本帖最後由 蝦米豬 於 13-9-11 17:29 編輯
9. 懷孕痛症
腰骨痛、坐骨神經痛、手麻痺、腳板小腿抽筋、便秘
如果你的十月懷胎從未經歷上述之苦, 恭喜你! 你是那少數的幸運兒. 如果你跟我一樣遇上這些問題, 有一些不藥而愈的方法.
長時間坐在辦公室, 時常打字用mouse, 我有咗後手麻痺及腰骨痛, 原來只要 “坐得正企得正” 痛症便慢慢舒緩. 首先檢查椅子高度是否合適, 要坐”硬凈"椅, 自己背要靠椅背成90度角, 如果椅太深靠唔到背, 可買椅背cushion. 日本城或家品店有. 太軟的床和椅可加劇腰骨痛.. 防腰背痛的正確座姿 http://www.hkccsa.org/WYP/181/9.htm
另可考慮購買U型孕婦及哺乳枕, 如果唔係用枕頭代替都可以, 睡覺時雙腿夾著枕睡會舒服D, 餵B時又可用, B識坐時可靠著坐. U型枕比一般枕頭好一點是唔會頂住個肚, 個位可彈性整理, 平的$2xx-3xx一個, 好多牌子都有如mimimoto, 六甲村等. http://www.baby-and-me.biz/popup_image.php?pID=791
餵母乳是長期作戰呀, 有時會使腰骨痛、坐骨神經痛惡化, 因常常坐及坐得久, 故一張好登及cushion重要, 也要不忘移動, 行吓, 郁下手腳. 落吓街散吓步, 騰出騰入都有幫助. 冬天生B的媽媽更加要動, 因為那時候的骨頭更容易僵硬. 我試過痛到行唔倒路, 以為下半生就是這樣, 還哭了出來, 後來做點運動, 移動多點後舒緩.
產前運動, http://www.fhs.gov.hk/tc_chi/health_info/files/an_16.pdf
(二)對舒緩腰骨痛幾好, (一)可預防/減輕產後失禁, (三) 可減少腳抽筋, (四)及(五)助順產媽生得順D.
便秘: 當BB越來越大, 會壓著你的腸, 使排便困難. 太大力柯(尤其是最後幾週)有機會唔小心迫到穿羊水, 又或是誤會柯B是柯屎. 多飲水(一日最好3 lit), 唔好等口乾先飲. 多食菜使胃腸蠕動好. 番薯、香蕉、奇異果, 西梅、火龍果、粟米有助排便. 食麥皮(要燒煮非即沖的無糖燕麥片),早上空肚一個蘋果有幫助.
每日養成定時排便習慣，與便便培養感情, 專一一點唔好帶埋雜誌, 智能手機入廁所, 便便會乖乖慢慢出來.
排便的正確坐姿, 我發覺”long”起對腳, 身向前傾有D用
http://www.constipationadvice.co ... practical-tips.html
緊記不要隨便用瀉藥油條, 因可能會影響BB及使BB提早出來.
願攜手渡過悲傷, life is still going on.
發表於 
返回列表
