回覆:62教我個女講痴線
如果老爺唔係故意教小朋友講,只係平時講開,喺小朋友面前都唔收斂下,其實好難叫佢改。
我老爺奶奶成日上我屋企睇孫(我地關係好好,所以我好歡迎佢地上黎,有時一個星期黎6日,好親近) , 但有時講講下嘢,或者佢地睇電視時,都會講\"黐線\", 勸過一兩次唔好喺小朋友面前講,佢地都明,但有時真係改唔到口,咁就自己教多d個仔呢d嘢點解大人有時會講,點解小朋友唔可以講。
而家,我大仔小一,佢一直覺得呢句係粗口,小朋友唔講得,學校有同學仔講,佢都勸人唔好講。
有時係改變唔到老爺奶奶或其他人,只能教好自己既小朋友,同埋父母做好榜樣以身作則為身教。
共勉之。
識網友只限吹下水、交換下資訊、發揮網力,邊個認真就邊個輸。