你個OB係掛單邊間？我冇用過UCSF，但生女時係去CPMC，我超級鍾意，護士醫生都好有經驗，我生果陣醫生落咗班，幫我接生果個係個男助產士，非常有經驗，手勢好好，事前又解釋得好詳細，因為我生第二胎，佢問我第一胎情況同埋有咩擔心有咩期望，如果我唔係最後心急push，我個傷口仲會細D，不過第二日已經可以去散步。生時有個護士明明要落班，佢話要見住我生埋親生接生至走，最後佢額外留多咗成個鐘，上房後又遇著個好好嘅華人護士，好有心機教我餵人奶，又教我好多保養身體知識，住果三日真係好似女皇咁。
對比我第一胎去Kaiser真係天同地，我第一胎有complication，胎位唔正，佢居然冇講俾我知（或者根本冇留意，但明明照完ultra sound至幫我催生），叫我順產（但同時又準備隨時開刀），我生到冇力（因為之前一日都冇食過嘢），兩個幫手嘅護士都唔掂，完全幫唔到我，後來仲話要換班食飯，換咗另一個入嚟，都算好好彩，因為換咗果個好老練，最後我用咗兩個半鐘至生到我大仔，但中途有缺氧有心跳放慢，我好驚，死命用力，結果我個傷口超大，4級撕裂，我到生之後第4個至可以正常坐，中間去咗幾次產後檢查，平時人地去一次，我去咗三次，又教唔到我餵人奶，D護士一句你個胸太細BB早產餵唔到，我約咗lactation specialists三次，兩次臨時cancel我個appointment，一次去到睇咗10分鐘都冇就趕我走，話BB唔合作教唔到。。。仲有好多好多唔開心經歷，所以第二胎點都唔去Kaiser。其實第一胎已想去CPMC，但當時老公保險跟Kaiser，Kaiser最好係方便，咩檢查化驗都同一楝大樓做晒。
CPMC前身叫兒童醫院，專係做接生，SF出晒名。
花旗太太生活在花旗國，留意時差，你問我未必即時答到。
發表於 
thank you.
返回列表
