少年成長 今日: 0 | 主題: 15862

積分: 33212

2163^#

發表於 14-9-10 22:49 |只看該作者

olittlefatcow 發表於 14-9-10 09:25
Hi sandra

我仔快3歲，而家返k1.妹妹剛出世，我發覺最近佢既脾氣好大，情緒好,

olittlefatcow :

你依家㖣係要幫佢抒發情绪............. 而係要矯正 attention seeking 嘅行為！
你睇呢個 topic 最近 4 版, 好多都係呢個有新生细佬妹嘅問題！
首要係唔好怕佢喊, 唔好因扭、喊或發脾氣而俾 attention, 佢不停吵鬧都係想要你注意佢, 咁你必須响佢冇吵鬧嗰陣先用讚佢嚟俾 attention, 我估你並冇真正 ignore 佢呢d 扭嘅壞行為, 只係「有陣」理唔到以為自己 ignore 咗............ 怏d 先温書, 睇番點用讚, 睇埋其他幾版再問！
set 個簡單時間表亦會幫到, 等佢知你乜嘢時間會同佢一齊/玩！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊回覆引用

olittlefatcow

別墅

積分: 592

2164^#

發表於 14-9-11 00:39 |只看該作者

回覆：小朋友大脾氣,可以點教 Part III

Sandra

Thx the advice!
今日溫咗書啦，明白點用讚+ignore。可能我之前怕佢喊會嘈住妹妹，所以成日都叫佢唔好喊，係俾咗attention佢。

好似今日咁，爺爺嫲嫲同佢沖涼，本來都好開心，但沖完又發脾氣，係咁扭計瞓地唔著衫。我地怕佢冷親，想用毛巾包住佢，佢就仲喊得勁。最後我叫所有人唔好理佢，等佢自己喊一陣，之後我問佢喊完未，佢話喊完啦，咁又真係冇再喊，我就同佢著番衫。同埋每次扭完喊完都要我抱一陣。咁我會問佢你係咪唔開心，引導佢講點解發脾氣。但佢次次都話唔開心，同埋佢唔係好識講原因，我問佢，佢只答係或唔係。我咁做啱唔啱？

另一個問題，佢最近唔肯入門口。今日又話唔返學，去到門口都要拉我走。要我氹好耐+抱佢入去。其實係咩原因，我要點做先啱？

私人傳訊回覆引用

mini0305

複式洋房

積分: 159

2165^#

發表於 14-9-12 14:02 |只看該作者

回覆：小朋友大脾氣,可以點教 Part III

囡囡剛開始k1,返咗7日學，學校話囡囡太自我，野蠻，只顧做自己想做嘅事，有人想阻止嘅時候就大叫大嗌，點算好?

救版主比啲意見

私人傳訊回覆引用

fatcarrot

複式洋房

積分: 275

2166^#

發表於 14-9-12 14:25 |只看該作者

回覆：小朋友大脾氣,可以點教 Part III

版主,

最近3、4個星期我細仔(5歲半)忽然成日無故發好大好大脾氣, 每次一發脾氣就幾個鐘都settle唔到佢, 佢會不停大叫大鬧話我唔錫佢、唔愛佢，又追住我嚟打、踢，完全情緒失控.... 最驚係佢諗嘢好負面，成日話我生佢出嚟又唔錫佢、係想佢死

我有溫書嘗試用讚同ignore嘅方法，但佢完全唔接受...當佢發癲時，如果我唔望唔講嘢佢都一定要抓住我狂打，更加唔肯去naughty corner....

依家佢係唔俾人話得, 佢做錯嘢人哋話佢一句就即刻發難。

佢以前唔係咁㗎, 係一個happy boy, 做事積極又聽話，我諗極唔明點解佢忽然變咗另一個人咁，又唔知可以點幫佢... 你可以俾D意見我嗎? 謝謝你!!

私人傳訊回覆引用

積分: 33212

2167^#

發表於 14-9-12 23:10 |只看該作者

rainting 發表於 14-9-10 12:52
Sandra, 我就無試過去裝佢，但問老師話佢而家入到學校一陣佢就收左聲無喊…
好似星期一咁佢扭計要一樣野， ...

rainting :

既然佢因返咗學而有咁嘅改變, 你又担心佢嘅情緒, 咁有機會當然要去學校「装」下佢, 知道下佢會唔會有未慣或者有乜嘢驚咗, 好過淨係聽老師講番, 始终小朋友初初返學要適應, 有乜老師唔會咁快睇到或太快出聲.
另一方面, 所有壞行為都可以用讚嚟改掉, 例如成日揹住書包通屋走, 就可以响佢冇咁做嗰陣讚.............

私人傳訊回覆引用

積分: 33212

2168^#

發表於 14-9-12 23:40 |只看該作者

本帖最後由 SandraLo 於 14-9-12 23:41 編輯

olittlefatcow 發表於 14-9-11 00:39
Sandra

Thx the advice!

你响佢新鮮滾熱辣扭完嗰陣就唔好抱住, 如佢鍾意你抱, 你就應該响佢冇扭冇發脾氣嗰陣讚佢再抱........... 而唔係扭完先抱！舉個例你就明多d......... 有小朋友發脾氣掃晒d 玩具落地, 阿媽當然叫佢執番, 佢就好聽話咁去執, 執咗阿媽就獎佢食糖. 你覺得有冇問題？如果佢冇掃過玩具, 佢有冇糖食？事實係佢掃玩具先會有糖呀！所以, 請將佢鍾意嘅同好行為掛勾, 唔好助長壞行為啊！傾計都係响夜晚講完故事嗰陣啦！
唔肯入門口嗰d 咪又係 attention seeking ......... 你會唔會唔駛佢返學？唔會嘅話, 抱佢入去就得, 你愈係講道理, 佢愈攞到你 attention, 亦愈會以為有機會有灣轉, 再扭多幾扭！其他唔一定要去嘅, 你可以俾佢唔去的, 佢話唔去就即俾佢囉, 最緊要[size=13.63636302948px]唔好同佢[size=13.63636302948px]糾纏！

私人傳訊回覆引用

olittlefatcow

別墅

積分: 592

2169^#

發表於 14-9-13 00:16 |只看該作者

回覆：小朋友大脾氣,可以點教 Part III

Sandra
我地用咗讚同ignore方法，呢兩日阿仔行為有明顯改善。由由朝喊到黑，變到暫時一日裡扭一兩次，而且扭既時間短咗，沒有大叫大喊喊不停。而家係返學問題，個人都返到學校，先喊哂口話唔返學，要老師強行抱佢入去。不過我都唔理得咁多，學就一定要返嫁啦。

另外，佢好妒忌妹妹，唔俾我抱，唔俾我餵奶。但其實佢又會錫妹妹，主動話抱妹妹。有時我要一個湊兩個，佢咁樣我好難做。請問點樣可以今大仔冇咁妒忌呢？

私人傳訊回覆引用

giftfromgod2008

積分: 2885

好媽媽勳章

2170^#

發表於 14-9-13 04:08 |只看該作者

回覆：小朋友大脾氣,可以點教 Part III

Sandra你好，有一事請教。我女五歲八個月，獨女，剛升小一，我眼中自小唔算naughty，阿女好錫我，都錫爸爸但把口經常虾爸爸例如話唔錫佢。

佢爸爸一向好注重阿女學習態度，經常因為呢樣嘢比爸爸訓示，爸爸教佢嘢無心機聽，我認為某程度上因為爸爸太長氣，次次話佢三十分鐘起錶，我今日同爸爸講咗太長氣邊有心機聽，希望控制到佢長氣既問題。但另一方面，阿女方面我唔識攪，例如佢會話自己唔鍾意win, 我問點解佢只會話唔鍾意，我懷疑佢因為自己做唔到所以咁講嚟掩飾，最近佢因不懂得跳繩（同學仔一齊跳但已識），我哋教佢/叫佢睇吓哋點跳，佢發大脾氣掉嘢大叫，似乎佢不受教又要面，學習態度好易放棄，唔知對呢種性格既小朋友有咩方法呢？謝謝！

私人傳訊回覆引用

積分: 33212

2171^#

發表於 14-9-13 12:35 |只看該作者

mini0305 發表於 14-9-12 14:02
囡囡剛開始k1,返咗7日學，學校話囡囡太自我，野蠻，只顧做自己想做嘅事，有人想阻止嘅時候就大叫大嗌，點算 ...

mini0305 :
咁佢響屋企有冇問題？定係你地就慣咗佢唔覺？

私人傳訊回覆引用

積分: 33212

2172^#

發表於 14-9-13 15:32 |只看該作者

fatcarrot 發表於 14-9-12 14:25
版主,

最近3、4個星期我細仔(5歲半)忽然成日無故發好大好大脾氣, 每次一發脾氣就幾個鐘都settle唔到佢, ...

fatcarrot :
有冇睇/估到d 乜嘢原因忽然會變咗咁？功課壓力？俾老師話完？屋企有新成員？

私人傳訊回覆引用

CoeyBB

積分: 2061

2173^#

發表於 14-9-13 22:37 |只看該作者

回覆：SandraLo 的帖子

Hi Sandra,

之前同你傾過架，大約係#1998，亦有用你既方法去讚同無視佢曳既行為。

但問題越黎越嚴重，細佬而家5個月大，大女岩岩開始讀預備班，老師評語「大女鍾意返學，每日都好開心，冇喊！」。但返到屋企，每日總有一次打細佬/咬細佬既行為出現！

而且扭計情況越來越嚴重，經常大喊大鬧，例如餵粥，佢要睇公主，我開左唱歌… 佢就發脾氣勁扭計，又大叫又踢腳！最慘就係大女傷風咳去睇醫生，比醫生鬧呢個年齡唔應該發出咁既聲表示自己唔願意比醫生做檢查。

仲有喎，有一日大女腳指公痛，痛到行唔到要抱佢去睇醫生，醫生同佢好細心檢查，檢查時大喊叫痛，但結果醫生話佢乜事都冇，只係想我注意佢，叫我多d同佢玩。

親戚黎飲茶，扭計買雪糕，扭出去行街，一喊親戚就怕左佢，帶佢出去。之前因為呢樣野同我媽鬧翻勁多次（我地一家同我媽一齊住的），眼見大越來越曳，我媽亦知道原來係由佢地蹤佢而做成今日咁，今日終於答應謝絕探訪一個月比我教好大女曳既行為，亦答應在家協助我教返好佢。

請問我應該點入手將佢教好？除左用讚同無視，我仲需要用其他方法嗎？

另外點樣可以阻止佢再打細佬？

Thanks

私人傳訊回覆引用

CoeyBB

積分: 2061

2174^#

發表於 14-9-13 22:45 |只看該作者

回覆：CoeyBB 的帖子

仲有岩岩發生的，大女食完奶，叫婆婆接左奶樽後，我先係房行出黎，大女話「哎呀，唔記得比奶樽我添」我未比任何回應佢就發癲，勁叫… 發脾氣… 唔制呀… 勁叫！

佢咁樣我應該點處理？

Thx

點評

SandraLo 你話呢？發表於 14-9-15 23:43

私人傳訊回覆引用

積分: 33212

2175^#

發表於 14-9-14 17:28 |只看該作者

olittlefatcow 發表於 14-9-13 00:16
Sandra
我地用咗讚同ignore方法，呢兩日阿仔行為有明顯改善。由由朝喊到黑，變到暫時一日裡扭一兩次，而且 ...

olittlefatcow :
妒忌呢家嘢, 係要d 時間的, 俾你一夜之間擁有嘅嘢要分一半俾人, 你都難接受啦, 現在你只要冇側重任何一方, 唔會因為佢呢d attention seeking 行為而理多佐佢或理少咗妹妹, 點忙都保留同佢傾計/講故事時間, 咁佢慢慢大, 明白乜嘢係兄弟姊妹, 爸媽俾佢地嘅嘢係一樣, 就會好d 架啦！

私人傳訊回覆引用

積分: 33212

2176^#

發表於 14-9-14 23:46 |只看該作者

giftfromgod2008 發表於 14-9-13 04:08 Sandra你好，有一事請教。我女五歲八個月，獨女，剛升小一

giftfromgod2008 :
我估 (只係估) 你地可能緊張咗, 佢感覺到你地好在意佢識定唔識, 同有冇努力去學, 咁對某d 小朋友嚟講其實構成壓力, 因為即使搞得掂(win), 下一次都末必一定得, 而唔識嘅嘢又俾你地放大, 下下留意住要佢一定學識, 咁當然唔開心, 咁细個又點識表達佢嘅憂慮呢？如果因為咁而話佢唔受教, 就正正係發生佢担心嘅嘢 ~~ 自已好似差過人咁！建議你唔好下下話佢「唔得」或者「未夠」, 咁做會令佢以為自己好多嘢唔得, 自信心愈來愈差, 你要理少d, 甚至「淡化」佢「未」識嘅嘢, 等佢自己處理, 除非係功課！而要學d 乜, 留番俾學校教便可！

私人傳訊回覆引用

Ruby3103

男爵府

積分: 5379

認識瑞士牛牛第一回熱血勳章

2177^#

發表於 14-9-15 08:20 |只看該作者

回覆：小朋友大脾氣,可以點教 Part III

Sandra你好，我都想請教下你，我個女28個月大，越來越硬頸，好似今日咁，我唔比佢攪風扇制，佢係都要攪，我抱走佢佢就發脾氣，不停喊，咁我就唔理佢，由佢自己係度喊，過左陣我問佢發完脾氣未，佢會答我未，但有時佢答我發完，我想知咁算唔算做錯左?攪到佢越黎越硬頸

私人傳訊回覆引用

積分: 33212

2178^#

發表於 14-9-15 23:42 |只看該作者

CoeyBB 發表於 14-9-13 22:37
Hi Sandra,

之前同你傾過架，大約係#1998，亦有用你既方法去讚同無視佢曳既

CoeyBB :

我有睇番之前嘅 post ............
Attention seeking 嘅處理方法就係 ignore + 讚, 別無他法, 若情況冇好轉, 就應該係你並冇真正做到 ignore + 讚, 重以為已經做咗！好多媽咪做唔到 ignore, 佢地誤以為 ignore 會令小朋友覺得媽咪唔錫佢地, 响佢地哭鬧、發脾氣嗰陣理啋佢地, 試圖去安撫, 實則就中計, 俾哂 attention, 更加强化咗佢地去發脾氣！
依家佢打细佬你係點處理？有罸則嗎？

私人傳訊回覆引用

CoeyBB