你已有舊機用緊,又用得好好地, 冇咩事就當然唔好換啦,我就唔同,7 月壞機,睇咗好耐,先至決定買4s, 看到你咁有心思同我分享, 我都耐心分享下我買機歷程啦
本來用開PANAXXXX,都好想買番佢品牌, 可借香港所賣最新型號都好OUT,同佢台灣同日本出嘅型號差好遠,款唔吸引仲要個價過七千,之後又睇咗TOSHXXXX,一共三個款,最舊款唔想買,另外兩個款,紅機都起碼2014年出到而家,另外最新白機又係要六七千,仲要兩款都冇現貨,電器店話兩款都要訂,而且好多單等緊,比咗錢都要排期等, 即是無期。。。。SHXXX我都有睇,但似乎都係日本出咗好耐嘅款就來香港當新款推出,仲要個功能同另一個B字頭牌子完全一樣,按鍵位置,手把各樣都一樣,只是顏色同牌子的分別,當然價錢都有出入。
我買機時仲未入到最多人講緊嘅"FB毒梟谷",所以買機嗰日都未知啲人所講~~~~{好多壞機問題},但講真,用機嘅野, 好撞手神, 而且每個人都有自己習慣, 呢啲都好影響機嘅表現, 如果真係使用不當造成影響,咁話佢易壞又係未公平??
至於用機何謂「使用正確」 ,我覺得最起碼是用家對說明書有多了解, 咩情況用咩功能,用蒸氣功能時有冇入滿水,用完機時有冇中途開機加水,每晚有冇開門吹下爐腔,仲有就是煮食經驗,樣樣野都可以影響到.....正如就算同一個食譜, 同一個人做, 都有可能做出兩次不同效果啦, 係未?
綜合以上資料,惠記而家呢部4s,係我考慮嘅機款之中最新型號,我見都有好多人用緊惠記,用家多, 就可以互相交換心得, 上網知佢售後都有服務可言,我就睇自己需要.......因為我想要快有機用,價錢比我找到5800, 仲送書,佢又有現貨, 我覺得都可以一試,才決定幫襯呢個本地品牌,既可以取替我部焗爐,又可以有純蒸,我平時煮飯時就可以減短我蒸煮嘅時間!呢啲都係我對佢嘅期望,希望我用得好,大家用4S嘅都多啲來分享,咁就一齊煮多啲好餸