吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 我是不合格的媽咪嗎?

少年成長今日: 0|主題: 15862

收藏本版

發帖

返回列表

跳至頁

查看: 2563 | 回覆: 16

我是不合格的媽咪嗎? [複製鏈接]

哈哈hhf

大宅

積分: 1681

認識瑞士牛牛第一回育兒性格勳章我的育兒心得勳章分享愛 DHA勳章 BK Milk勳章畀面勳章

1^#

發表於 15-8-3 13:32 |只看該作者 |倒序瀏覽 |打印

大仔4嵗 ,細仔2嵗 .兩個都係放完產假就直接送回鄉下99湊,然後每個月,有時2個月回鄉下探下仔仔.
每次見到兩個仔感情都十分複雜 ,一是見到他們真的很高興,一是見到他們左一個叫奶奶,右一個叫奶奶,而對個這個媽媽總是視而不見,陌生人一樣真的很痛苦 ,自己的兒子不認識自己了.
14年大仔3嵗, 回來香港讀K1 ,99來香港帶了2個星期證件到期就回鄉下了,99回鄉下當日放學回來沒有見到奶奶,他很傷心,打電話問奶奶幾時來接他放學. 當晚他做了一件讓人十分難相信的事, 他決定自己一個人訓覺.家裡多人住,所以他訓的是上格床.(他從來沒有一個人訓的, 去到哪裡都是和奶奶訓.)
這一年,我很辛苦地努力建立同大仔的關係,他慢慢開始接受我, 而且開始依賴我.有時還會趕走爸爸,和我一起訓下格床.
但是一個暑假又毀掉了我一年的努力成果. 本來我一直不想大仔回鄉下放暑假的,因為復活節的時候我們一家回去了一次,他不舍得回來,之後一個月的時間每天都吵不上學,但那次他不敢講他想回鄉下.那個月捱得相得辛苦,他不停地,無時無刻都在講不上學.但是我不想也沒有用, 老公的理由是想大仔回去和細仔聯絡下感情 ,怕他們兄弟分開得久生疏了.而且我根本沒有時間去帶大仔.我只好同意了.
大仔知道要回去前一個星期就相當興奮,總是在計算著回去的日子,走的那天連跟我88都沒有說就走了了(老公請假帶他去的) .昨天我去接他回來 ,也順便見見細仔, 細仔病了,感冒 . 應該是喉嚨痛,發炎,聲音都沙啞了,連玩都沒有心情,不停地扭計,哭著說:"奶奶,我痛呀."我想抱抱都不能.而大仔知道要回香港的前一晚,半夜訓住覺都在大哭,奶奶叫醒他問他什麼事,他說要叫奶奶和他一起來香港 . 走的那天車票是下午,所以早上帶了2兄弟去公園玩, 玩下玩下大仔眼淚又流出來了,走的時候沒哭, 到車站一上車,眼淚又在打轉,到香港前的車程流了幾次淚. 回到香港的家, 在樓下一見到保安,保安和他打招呼:"小朋友,回來返學啦."他一聽到即時爆哭, 哭得嘩啦嘩啦的.回到家就一直坐著在流淚,他說 ,很挂住奶奶,不想和奶奶分開,他要回去鄉下和奶奶一齊. 早上起來,第一句話就是講他很挂住奶奶,不想和奶奶分開,他要回去鄉下和奶奶一齊,然後又哭著去學校 .
現在這樣的情況 ,我就快崩潰了......兒子們心中最重要的人根本就沒有我 ,我是可有可無,即使再怎樣努力工作,再怎樣去修補關係也是徒勞的,我覺得不配作為一個合格的媽媽 .

0 0 0

我是大江生太太,小江生媽咪

私人傳訊

AJIM

男爵府

積分: 6402

2^#

發表於 15-8-3 14:03 |只看該作者

哈哈hhf 發表於 15-8-3 13:32
大仔4嵗 ,細仔2嵗 .兩個都係放完產假就直接送回鄉下99湊,然後每個月,有時2個月回鄉下探下仔仔.
每次見 ...

首先, 妳唔係唔合格, 而係有D 期望唔切合實際情況啫...........
阿仔4歲, 頭3年都係同奶奶一齊生活, 而呢段時間妳只係一個得閒先會探下佢的客人, 根本培養唔到感情, 同佢住返埋1年, 點計都計唔掂條數會有多過3年的感情啦, 係咪? 而且, 奶奶同佢一齊果3年, 仲要係依附感覺最強的嬰兒時期添。
明白媽咪都係想自己起仔女心目中係排第一的, 但係自從當初妳選擇俾奶奶湊果陣, 就將第一的位置俾咗奶奶咯。
妳而家要做的嘢唔係心生不忿咁怪責自己又或者怪責他人自己點解唔係排第一, 而係承認自己暫時唔係第一(甚至一世都冇可能係第一), 咁好向住第一呢個目標努力照顧好阿仔。
感情係要累積的, 所以會有句"生娘不及養娘大"就係咁。
仲有, 與其將奶奶想像做對手, 仔仔係會感受得到......佢就會自然咁企埋去奶奶果邊, 而遠離妳。倒轉反而妳多D 承認阿仔掛住奶奶的感受, 讓阿仔感受到妳同奶奶係同一陣線的人, 佢起碼唔係因此而拒絕妳先。

私人傳訊

ky0416

禁止訪問

積分: 7195

3^#

發表於 15-8-3 15:53 |只看該作者

提示: 作者被禁止或刪除內容自動屏蔽

私人傳訊

Swy124

別墅

積分: 653

4^#

發表於 15-8-4 08:07 |只看該作者

我好同情和明白你感受，我都係同99住，仲有姑9，bb 黐曬佢地全家，甚至工人都唔黐我，老公話同bb 溝通是要爭取的，我唔想爭，唉，我知bb 鍾意我唱歌，唯有抽多D 時間早些回家，趁唔多人時博取歡心，三歲以後記憶會強d , 嫲嫲亦唔會一世可以陪bb, 我地唯有盡量建立自己形象，有嫲嫲亦可以有媽媽

私人傳訊

包包mami

複式洋房

積分: 240

5^#

發表於 15-8-4 13:22 |只看該作者

回覆：我是不合格的媽咪嗎

對小朋友嚟講，付出同收獲係成正比的，邊個陪得佢多就痴邊個，嫲嫲帶大佢，痴嫲嫲係正常嘅，唔好唔開心，你多啲陪佢關心佢，慢慢佢就會越嚟越跟你架啦！急唔嚟。

私人傳訊

JCbb430

洋房

積分: 48

6^#

發表於 15-8-11 11:55 |只看該作者

回覆：我是不合格的媽咪嗎?

我完全明白你大仔，因我就係在鄉下比嫲嫲湊大，到幼稚園才回來讀書。
直到現在我媽依然無法超越我嫲嫲在我心中位置，即使佢已過世，其實我知我媽好錫我，當初也是因要揾食先甘做，但無辦法，我對嫲嫲戈種情感係根深蒂固。
希望你出多百二分努力，能夠填補你們的關係吧！

私人傳訊

哈哈hhf

大宅

積分: 1681

認識瑞士牛牛第一回育兒性格勳章我的育兒心得勳章分享愛 DHA勳章 BK Milk勳章畀面勳章

7^#

發表於 15-8-11 12:36 |只看該作者

回覆：JCbb430 的帖子

謝謝大家，希望寶貝能理解。我會繼續一直努力

我是大江生太太,小江生媽咪

私人傳訊

maggiekeung527

大宅

積分: 2024

8^#

發表於 15-8-13 17:37 |只看該作者

回覆：我是不合格的媽咪嗎?

嬰幼兒的黃金時期是頭3年，最重要的時期你比左佢返鄉下，佢最需要你的時候你不在身邊，你錯過左佢的好多第一次！

呢個世界好多在職媽媽，日間比人湊，夜晚自己一有時間湊返，永遠都將自己仔女放在身邊，就算幾艱難都好不會分開。唔係一句要返工，要個仔分離！幾多人想一家團聚齊齊整整！

你仲有個細仔都唔係一齊生活，你地屋企好似四分五裂，你地如何培養兄弟感情，親子感情？一兩個月係培養唔到，無野可以速成，一年相處又如何，感情及關係係要一點一滴累積出來的。

你個仔眼中你永遠都是個陌生人，以你描述，你像是一個養母，得閒返來睇下佢買下野返來，不似是媽媽，真係生娘不及養娘大！

大仔的屋企(家）及依賴全部在鄉下，而不是香港的生活！

如果你仔2歲返香港跟返你都仲可以教及修補，當他已有自己思考能力真的好難修補，你永遠唔明白佢想法！

你只有多d帶佢返鄉下（佢的家）先會開心！

私人傳訊

bobo_2014

大宅

積分: 4424

9^#

發表於 15-8-18 00:46 |只看該作者

回覆：我是不合格的媽咪嗎

恕我直言，生左出來又送番鄉下，咁不如唔好生小朋友!
而家又覺得小朋友同你唔親，呢個係正常嘅結果
不過小朋友仲細，你可花多d時間陪養番親子感情，絕對可以補救
你仲有個細希望你快d接番來，一家人分開真係唔好

私人傳訊

mike89

珍珠宮

積分: 46549

10^#

發表於 15-9-1 03:09 |只看該作者

回覆：我是不合格的媽咪嗎

係小朋友角度。。。。
見到媽媽即係要返學。。做功課。。。
見到麻麻就放假。。任玩。。。。
感覺：天堂與地獄。。。

而且頭三年最緊要既，
你只係幾個月先見佢一次。。。。
等同普通親戚朋友客人一個。。。。
試問你同一個幾個月先可能見到既人，
會有幾親？

私人傳訊

lazywife

侯爵府

積分: 24263

11^#

發表於 15-9-1 19:48 |只看該作者

回覆：我是不合格的媽咪嗎

接返黎住囉，係香港個個父母都係面對錢，樓既問題，一樣捱得過，你都得，子女真係要係身邊，先知咩叫父母。

私人傳訊

chingcging

伯爵府

積分: 19013

環保接龍勳章

12^#

發表於 15-9-3 22:14 |只看該作者

引用：謝謝大家，希望寶貝能理解。我會繼續一直努

原帖由 哈哈hhf 於 15-08-11 發表
謝謝大家，希望寶貝能理解。我會繼續一直努力

唔係你對仔理解，係你要明白，你2個仔已當嫲嫲係呀媽。咁講係好hurt, 但，係事實。嫲嫲眠乾睡濕去照顧佢哋，佢哋一定親嫲嫲。至於樓主你，對佢2個嚟講，只係一個叫\"媽咪\"嘅人，冇感情的。

我之前都係working mom, 我朝朝7:30出門口湊我女返呀媽度，夜晚19:00去呀媽度湊返佢走。返到屋企8:00,同佢沖涼餵奶陪瞓覺。我到我女3歲先可以有正常晚餐食。但付出係有回報，我女好痴我架，就算一直係婆婆湊，佢有事一定揾媽咪先。依家樓主到做嘅，係即刻接返細仔返嚟一齊生活，建立返個家先。

私人傳訊

chitosefung

男爵府

積分: 7759

畀面勳章

13^#

發表於 15-9-7 23:58 |只看該作者

回覆：我是不合格的媽咪嗎

完全同意樓上講，快d 自己湊返大細b,bb 梗係自己湊，我都要返工，但上班前、後，假期，全不假手於人，我同c 6—起湊，jm 加油！

私人傳訊

lovestarry001

公爵府

積分: 29348

開心吸收勳章 hashtag影視迷勳章

14^#

發表於 15-9-8 14:52 |只看該作者

其實, 有咩工係要做到要送個仔返鄉下架? 如果係我, 我根本唔會生小朋友。

其實你應該將心比己, 根本唔應該有同嫲嫲爭自己個仔0既心態, 因為你都根本冇得爭, 嫲嫲一定嬴晒。你唯一可以做, 就係俾時間個仔適應係香港0既生活, 佢話掛住嫲嫲, 你咪同佢講你同爸爸都係呀, 可以0既咪教下嫲嫲點用視像通話, 等你仔同嫲嫲可以解相思之苦。

至於細仔, 你真係好應該即刻接番佢返屋企住啦。

感情係要時間培養，並唔係一句搵食大晒D小朋友就會明白同埋接受到分開。

總之加油, 唔好放棄呀!

.........................................

私人傳訊

clemencebaby

大宅

積分: 4622

15^#

發表於 15-9-8 18:32 |只看該作者

回覆：我是不合格的媽咪嗎

見到樓主既case真係心up, 其實我見到工人姐姐離開個仔黎香港打工搵錢，我都覺得咁樣小朋友好可憐，賺到錢又如何？比錢更重要既野無左。

樓主，希望你今後比心機去補救，時間係唔等人架。

私人傳訊

cecenee

大宅

積分: 1001

16^#

發表於 15-9-9 12:02 |只看該作者

回覆：我是不合格的媽咪嗎

唔好咁講，我就係一個例子，自出世父母返工，我由公公婆婆湊大。父母每星期見我一晚，我開心時佢地唔知，唔開心時公公婆婆氹我，我病父母冇喺我身邊，我扭計父母冇打過我鬧過我。但讀到小學，返到父母身邊，雖然知道父母錫我，知道佢地返工辛苦，但我心都係掛住公公婆婆，對佢地嘅感情係無法取代。

所以，你盡可能湊佢地多D，比多D時間同對小朋友建立返關係。唔好一心諗住可以取代奶奶喺佢地心目中嘅位置。希望你可以令佢地掛住奶奶，同時又錫媽媽。

私人傳訊