少年成長 今日: 0 | 主題: 15861

積分: 756

1^#

發表於 15-11-18 19:38 |只看該作者 |倒序瀏覽 |打印

亞仔今年F2 青春期，每日同佢都開火，為學業、學習態度、自理能力... ...，由細聲教到大聲鬧，都係一樣無改善激心到死，唔想係咁過日子，但唔想咁樣可以點樣？

0 0 0

私人傳訊

積分: 58686

2^#

發表於 15-11-18 21:41 |只看該作者

回覆：每日都要勞氣

冷靜一點，慢慢傾

私人傳訊

積分: 756

3^#

發表於 15-11-18 22:06 |只看該作者

回覆：MariaTsui 的帖子

先多謝你回覆，我已經儘量心平氣和同佢分析利弊，叫佢分配時間溫習，但同佢講得兩講仲大聲過你，真係唔知㸃算好。

私人傳訊

積分: 756

4^#

發表於 15-11-18 22:10 |只看該作者

回覆：每日都要勞氣

成日淨係顧住打機，上網。

私人傳訊

進進媽

積分: 2935

5^#

發表於 15-11-18 23:46 |只看該作者

回覆：每日都要勞氣

其實呢個年紀,父母可做的已很少,等佢跌跌碰碰自己調節,越罵佢只會越反叛,到時你講什麼也唔啱聽,平時出街氣氛好才講一,二句,可能效果會好些。

進進同小老表NAOKI

進進同進進爸永遠係我心肝寶貝,一家三口快快樂樂

私人傳訊

積分: 756

6^#

發表於 15-11-19 00:12 |只看該作者

回覆：每日都要勞氣

唉！都唔知反叛期幾時先會完，每日都好煎熬。

私人傳訊

N.Y.P

複式洋房

積分: 358

7^#

發表於 15-11-19 07:58 |只看該作者

回覆：平安喜樂的帖子

反叛期有時會到18歲，事附每個人而定，其實最緊要是搞好母子関係，大家咁彊落去都不是辦法！

私人傳訊

積分: 58686

8^#

發表於 15-11-19 10:16 |只看該作者

回覆：每日都要勞氣

我是ftm，囝囝也是F2，我們關係好，所以他粗聲粗氣跟我說話時，最初會忍，跟住就講左個爛gap，我拍拍囝囝膊頭說，我知你青春期，但我都就快更年期，到時，我忍唔到你，青春期大戰更年期，你估會誰贏??他就O嘴收聲，收斂了。

又試過話我煩，話我問完又問，我很冷靜跟他說，我真的有問嗎？可能我有老人痴呆，跟住又講左自己的事例，囝囝最初都信，後來他睇左老人痴呆的資訊節目，就很認真笑笑口跟我說，你這種\"博大冒的老人痴呆\"更嚴重，怎辦………

少年人要用另一種溝通方法，爸爸較嚴，很多時，囝囝是在壓力下完成爸爸的要求，但跟我關係好，就會不想我不開心，而達成我的要求。

兩者是有分別，有空製造兩個獨處時間，傾閒計，了解他心中所想，鼓勵他，支持他，跟男朋友相處分別不大。

加油!!

私人傳訊

bestwish

子爵府

積分: 12471

9^#

發表於 15-11-19 14:59 |只看該作者

MariaTsui 發表於 15-11-19 10:16
我是ftm，囝囝也是F2，我們關係好，所以他粗聲粗氣跟我說話時，最初會忍，跟住就講左個爛gap，我拍拍囝囝膊 ...

青春期大戰更年期

私人傳訊

積分: 4147

睛靈勳章

10^#

發表於 15-11-19 16:17 |只看該作者

回覆 MariaTsui 的帖子

我都係噉同仔講. 我話我知你青春期, 我忍下你, 但遲O的我更年期, 你就知.. 佢又係笑..HAHAHAH

我仔都係F.2, 又係會話我煩. 我會同佢講, 你應開心仲有人煩你. 到你再聽唔到我煩你. 即係我巳回了天家. 佢一聽到我噉講, 就會收儉, 再講多句,"好煩" 但聽得出佢係知佢仲有機會聽到係好事..HAHAHA

其實有時跟朋友分享, 差不多年齡的男仔都真係有共通點. 我地可能會成日問自己, 以前我地都唔會話父母煩, 其實因為以前O的父母無我們依家做父母噉多時間.HAHAHA, 多佐時間對佢地, 就一定會多磨擦. 所以唔係自己O的仔女有問題, 或特別反叛, 可能真係我地自己理得太多. 所以, 我都成日提自己. 退後2步. 比多少少空間佢地自己. 因最重要KEEP 住關係好.

大家加油 !. 想多O的他們細個. 噉就會罵少O的, 嬲少O的

私人傳訊

yipcharie

積分: 1276

11^#

發表於 15-11-19 16:20 |只看該作者

在12至15歲階段父母真的要從旁觀察子女，這个年紀很易誤入歧途，多點瞭解及諒解他們！
這個年紀大部分都喜歡打遊戲機，同佢協議下遊戲時間吧！

私人傳訊

積分: 58686

12^#

發表於 15-11-19 16:59 |只看該作者

回覆：qkhui 的帖子

聽到你這樣說，你們的關係都幾好，多一點包容，給大家多一點空間，磨擦就會少一點。

私人傳訊

積分: 4147

睛靈勳章

13^#

發表於 15-11-20 11:02 |只看該作者

回覆 MariaTsui 的帖子

我同仔仔關係事實不錯的. 由細到大都會傾好多. 每晚都一定會傾計, 可能巳習慣. 我同先生在仔仔小學階段. 他有什麼出外比賽, 我們都會盡量請假去為仔打氣. 他的同學好羨慕他. 我最記得小六最後一次陸運會. 我跟先生都請假去睇. o的同學見到我地. 因都好熟的. 他們就會跟仔仔講, 你就好la. daddy mami 都來睇你. 見到仔仔由心笑出來. 我們辛苦都值得. 整個小學階段. 見仔比較怕比同學笑, 是在小四升小五. 但一過佐, 他知不用怕比同學笑. 因同學是不會笑的. 直到現在中學, 他有出外比賽足球. 我跟爸爸都會問仔, 如果爸媽去睇你比賽, 有沒有問題? 他會好sure 噉講, 無問題. 噉我地去到, 其實真係無其他同學家長去的. 噉我地都會再問仔, 怕唔怕比同學笑, 他都會答不怕.

依家f.2, 佢都會要求我地晚上陪佢傾計, 一起祈禱. 佢都會主動拖我手. 又會搭我膊頭一齊行. 瞓前仲會鍚我一啖. 我問仔, 第時想找個怎樣的太太. 他說: "像你" .... 哈哈 !

噉當然都會有吵架時間. 不過好快就無事. 好多時, 朋友會在仔仔面前話, 仔仔好怕你. 我會答佢地. 仔仔唔係怕我. 只係尊重我. 有時又會話. 佢怕你罵, 所以你叫佢做咩exe佢都會做, 我都會答佢地. 當然唔係la. 我依家迫唔到佢ka la. 係佢自己去做的. 佢唔肯去做, 點迫都迫唔到. 仔仔係乖的.
噉仔仔聽到, 都會笑笑. 因佢知, 媽媽會為佢說話.

最重要要比佢地知, 我地做父母係尊重佢地. 我都會同仔講, "面是人家給. 架是自己丟" 要人尊重自己, 先要尊重他人.

仔仔學校有咩事, 又會講我知. 如佢在校做錯野, 一放學就會打比我同我講. 我地一家所有需要password o既野都係公開. 仔仔手機, 我同先生手機, 電腦都係大家都知. 因大家都沒有秘密的.

大家唔好放棄. 建立關係好難, 但要破壞好易. 我們要記住.

願神祝福及比智慧我們做父母的. 加油 !

私人傳訊

積分: 58686

14^#

發表於 15-11-20 12:03 |只看該作者

回覆：qkhui 的帖子

真的很好的親子關係

，而且分享得這麼詳細，讓年紀還小的家長，有一種借鏡，一種鼓舞，青春期的少年人不是可怕的，只要之前關係好，面對青春期，一樣可以順利過度。

私人傳訊

積分: 58686

15^#

發表於 15-11-20 12:13 |只看該作者

回覆：qkhui 的帖子

看見你一直倍伴囝囝成長，是一件喜悅的事，我的一對子女還小學時，我一直是學校義工的積極分子，更做了PTA委員，所以，很多時學校的活動都會一同參與，一齊成長，話題多了，一齊面對成績的起跌，有一種互相扶持的感覺。

在課外活動，我倍他們參加幼童軍，我做義務領袖，一齊學習新的事物，話題由學業擴展到其他話題，也發現哥哥妹妹的另類優點，今天哥哥已是童軍，喜歡群體生活，積極，樂觀，在人際關係尤其融洽，現在開始學習在學業，課外活動，玩樂取得平衡點。看見他的正面成長，真的很欣喜。

私人傳訊

積分: 4147

睛靈勳章

16^#

發表於 15-11-20 12:52 |只看該作者

其實我相信作為父母都好希望可以陪著子女成長, 但有時生活上真的未能做到. 絕對明白的. 如果巳錯過了小學階段. 中學也未遲. 最近仔仔代學校參加越野賽. 因他未試過跑長跑, 其實我都有少許擔心. 但今次仔很積極, 由知道要參加到比賽, 其實可以練習的時間不多, 大約一星期左右. 他跟我們說. 要到家附近練跑. 我們當然十分讚成及支持. 最後, 他真的每班去跑. 我就做了陪跑. 但當中見到他的堅持真係很感動. 而他看見我們做父母的也陪他一起, 他是感受得到的. 所以我們要清楚. 縱然暫時他們口裡說我們有多煩. 但他們心裡是知道的. 只要我們不放棄.

在我們基督徒的父母. 為他們祈禱巳是一種很好的祝福.

我除了大仔F.2之外, 還有一小兒. 現2歲. 好感恩, 大仔中學, 他需要更多的個人時間及空間, 我們就可以安心的將時間放在小兒身上. 但我們也要爭取跟大仔獨處的時間. 就好像前天. 仔仔陸運會後假期. 我跟先生就請了一天假. 陪了大仔踩單車. 當然也留了私人時間給他玩電腦ONLINE GAMES 啦...HAHAHA

私人傳訊