大仔大女媽媽會 今日: 0 | 主題: 177860

積分: 3489

1^#

發表於 06-2-14 23:17 |只看該作者

生完BB幾時有'M'呀?

請問各位媽咪~你地生完BB之後幾耐先有'M'呀?唔知開刀或順產生BB對'M'有冇影響既呢? 餵人奶既媽咪~'停奶'幾耐先會有'M'架? ...因為我11/1已經冇再餵母乳,但係到而家3個幾月喇!d 'M'都仲未黎番,而且間中仲有'奶水'流出,(少量白色的),無端端流到胸圍濕左一鐽,好在未至於流到外衫都濕埋,但當我同老公'親熱'時,就會'噴奶',或不停流出,好尷尬呢!

其實我已經冇飲魚湯/特別食'上奶'既野,又冇脹痛,谷奶,但都仲係咁既?

唔通真係要完全停奶一段時間先會有'M'返? 請問我需要去看醫生嗎?

因為老公好擔心我哦! (其實佢想我過幾年再幫佢生BB,所以想我'保重身体'

)

請大家分類說明,謝謝!

一. 開刀生BB 或順產生BB?
二. 有冇餵母乳? 生完幾時有'M'?
三. 黎'M'日期同流量跟生BB之前有分別嗎? 準時嗎?多左定少左?

例子: Gillian Chan
一. 開刀生BB
二. 餵了母乳8個月. 生完11個月仍未黎'M'
三. 未知....

私人傳訊

積分: 5658

2^#

發表於 06-2-15 09:23 |只看該作者

Re: 生完BB幾時有'M'呀?

gillianchan:

如果係餵母乳既,通常都會較遲黎返M! 但情況就因人而異,以我為例, 晴晴食母乳到差吾多2歲, 但生完半年就黎返M啦, 流量比未生前少, 日數亦短了. 但今次生完謙謙到現在都未黎返M

我有些朋友停止餵母乳後半年才有返M, 所以你不用擔心, 只要做好預防措施就好了, 因為我有個朋友她的女兒一直到3歲也不能完全戒掉人奶, 每晚都要吃幾口, 而她的M一直沒有來, 直到有一次她不舒服去看醫生, 才發覺有了BB,現在BB一歲一個月了!

歡迎進入2隻小妖既世界~

http://hk.myblog.yahoo.com/carmenma99

私人傳訊

garfield804

別墅

積分: 576

3^#

發表於 06-2-17 02:21 |只看該作者

Re: 生完BB幾時有'M'呀?

gillianchan,
我都係隔咗好耐先至黎m,我餵咗3個月母乳跟著差不多等了3至4個月先黎m.流量就同以前差不多,不過就舒服咗,因為以前成日m痛.依家就無. 所以你都唔駛緊張,不過就真係記得要做好安全措施.因為無黎m唔代表唔會有bb, 除非你想要bb啦

私人傳訊

積分: 3489

4^#

發表於 06-2-22 21:59 |只看該作者

Re: 生完BB幾時有'M'呀?

carmen99~ &

原來有D媽咪就算停左唔餵人奶都要等3-6個月才有番M架!咁我都冇咁擔心,因為我個朋友停左冇餵人奶之後一個月就有番M喇!
嗯!你地放心喇!我當然會好'小心'喇!就算有冇M都好,我生完之後一直都有做預防措施架!

因為我唔想咁快又'中招'嘛!(雖然老公好想,所以成日'蠱蠱惑惑'

)

carmen99~ 你個朋友3年來冇M,佢又冇避孕嗎?咁佢係以為冇M就唔會咁易有BB,所以唔小心又有左呀? 定係突登既呢?

garfield804~ 你生完BB之後覺得M黎都冇唔舒服咁都幾好喎!

私人傳訊

積分: 3489

5^#

發表於 06-2-27 23:07 |只看該作者

Re: 生完BB幾時有'M'呀?

我以前'M'唔準,平時正常一個月一次,不過好多時都會隔2-3個月先黎一次,加上我一年冇避孕都未有BB,所以由私家醫生轉介左去'廣華'睇<生育及分泌科>,睇左半年食左D藥,M就準D喇!半年之後我仲發覺有左添!檢查&照左2次超聲波之後,我就轉左去'聯合'睇喇!...

本來佢地話我生完BB之後如果d M都係唔準,可以打返去約期檢查,但前幾日我打去'廣華'問D護士,我尼個情況需唔需要返去覆診? ...佢問我有冇驗過孕?(我話:冇) 會唔會又有BB? (應該唔會) 有冇餵母乳? (之前有) 餵左幾耐? (8個月) 同依家相隔左幾耐? (三個月)...之後佢話要問下醫生先,睇埋我個'病歷表'再回覆我.

今日有個姑娘打俾我,佢話叫我先自己驗下有冇BB先,如果冇,可以再等下,M遲D應該會有番,如果仲係擔心或者過左好多個月依然未黎,就可以去睇私家醫生,叫佢再寫信轉介我返'廣華'睇喎!

唉!咁我即係唔知又要再睇幾多次醫生喇!因為我已經睇過2次中醫喇!(阿媽覺得中醫先可以'治本') 中醫話我身子比較弱,血氣運行得唔好喎!所以要慢慢調理下... 而家姑娘仲叫我要睇埋私家醫生添!

講真以前我有唔舒服都唔多願意睇醫生,通常都係食'成藥'就算(touch-wood我以前都冇乜病痛) 何況係而家呢!有錢都留番俾穜穜~喇!不過如果係穜穜~有少少唔舒服我就會即係睇醫生,因為BB有病痛可大可小嘛!佢又唔識講邊度唔舒服喎!所以唯有睇兒科醫生最快醫好佢,等佢唔駛咁辛苦囉!所以叫我睇多幾次醫生/中醫真係有D唔捨得

私人傳訊

積分: 3489

6^#

發表於 06-3-5 23:39 |只看該作者

Re: 生完BB幾時有'M'呀?

唉!我尼排已經睇左4次中醫喇!飲左好多苦茶,中醫話我血氣弱,血液循環唔好,問我想開D勁D既藥,令月經即係黎,定係慢慢調理身体先呀? 我當然係想'調理'喇!因為我唔係只睇而家,仲要睇將來嘛!如果只係急於一時,今次飲完'勁藥'就立即黎,咁第時又點呢?唔通次次都要靠睇中醫飲苦藥咩? 唉!而家唯有慢慢等下喇!希望可以快D黎番M,幫手排走D'廢物'.

請問其他媽咪~你地既情況係點呀?

一. 開刀生BB 或順產生BB?
二. 有冇餵母乳?餵左幾耐?
三. 生完幾時有'M'?
四. 黎'M'日期同流量跟生BB之前有分別嗎? 準時嗎?多左定少左?

例子: Gillian Chan
一. 開刀生BB
二. 餵了母乳8個月.
三. 生完11個月仍未黎'M'
四. 未知?....

私人傳訊

積分: 3489

7^#

發表於 06-3-14 23:49 |只看該作者

Re: 各位媽咪~已經一年喇!你地'M'左未呀?

唉!我睇左4次中醫,飲左6劑中藥,都仲未黎'M'呀!

前日聽穜婆婆~講起,鄉下有個鄰居,同我一樣剛做了媽咪一年,佢BB只大穜穜~十幾日,一直都係餵人奶俾BB,所以冇黎經都唔出奇,不過親朋戚友個個都覺得奇怪,點解佢一年以來都像沒減過磅,肚子依然大大的,叫佢最好睇下醫生...

點知醫生一開始就問佢係咪冇避孕?...原來佢已經有左5個月喇!於是佢先急急為BB'戒母乳'...(請問有左BB點解唔可以再餵人奶呢?對肚內的BB有影響?)

原來餵人奶都係唔可以'避孕'既,好在我一直都'唔敢博',做足安全措施咋!

不過聽完媽咪講,我都仲係有D擔心,因為我都係減極肥都係差唔多,到依家都仲有十幾磅未減得番?而且如果我要返去'廣華醫院'睇'婦科' / '調經內分泌科',我一定要去私家診所驗孕同檢查,叫醫生寫封信轉介我返'廣華'睇先得,我將尼件事話俾老公聽,問下佢意見,佢話肯定'冇事'既,不過如果你想安心D,同埋要醫生信都係睇下好D.

於是我尋日懷住好緊張既心情去診所睇醫生,驗尿既時候我真係有D緊張呀!好在個結果都係'冇事',醫生問我有冇避孕?我話有!佢話適當使用各避孕產品通常都'安全'既,而且一般人餵人奶後1-6個月會黎'M',但半年都未黎經都好普通,叫我唔駛擔心,我可以選擇繼續'等' / 食藥 / 打通經針? 我選擇左'食藥',仲叫佢幫我寫封信去'廣華',等我可以打去約時間再用詳細檢查.

請問其他媽咪~你地既情況係點呀?

一. 開刀生BB 或順產生BB?
二. 有冇餵母乳?餵左幾耐?
三. 生完幾時有'M'?
四. 黎'M'日期同流量跟生BB之前有分別嗎? 準時嗎?多左定少左?

例子: Gillian Chan
一. 開刀生BB
二. 餵了母乳8個月.
三. 生完12個月仍未黎'M'
四. 未知?....

私人傳訊

積分: 5658

8^#

發表於 06-3-16 21:12 |只看該作者

Re: 各位媽咪~已經一年喇!你地'M'左未呀?

Gillianchan,

吾好咁擔心啦, 幾時黎返係因人而異既, 如果太緊張會令賀爾蒙分泌吾平衡, 月經失調架, 我未有囡囡之前都試過,因為份工太大壓力,攪到我幾個月無M黎,放鬆d啦! 應該會好D!

其實妳之前餵過幾個月全人奶,戒左奶都係幾個月者,況且你生完應該做過子宮頸未片檢查, 就黎又夠時間再做啦!check過無問題就O.K.架啦!除非妳想有BB, 如果吾係未有M黎都要"小心"

如果我係你我會繼續等, 順其自然好D!

餵人奶真係可以避孕,不過要合符以下3個條件:

1. 要餵全人奶 (不可補奶粉或其他副食品)
2. 未有M黎返
3. 只係生完6個月內至有效

謙謙到以家每日大慨食4次人奶, 但我都係未黎返M,不過我返而吾想咁快黎返

大女果時, 6個月我巳經返M啦 :-(

歡迎進入2隻小妖既世界~

http://hk.myblog.yahoo.com/carmenma99

私人傳訊

該用戶已被刪除

9^#

發表於 06-3-19 15:54 |只看該作者

Re: 各位媽咪~已經一年喇!你地'M'左未呀?

提示: 作者被禁止或刪除內容自動屏蔽

私人傳訊

積分: 3489

10^#

發表於 06-7-2 01:31 |只看該作者

Re: 各位媽咪~已經一年喇!你地'M'左未呀?

各位~

多謝你地一直以來的關心同安慰.我既''M''終於返黎喇!

唔知我係咪最遲既一個呢? (我由11/1起停餵人奶,到6/30先黎'第一次'

)

今次我唔係'順其自然'架!而係靠食'國內'既西藥,先黎到架! 因為我阿爸識深圳某醫院既醫生,上個月佢幫我約左另一個婦科主任,同我摸過子宮位置(佢話可以知道我會唔會'中左招'(有左BB)喎!) 之後再照過超聲波確定,睇埋子宮位置,內壁厚度,果時有4mm都算正常,但仍未有即象會黎,之後食左十日醫院開既賀爾蒙,停左十日,再轉另外2種藥,係國內既藥房就可以買到,食法都幾特別架!第一隻藥食頭3日,第二隻藥由第4日至第7日食,食完又停下,之後過左幾日我d 'M'就真係返左黎喇!

我咁大個女,都未試過黎'M'黎得咁開心架!

真係一身都鬆晒!

不過個醫生都建議我有時間再返去睇多次,開D藥俾我調理下身体,希望之後d 'M'黎得正常D,穩定D,'代謝率'高D,對減肥都有幫助喇!因為我仲有十幾磅要減呀!

之前'積水'都幾嚴重

雖然今次都未'完',但係我已經好心急喇!唔知下次幾時會再黎呢?

(我生BB前都唔係個個月有''M''黎得好亂,期期都唔同時間,有時一個月一次,有時三個月一次) 可能真係以前教幼稚園太緊張喇! 唔知而家會唔會'正常'D呢?

珮珮媽咪~

我第一次聽到有人'羨慕'我遲黎"M"咋!

不過我真係慳番幾多錢架!買少好多包!又唔駛咁麻煩!但係始終,'黎'好過唔'黎'嘛!咁耐唔'黎'真係幾值得擔心架!又唔知身体有乜事喎?尤其係我老公,佢成日叫我去睇中醫,西醫,做多D運動(血液循環) 食多D野,食補品....(不過我唔多聽話

)

carmen99~

咁你既'M'返黎未呀?

多謝你既分享,雖然我之前符合'餵人奶'避孕既條件,不過我都唔敢'搏'呀!都係'安全'D好!

因為我暫時都唔想再有BB住,其實我咁心急係因為我同家人一直都覺得,應該一早要黎,而家要停餵人奶8個月先黎,真係幾遲(相比其他餵人奶媽咪) 家人成日都話我'血氣不足',經過今次'等'左咁耐,我都係時候調理下身子喇!

私人傳訊

cathyl

別墅

積分: 652

11^#

發表於 06-7-3 16:53 |只看該作者

Re: 各位媽咪~已經一年喇!你地'M'左未呀?

Hello Gillian Chan,

我:
1. 順產生既,
2. 有餵母乳. 仲餵緊, kyle 依家15個月.
3. 生完14個月第一次黎m
4. 大致上都同以前一樣.

之前不知幾enjoy無m黎既日子.. 哈哈.
不過, 都係順期自然啦.

私人傳訊

積分: 5658

12^#

發表於 06-7-12 15:56 |只看該作者

Re: 各位媽咪~已經一年喇!你地'M'左未呀?

gillianchan:

恭喜妳!終於可以鬆一口氣~原來妳之前付出左咁多,真係得 "來"不易

我既 M岩岩係謙謙1歲大果日黎返啦, 但係好飄忽黎1,2日就無, 跟住隔半個月又黎返, 真係亂哂大籠

不個今個月就
正常好多啦~吾知係咪仲餵緊人奶,所以初初黎返吾係咁準啦

妳呢?

咁妳諗住幾時再有BB呀?吾好隔太遠呀, 如果吾係2個小朋友無咁friend架~

歡迎進入2隻小妖既世界~

http://hk.myblog.yahoo.com/carmenma99

私人傳訊

積分: 3489

13^#

發表於 06-7-13 23:50 |只看該作者

Re: 各位媽咪~已經一年喇!你地'M'左未呀?

報告~~

生完十五個月,第一次黎M,只係得兩日(以前大約黎四日) 不過'流量'同'顏色'都算正常,都值得開心既

加上知道你地初初黎返M都會亂少少,我先冇咁驚咋!

最近我阿爸介紹左佢個婦科女醫生朋友我識,佢仲免費上門幫我睇症添!佢話我M唔準係因為子宮細左 (估計係生完之後子宮收縮過度) 令到賀爾蒙同某D分泌少左,所以遲遲都未黎到,(其實今次黎M都係多得尼位醫生教我食2隻藥先咁快黎到咋!如果唔係都唔知等到幾時lu?) 希望我繼續食尼2隻藥,以後'M'可以黎得正常D喇!

cathyl~

HI!你好呀!我好似第一次見你咋喎!多謝你賞面光臨分享'經'驗

你BB係咪05年3月出世架?我囡囡係3月19日架!以後多多聯絡喇!

嗯!雖然冇M既日子,真係幾'乾爽舒服',不過我地生完咁耐'黎'先係'正常'架嘛!

黎完之後我同家人而家先安心D咋!

carmen99~

多謝你的'恭喜',我同老公真係覺得鬆一口氣架!

嗯!唔知係咪我自己太過緊張,所以越唔黎呢?又可能D藥正係掂喇!(唔好睇少國內的醫生同成藥呀!

) 因為香港的中/西醫都搞我唔掂(我係香港加埋睇成十次都唔黎) 所以真係付出左好多$$ 得 "來"不易 :cry:

嘩!你既 M 黎得幾有意義喎!岩岩係謙謙1歲大果日黎返'探'你

希望你之後都黎得'順暢'D,正常返晒喇!

係喎!我唔記得你之前有冇提過你生大女之後幾耐先有M架?佢都係飲人奶架呵?

o下!我而家真係唔敢諗'第二個'住喎!

穜穜~真係太'活潑'喇!冇時停,等佢大少少先算喇!到時仲要考慮到時的環境,收入,教養,照顧....等等既問題,而且我剛剛先用左幾萬蚊減左30磅 :cry:

所以等穜穜~大D先再諗lu

我都聽過人地話2個小朋友年紀近D會好D,橫掂都係揍,辛苦D一次過搞掂,D BB野又可以即刻用番唔駛o徒!佢地都有個'伴',會friend D,不過我同細佬差一年,就由細嗌交嗌到大,(係佢既脾氣問題) 所以我先咁早結婚搬出黎咋!而家關係反而好好多

又或者我以前教幼稚園,見到D'大哥哥' 或 '大姐姐' 好錫弟妹,又幫佢地溫習,成績會好D,而且'有樣學樣'仲會乖D添!所以如果要再生,我覺得差多幾年可能仲好

但係都係遲D先算lu.

私人傳訊

積分: 5658

14^#

發表於 06-7-14 11:33 |只看該作者

Re: 各位媽咪~已經一年喇!你地'M'左未呀?

gillianchan,

謙謙一歲時我又係黎2日咋, 跟住斷斷續續咁~

我大女時, 6個月d M就黎返啦~2個我都係餵人奶既,今次成年先黎返, 就係好開心!可以輕鬆耐d~

哇!妳就好啦!喊左成30磅, 係邊到減架?比d資料我丫?我越黎越肥呀,過多3個月謙謙戒奶, 我就會績極減肥架啦~

妳講得岩2個太近真係會成日鬧交, 加上妳岩岩修身, 都係等下先啦~

歡迎進入2隻小妖既世界~

http://hk.myblog.yahoo.com/carmenma99

私人傳訊

Amandaxx

別墅

積分: 742

15^#

發表於 06-7-15 15:26 |只看該作者

Re: 各位媽咪~已經一年喇!你地'M'左未呀?

gillianchan~

昨天睇相已經覺得你瘦左好多，果然係減左，仲減左30磅！真係羨慕死人！我生完2個月之後比未懷孕肥左10磅，但一直無減磅，仲有增加的趨勢添！希望同恩霖介左人奶之後可以積極一些吧！

你有無心得分享？

私人傳訊

積分: 3489

16^#

發表於 06-7-27 23:15 |只看該作者

Re: 各位媽咪~已經一年喇!你地'M'左未呀?

carmen99~ & Amandaxx~

我諗你地情況冇我咁嚴重,因為我有BB時最重有成77.5 kg,本來以為係'BB'重,但生完都仲有72.4 kg ,但穜穜~出世有3.89 kg,減埋'胎盤'同'臍帶'咁我咪即係冇乜輕過

果時我先知自己原來比未有BB時足足肥左四十幾磅呀! :cry:

所以你地唔駛'羨慕'我喎!我減尼30磅真係'有血有汗'架! 用左半年時間,好多錢,同成日要'忍口'(雖然唔駛'節食',不過要'選擇'食物同計算份量就住黎食) 都幾辛苦架!所以邊敢再生第二個喎!

Amandaxx~

多謝你'讚'我瘦左好多呀!

不過我仲要繼續努力,希望可以減多十幾磅,好似'結婚'時咁瘦

你只係肥左十磅o者!一定好快減到,等你遲D唔餵人奶,我再同你慢慢傾喇!

其實我都冇乜心得架!不過試過好多唔同既方法,都可以同大家講下,分析下既,暫時講住第一種先喇!

~~想知我其中一樣減肥方法~~請按此處

報告~

我第二次'M'來了...

以前我通常遲1-3個月才來一次,但今次竟然'有早無遲' ,上個月6月尾黎左2日,今個月7月中又黎左4日,唔知我係同你地一樣,先黎2日,遲半個月左右再黎幾日? 定係因為我食既'藥'有用呢?

因為上個月我都係靠食藥先可以'黎到',之後我咪繼續跟'國內醫生'(我爸爸的朋友,佢做左婦科廿幾年) 既藥單自己買藥食,不過7月頭我終於排到期返香港醫院check時,醫生叫我唔好再食果D'大陸藥',因為怕我習慣左,變成要依賴D藥先可以黎'M',於是我就立即停食'國內藥',但停藥一星期後,就再次黎'M'喇!我媽咪同'國內醫生'講起,佢話原來一停藥,過幾日就會黎'M'架喇!

好在我停得快咋!如果唔係依佢初時話食'三期藥'(每個月食18日停7日連續三個月)---稱為'人造經期',咁之後唔食唔知後果會點呢?

私人傳訊