冇話敢唔敢分開,我自己都養得起頭家,有好工人,有父母支援;我也不一定要搵第二個,當結過一次婚,都未必再想搵第個男人,我兩個小朋友一定重要過搵男人。只係老公冇大錯未至於要離婚啫,小朋友仲細,能夠的話都唔想佢地喺單親家庭成長。前排有次星期日我好攰,喺張床休息下,老公話我好喺床休息,唔睇細路要佢睇,我同佢吵咗大鑊,真係想離婚,咁唔想睇細路就以後唔好睇,我離婚程序都search好,不過佢求返我,加上做屋企嘢落力咗,得閒會講句「老婆辛苦了」,先叫有彎轉。男主外女主內,ftm 我覺得ok,但wm,即係男主外,女主外又主內啦,都唔緊要,但我頂唔順啲男人take it for granted,男人出去返工辛苦大哂嘅!女人返工唔辛苦嘅?女人放工唔想休息、有啲空間嘅?有時女人只係想老公講句「辛苦了」,唔好下下老馮,辛苦極都覺得有價值。