bowling2004 發表於 15-9-23 10:14
迴光反照唔係咁的。本身行得走得就唔係叫迴光反照。
我婆婆就應該係啦~ 佢平時不嬲都有時要出入醫院, 最後一次入院, 好嚴重, 醫生仲叫我地全部人立即黎睇佢, 話佢未必過到今晚! 咁趕得切既個個都去睇下佢, 佢其實已經半昏迷, 醫生都話老人家病, 可以拖好耐亦可以好突然, 叫我地多D黎睇佢! (仲批准我地24小時黎探佢, 可想而知當時已經好危急)跟住我日日去探婆婆, 見住佢一日比一日好, 所有子孫都黎睇佢, 佢仲話想食呢樣果樣, 我地見佢越黎越好, 仲諗住佢過多幾日可以出院!
(不過婆婆自己都有講, 今次應該出唔到院啦! 我當時見佢越黎越精神, 冇為意)
點知, 過多幾日, 佢就係睡夢中昏迷, 1個鐘左右就走左.....
我仲好記得佢走之前果晚, 我地去探佢, 我係最後一個走, 我回望婆婆(每次走時都會回頭望下佢), 佢望住我微笑揮手, 我仲好開心咁同婆婆BYE BYE!
第2朝, 係星期日, 平時我一定訓到好晏先起身, 果日唔知點解5點幾突然醒左, 過左1分鐘都冇, 我老豆就打電話黎話婆婆昏迷, 可能唔得, 叫我立即過去, 搭緊的士去時, 婆婆就已經走左了....
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!