我老公都係咁樣,我嘅做法係接受佢就係一個咁樣嘅人,唔好逼佢咁緊要佢即刻改。我大部分情況係唔理佢,由得佢自己煩發脾氣,過一排佢自己會平復返,之後再搵機會同佢講下佢嘅問題。當然有時候太過份辣著我,我都會即刻鏟返佢。另外一方面,為咗保護小朋友唔好受佢影響,我都會同個女打定預防針,話俾佢知爸爸有時候會做得唔夠好,要你幫忙教返爸爸應該要點樣做。咁個五歲細路女會好溫柔咁提點返爸爸下次要點點點。我老公好錫個女㗎,所以會聽阿女講,so far咁樣都可以改善到屋企人嘅關係。當然每個家庭唔同,你要試下邊樣work for you,真係好考驗自己EQ㗎,加油