要睇個別情況,有仔女會複雜D,唔好講要當後父或後母有幾難,我有朋友嫁個男人帶住個仔,個仔鍾意佢,主動問可否叫佢媽咪,之後生兩個仔女,大仔對兩個細佬妹都好好,呢D係緣份。
但有朋友個case就複雜好多,佢父母都係離婚再婚,各自帶住三個仔女,之後再生一個,七個兄弟姊妹,到老父走咗之後,後母完全係玩嘢,中間過程由後母帶住病中老父去改遺囑,朋友原本係老父遺產執行人,但份遺囑因為改過,後來改成點佢唔知,最後係一蚊都冇分俾佢,後母仲要離間兄弟姊妹間感情,朋友有三個仔兩個女,後母同D孫講朋友收埋阿爺D錢同金飾唔分俾佢地,其實我朋友係咩都冇分到,佢本身唔旨在,但俾個後母屈佢就好嬲,好彩後來D仔女信我朋友。
又有另一個同事朋友嫁個離婚男,帶住個女,足足五年俾個前妻騷擾,纏住前夫要錢,本身係個女人有婚外情離婚,仲放棄個女撫養權,轉過頭個出軌對象同佢分手,個女人就轉頭想返兜,但前夫同個女已經展開新生活,後來識咗同事朋友,都好坦白交代一切,點知前妻知道前夫要結婚就發顛咁騷擾佢,搞到前夫同個女都有抑鬱症,同事朋友不離不棄,但影響到老公同個繼女嘅健康同生活,成日接到D無出聲電話,收到D奇怪信件、電郵,搬過屋換過電話,但前妻總有方法搵到佢地或去麻煩D親友,同事朋友有想過離婚,但明明唔係老公嘅錯,點解佢地要因為個顛嘅搞到分開?
花旗太太生活在花旗國,留意時差,你問我未必即時答到。