ChaBean 發表於 22-8-2 16:30
所以好憎人講咩父母係點仔女係點,小朋友咩唔好一定因為家長都係咁
...
咁又有係父母身教出同樣嘅仔女,最好例子係我女興趣班嘅一個家長,佢打扮得好精緻,個女又係件件靚衫,平日好有教養好優雅,佢同我講過帶個女嚟學跳舞係因為個女係獨女,性格唔好,好自私又霸道,唔肯同人分享。後來有一次個家長因為老師計錯數,買少咗一套表演服裝,喺表演前一個星期派服裝時先發現,佢個女分唔到服裝,老師已經話表演前會補買番,個家長嚟接放學時發顛咁鬧老師,話俾晒學費點解會佢個女冇服裝,如果佢個女冇,其他人都要冇,唔可以得佢個女冇,唔知以為老師要佢個女唔著衫上台表演,當下我知道點解佢個女會學得自私霸道。
花旗太太生活在花旗國,留意時差,你問我未必即時答到。