表於 17-6-23 21:36 |只看該作者

gor_gor 發表於 17-6-23 14:14
醫生唔建議做肚係因為佢覺得唔太大，假如我做既話個效果唔會好似馬鞍肉咁明顯。不過如果做埋都要成10定12 ...

哈哈我無理人講乜，我同朋友話我打算做佢地當我講笑，我做完之後我朋友都呆左，仲問我唔係唔鐘意大波咩(emoji)(emoji)
我無特登同人講，我d朋友我都無特別點講，甘啱講起我喺台北先講我去台北目的，但係我老公周圍唱我，佢d朋友知得好清楚，我唔太清楚佢甘做嘅目的係乜

其實一講抽脂隆乳就個個都以為我想做大波妹，我只係想有，唔係想大，所以我應該唔會做第二次！

私人傳訊

avril19

男爵府

積分: 8920

熱血勳章

48^#

發表於 17-6-23 22:32 |只看該作者

cssmandy 發表於 17-6-23 21:24
好想聽你朋友嘅分享，好少人喺hk做完分享，所以無乜哩方面嘅資訊，無得比較

上癮方面 ...

我見返朋友佢坐底都就住就住，見佢手術成功都叫佢唔好再做，當時佢答應，你知每次手術都會有風險

佢唔係hk住，過返外國keep住做，個胸由平平無奇到胸前偉大，好難唔知

佢覺得抽脂隆胸係真材實料，自己野，但當佢有其他朋友又係脂肪錯配話想隆胸時，又唔提議下呢樣野

好多人做左唔敢認or淨係認抽脂。

私人傳訊

cssmandy

大宅

積分: 4272

49^#

發表於 17-6-24 02:45 |只看該作者

回覆樓主

23/6 抽脂後第五日

朝早起身腰骨好痛，好想打側訓但又唔敢，應該係我尋晚墊喺小腿下面嘅咕(emoji)太高！
送女返學，買早餐俾仔食，之後就沖涼，我暫時都會朝早沖涼，朝早無甘腫唔怕沖完涼着唔返條緊身衣，今日沖涼直頭feel到有水喺腳入面衝落小腿，但又無乜特別太腫！一點同個仔一齊訓下，又抬下腿，沖左包台灣買嘅紅豆水黎飲睇下係咪真係去到水腫，結果係，無乜料到，可能最腫嘅時候無飲所以效果唔明顯！
逢星期五都要去呀女學校上d家長工作坊，要坐嗰d俾小朋友坐嘅矮櫈，我一開始諗應該扯住扯住坐唔到，點知又得喎哈哈！之後一家去6299度食飯，無乜特別唔舒服，係仔女要我抱時我唔抱得！
其實我情況應該開始穩定了，係幾樣野keep住loop:
1. keep住俾仔腫到大腿特別係外側，痛！
2. keep住護胸，坐喺度時以防個仔跳上身撞親我，所以搵個枕頭放喺胸前！
3. 個人比較蹦緊所以會就住就住，搞到腰酸背痛！
4. 去vv一定無影櫈
5. 坐低會慢慢坐同埋如果係會快起身的話就只會坐櫈嘅邊避免大脾點到張櫈！
6. 一出汗個胸就會痕
7. 夜晚大腿會痕
8. 搵返d餵奶bra着，成日驚飛釘

麻煩jm暫時不要pm我，我未見到件事成功我唔會介紹的，經我把口介紹我都有責任架嘛，我都未見到成個效果(仲腫緊+個胸仲未穩定到個size)我真係唔識答覺得好唔好！如果你唔在乎做得好唔好只在乎邊到有得做我可以答你成個台灣都做緊你google下就有！其實我揀醫生同你揀醫生會有唔同準則，就好似產檢甘，我搵個又近又唔洗等又中價只要照得清就得，但我有d朋友真係大住肚個個月嗌救命等幾粒鐘過海搵d名醫做產檢！如果你只係要名氣，上網睇下有個台灣x醫師好多香港人去搵佢做抽脂隆乳的，仲好平，但唔合我心意！我分享係想大家睇清楚究竟自體脂肪移植係一件點嘅事，大家知多d考慮清楚無甘驚，唔係幫醫生介紹生意！希望jm明白！我知我好長氣！！

私人傳訊

cssmandy

大宅

積分: 4272

50^#

發表於 17-6-24 03:05 |只看該作者

avril19 發表於 17-6-23 22:32
我見返朋友佢坐底都就住就住，見佢手術成功都叫佢唔好再做，當時佢答應，你知每次手術都會有風險:thinking ...

甘佢而家係咪抽到成身好瘦但個胸好大呀？我某程度上認同d脂肪係自己嘅野所以比較易接受，都係幫d脂肪移民，但當然唔好走火入魔！
熟朋友先會講填左上胸，無甘熟嘅朋友就只講抽脂，屋企人就完全唔講，基本上無講到哩d話題的話我唔會主動講，唔係想隱瞞，係唔想解釋甘多，同做左先講廢時朋友擔心我，會影響到我嘅決心！
身體係自己嘅，每人要求唔同，為自己負責就好了！

私人傳訊

avril19

男爵府

積分: 8920

熱血勳章

51^#

發表於 17-6-24 11:52 |只看該作者

cssmandy 發表於 17-6-24 03:05
甘佢而家係咪抽到成身好瘦但個胸好大呀？我某程度上認同d脂肪係自己嘅野所以比較易接受，都係幫d脂肪移民 ...

本帖最後由 avril19 於 17-6-24 11:53 編輯

脂肪積聚位最易肥返，抽脂隆胸手術後最大風險係胸鈣化問題，佢之前都話想係hk做化驗檢查。咁佢同個朋友都幾熟又多common frd先唔講。
btw，抽脂個紅印會唔會消失？

私人傳訊

cssmandy

大宅

積分: 4272

52^#

發表於 17-6-24 12:27 |只看該作者

avril19 發表於 17-6-24 11:52
本帖最後由 avril19 於 17-6-24 11:53 編輯

脂肪積聚位最易肥返，抽脂隆胸手術後最大風險係胸鈣化問題 ...

如果肥左的話唔會係肥抽脂位最明顯，因爲脂肪細胞少左，一般都會其他地方特別明顯甘肥左！
我反而係熟朋友多common fd嘅先講，大家一齊傾

私人傳訊

cssmandy

大宅

積分: 4272

53^#

發表於 17-6-24 12:29 |只看該作者

avril19 發表於 17-6-24 11:52
本帖最後由 avril19 於 17-6-24 11:53 編輯

脂肪積聚位最易肥返，抽脂隆胸手術後最大風險係胸鈣化問題 ...

我未拆線未知會點，不過疤痕嘅野人人唔同，好難講，姑娘就叫我拆線後要貼美容膠一個月！

私人傳訊

cssmandy

大宅

積分: 4272

54^#

發表於 17-6-26 00:54 |只看該作者

回覆樓主

25/6 抽脂後第七日

尋日無乜特別所以無寫
今日係好忙嘅一天，朝早起身同d細路去學校day camp，又熱，又走走笛笛，仲喪行斜路，又要坐地下又要mou低，唔係做唔到，不過下下都要就住就住，其實已經痛少左好多，不過對腳好緊同埋驚整到傷口！
搞左大半日然後要去到老鍊甘遠去飲，又追巴士又衝燈，跑嘅時候對腳會震動所以係會痛嘅，不過都難我唔到，仔都生左兩個，哩d痛算係d乜哈哈哈！不過因為唔帶得網線bra又唔緊得，所以只係着餵奶bra，一跑個胸就會櫈，以前波平如鏡比較少有哩d感受哈哈哈哈哈哈！
而家個胸比較硬淨少少，似谷奶，唔知幾時會淋返呢？！
聽日就要拆線，但附近診所唔拆，好煩惱，如果我睇得清楚我敢自己拆，但我真係睇唔到，我老公話幫我拆，但我驚，畢竟十年前佢話幫我痴假眼睫毛都可以痴到痴埋左我隻眼！有無jm有診所介紹？

私人傳訊

sytckm

公爵府

積分: 27202

2024年龍年勳章牛年勳章畀面勳章 BK Milk勳章

55^#

發表於 17-6-26 04:23 |只看該作者

cssmandy 發表於 17-6-26 00:54
25/6 抽脂後第七日

尋日無乜特別所以無寫

請問最痛第幾日？有幾痛？

私人傳訊

cssmandy

大宅

積分: 4272

56^#

發表於 17-6-26 09:07 |只看該作者

sytckm 發表於 17-6-26 04:23
請問最痛第幾日？有幾痛？

我覺得頭兩三日最痛，有幾痛真係量度唔到喎，只可以答你做緊手術嗰陣係麻醉左所以唔痛囉！

私人傳訊

yanyankaka

禁止訪問

積分: 1864

57^#

發表於 17-6-26 11:32 |只看該作者

提示: 作者被禁止或刪除內容自動屏蔽

私人傳訊

cssmandy

大宅

積分: 4272

58^#

發表於 17-6-27 00:34 |只看該作者

回覆樓主

26/6 抽脂後第八日拆線喇

11點幾，周圍兜下問下邊間診所有得做拆線，手術前問過我睇開個醫生話無做，上網睇到話好多醫生飛唔肯做，話私家醫院肯拆不過勁貴，有jm整完容特登返台灣拆線，因為機票$仲平過喺hk拆線錢，我無預多一個budget出黎做哩樣野，先萌生起自己拆線哩個念頭，但我又睇唔到個傷口點拆喎！
我附近間診所喺區內有d名氣，我無睇過不過我小朋友睇過，d藥食到high大左甘要返兒科執手尾，blacklist左佢，但行過見到佢出面寫內外全科，入去問姑娘佢話佢地做，即刻掛號排到3點9！
返屋企hea下除低左件緊身衣就落去拆線，第一次除低甘耐，1.5hr，我一邊行一邊感覺好舒服好怪，d暈暈地。
拆左patpat下面傷口先，一撕開我張膠布就大叫嘩，我以為個傷口爛，醫生話: 嘩d線好幼我要用顯微鏡幫你拆，然後叫姑娘推過黎，真係用顯微拆，我估因為整容醫生為左要傷口埋得美觀所以用甘幼嘅線，又話醫生留嗰條線尾好短，拆完見到就係人地用喺面上整容嗰d幼過眼睫毛嘅線！醫生話我右邊腳個傷口埋得唔靚可能有疤，右邊胸個傷口表面有d發炎同有個洞仔，唔怪得嗰個傷口會痕啦！佢幫我按就按唔到有癑，應該入面無事！4個傷口都幫我痴左藥水膠布，$420埋單！拆線原來唔痛，最痛係撕防水膠布！
返到屋企除左右邊胸下張膠布睇下咩事同埋搽下做完手術俾我嘅嗰袋野入面嘅抗炎藥膏，搽完痴返膠布，無耐就唔痕！同埋着返緊身衣，即刻有返d安全感，犯賤！着返緊身衣就落街買餸接放學！
我影左右胸send去問台灣嗰邊點搞，藥又食晒，醫師話直接貼美容膠就得！
啱啱老公幫我用雙飛人抹過4個傷口，然後幫我痴美容膠，諗起我拆完線同佢講醫生話傷口有d發炎嗰陣佢問我洗唔洗飛返台灣搞，真係好傻豬，有事梗係香港搞，來來回回騰來騰去小事都分分鐘變大事，明白佢知我驚所以佢都真係緊張嘅哈哈！
今日感覺再好一點，踎低靈活左！我淘左件緊身衣，希望快d到！

私人傳訊