16:10 大劉繼續炮轟呂麗君:「數目字係邊時?以前買塊地萬幾蚊,食碗叉燒飯7毫子,依家邊有?唔同時間數字就唔同。佢係納米型小賊,成家都係。買埋啲Accumulator,I'll kill you later!佢買晉環,人哋一次過畀錢買,佢10%做deposit,15%做stamp。佢無腦㗎,做鴕鳥,以後再唔會救佢,再無關係。我打畀仔女時,佢就搭嗲,你估我會唔會聽佢電話?我出院時,佢見我未死得就扮Close,我即刻同陳凱韻結婚,點知要分身家先有保障。我開記者會之後一星期,我同律師講寧願分錯都唔願畀佢得益。可能我斗零都唔分,可能留畀我老婆同佢三個仔女決定,怕俾佢撻埋。有冇睇早排《東張西望》?有個肥女人嫁咗四次,間公屋都呃埋個仔。陳凱韻肯聽我說話,三個仔女都肯聽我講話。」