香港18區媽媽會今日: 0|主題: 156885

收藏本版

發帖

返回列表

跳至頁

查看: 1769 | 回覆: 12

[西貢區] 轉了幾個游水教練，同事介紹下終於找到個好教練，安樂哂 [複製鏈接]

yukilau808

複式洋房

積分: 151

1^#

發表於 16-6-12 12:59 |只看該作者 |倒序瀏覽 |打印

2年前我2個囡囡學游水，初初想平d就報游泳班一對4至6個d，但學了4個月什麼也學不到之餘仲搞到細囡有點怕水，所以轉了私教，因為我囡是女仔，所以上網找私人女教練，但私教價錢也幾貴，不過想囡囡能學識游水同心理上女教練會溫柔d，所以就自己慳d使，初初上堂個女教練都幾有心機教，但係我2個囡不知是否資質問題，學了30堂左右都未識浮之餘個細囡依然有點怕水，個大囡仲有些抗拒個女教練不肯落水，我都無奈咁又停了，等囡囡休息下。但朋友話小朋友學識游水對安全同身體都好，而且學校現在又要一音一體一藝，於是停了2個多月，我又想比囡囡學返游水，但就不知點找適合同好的教練，泳會個d試過已無信心，私人女教練也試了都學不到之餘不知為何慢慢大囡細囡也抗拒個教練，因頭十堂我有望實小朋友學游水，我見到個女教練都好溫柔，我感覺不錯，不過之後的堂數，我要工作關係就交比工人姐姐看住佢地游水了，個慢慢就變了工人姐姐話囡囡不肯下水，我問返女教練，個教練又話小朋友係咁，有時會扭下計，初初聽我都認同小朋友扭計好正常，但過十堂左右，我叫囡囡准備上堂，大囡係度喊話不想學游水，我都不知什麼原因了，所以當時就咁就停了。
有次同同事食飯，大家講開小朋友的課外活動話題，我把我case講出來，有個同事話佢仔仔都資質差也換過幾個教練，終於又經朋友介紹下找到個合適的游水教練，同事話最重要佢個仔仔現在好喜歡學游水之餘係見到個仔有進步。
我就叫同事介紹比我，同事話係男教練，問我介不介意，我同老公商量後，老公話試下男教練，反正有口碑，於是我就找了同事介紹的教練教我個2個囡囡，初初都擔心囡囡會抗拒，但上了10幾堂後，細囡慢慢不怕水，大囡又有時問我幾時阿sir來同佢玩水水，現在我個2個囡不怕水同對學游水有返興趣，我都安心了，只要佢地2個寶貝囡唔抗拒，我相信佢地遲早會學識游水，當然我想佢地快學識，不過都要講資質。。希望囡囡學識可帶佢地到水上樂園盡情玩。