fongfongma 發表於 11-6-7 01:09
一直只主力關心伯母,沒有太注意Leon。早前跟Leon聯絡好像還可以,以為他能應付,以後會多加留意。
我先生 ...
fongfongma,
Leon剛剛覆咗Email,星期四唔得,因為Kaden仲要返學,呢個星期六原來約佢地去San Jose Tech Museum,但Kaden會上中文學校,Leon話下星期六可以。如果你已經約咗同Confirm咗佢地,咁不如我地Join埋去玩,喺邊度摘Cherries?我未結婚去過一次,不過唔記得邊一度,我對仔女應該會鍾意,因為佢地鍾意食,如果係士多啤梨仲不得了呀。
唔知Leon會唔會溝亂咗我地兩個,因為我地個英文名一樣,所以佢今日覆我下星期OK,不過冇問題,原意都係一齊去吓玩,等個小朋友開心吓,等Leon休息吓。
我老公係過來人,所以佢一早同我講會有問題,就係因為Leon表現得太平靜,我反而驚,因為佢係將自己嘅情緒壓咗落去,伯母返咗香港之後,佢要自己照顧就更吃力。你先生同佢熟嗎?可以抽時間同佢傾吓計嗎?我先生好想幫,但Leon同佢唔熟。
呢個星期日我唔得呀,我約咗班舊同事聚會,除非佢地取消(班人懶懶閒,唔知約齊人未,如果唔齊腳可能會取消),如果有變我通知你。
花旗太太生活在花旗國,留意時差,你問我未必即時答到。