懷孕前後 今日: 1 | 主題: 329759

積分: 2394

1^#

發表於 18-2-20 00:27 |只看該作者 |倒序瀏覽 |打印

本帖最後由 ariel823 於 18-3-16 15:27 編輯

(產後)我係3月14日下午1:23分已順利生產，我覺得醫院啲姑娘、阿姐全部都好好，非常滿意，好多謝佢地照顧，雖然我只住了24小時，但都麻煩到佢地好多，多謝曬佢地所有盡心盡力、認真負責地做好本份！

(產前的頋慮)我預產期係下月尾，打算去屯門醫院生，其實係想了解下公立醫院人手係眯真係好緊缺？成日聽到有啲媽媽講公立醫院啲姑娘好鬼死惡！不過惡還惡，如果佢地係有經驗嘅、係對病人及BB好嘅，我俾你閙下我都會硬頂嘅！反正都係住果幾日啫！但係啱啱睇完一個係QE生完嘅媽媽寫岀黎嘅生產記錄，我覺得好擔心。。。點解啲姑娘連bb脱水都唔知，新手媽媽沒有凑仔經驗唔識餵人奶唔知BB食得唔飽完全可以理解，但啲姑娘佢地每日都見證咁多BB岀世，亦應該受過專業訓練先啱，唔應該持著愛理不理嘅態度！健康院啲姑娘同我地講公立醫院設備完善，比私家更安全更有保障，萬一有起事上黎一定係公立醫院嘅設備最好！但係點解會岀現啲咁嘅失誤呢。。。

0 0 0

私人傳訊

avachristy

積分: 2169

2^#

發表於 18-2-20 19:11 |只看該作者

回覆樓主

我12月係屯院生完，產前產房產後都無比人鬧過不過唯獨係有位姐姐黑口黑面比較悔氣
我揀咗餵奶粉所以都無話咩脫水問題
我生完好不辛中咗乙型流感，燒到我五顏六色，佢地有主動推走我BB幫我暫時照顧，又主動問我要唔要冰袋散熱，因為我真係燒得好辛苦我忍唔住喊，佢地行過見到都走黎同我傾計

到我退咗燒，佢都都話如果我太攰，可以主動提出推走BB比佢地照顧
所以我覺得屯院都好好，不過如果係瘋狂煩住佢地係會比佢地鬧既

佢地見我漏到條褲有血，主動拎條褲比我換

我16年8月生大女漏到張床有血比個姐姐話我

私人傳訊

siuman512

積分: 777

3^#

發表於 18-2-21 11:19 |只看該作者

今個月屯門醫院生完。人手的確短缺，眼見阿姐姑娘做唔停，又要保持高EQ，產婦一個接一個生完推上房，生完12個鐘唔可以落床，有事要襟鐘，個鐘響唔停，阿姐都回應唔切咁濟，順產既，BB會推番比媽媽身邊照顧，餵奶換片，開刀又或者媽媽身體狀況唔太好既，姑娘同阿姐又要照顧埋個BB餵奶換片，有d產婦生完情緒唔太好，又要去安撫佢地⋯你話忙唔忙到剔哂腳！？日頭人手多少少，半夜人手更少，阿姐姑娘都由接更做唔停到交更！如果突然有多幾個人差唔多時間生，仲要開床開再走廊（開刀優先睏床，順產既走廊）。到出院又要幫每個產婦搞出院文件、安排出院前講座、人奶講座、奶粉講座⋯⋯ 唔好話阿姐姑娘惡唔惡，真心覺得，佢地每日做既，真係超哂班！將心比己，唔好對阿姐姑娘太多幻想或者私定醫院級既服務要求⋯so far 自己對屯門醫院產前產後既服務人員姑娘阿姐都滿意，也十分感謝佢地既付出！

私人傳訊

sharpbaby

積分: 562

4^#

發表於 18-2-21 23:50 |只看該作者

回覆樓主

樓上講嘅我都好認同，產前產後房都好忙，人手唔夠，個個冇停手。
我上年10月係屯門醫院生，我嘅感覺係產前房同產後房嘅氣氛差天共地...

產前房啲姑娘好nice，有問題都會好好答你，有時見你唔多出聲或者心情唔好都會抽出小小時間同你傾下，啲姐姐就有啲大牌，態度都算係咁，你煩唔到佢就好地地，煩到佢就啲說話出晒嚟，上床推你過去產房果陣執小樣野/著小樣野你就會知道（你未生得之前係病房會見到好多其他媽媽有呢啲情況，慢啲都鬧）

產後房我真心覺得護士同姐姐都超級忙，除咗睇住媽媽仲要睇埋個BB，要預咗冇人理，除非你有啲咩特別野想問，不過佢地都唔會好詳細答你或幫你，因為你會見到佢地咁忙都唔好意思煩人。產後房對媽媽我嚟講係一個環境好差嘅地方，BB嘈就一定，基本上媽媽會冇覺好瞓（人奶/奶粉都冇覺好瞓），醫生巡房大過天，試過提早早餐時間，又試過延遲BB食奶時間，總之要醫生睇完先可以做。我係產後房覺得好大壓力，最後果日頂唔順對住老公喊要快啲番屋企...

好多人都話政府醫院唔要求得咁高，我都覺得係，住幾日，快快回家，將就一下啦。

私人傳訊

積分: 2394

5^#

發表於 18-2-22 15:04 |只看該作者

多謝各位Sis分享，我都唔會話帶住好高嘅期望及要求去生，我知佢地做到無氣抖又點會對個個產婦都咁好氣啊，我都希望自己做好啲，唔好太多麻煩佢地，希望一切順順利利喇。。。唉。。。

另外想問下醫院有無笑氣提供？Thx!

私人傳訊

mann0326

積分: 1306

6^#

發表於 18-2-22 21:34 |只看該作者

ariel823 發表於 18-2-22 15:04
多謝各位Sis分享，我都唔會話帶住好高嘅期望及要求去生，我知佢地做到無氣抖又點會對個個產婦都咁好氣啊， ...

我11月都係屯醫院生完～有笑氣..
好同意樓上啲媽媽講.. 產前d姑娘同姐姐都好好！但產後啲姑娘真係好忙..
我bb 出世飲左胎水要係icu住打抗生素，我係產後嗰幾日係無人理過咁濟，心情唔好拉埋塊布訓覺都會比啲姑娘打番開話唔好成日拉埋布會阻佢地..
而且我對面床個bb好似完全唔識大喊.. 之後仲食親奶就嘔仲有一次嗆奶，啲姑娘只係過黎拍佢話吸左胎水姐嘔晒冇事.. 完全冇提過話幫佢搵醫生
所以我到而家都好疑惑點解大家都係吸左胎水.. 我b要打抗生素.. 果個bb唔洗
不過興幸兒科icu d醫生姑娘同姐姐每一個都好好.. 好用心機照顧d bb.. 仲好有心機單對單教我地點餵奶換片餵人奶..我b好快就冇事出院..
所以係屯門醫院生真係有辣有唔辣.. 生完記得有咩都自己睇緊d.. 加油！

私人傳訊

積分: 2394

7^#

發表於 18-2-24 19:38 |只看該作者

回覆 mann0326 的帖子

多謝你分享我聽，我希望自己運氣好啲，只要我同BB健健康康、順順利利就得了！唔該曬，大家都繼續加油！

私人傳訊

米米子

子爵府

積分: 10990

2018復活節勳章

8^#

發表於 18-2-26 15:50 |只看該作者

回覆樓主

我5月係屯門醫院生完，產前好好，產後姐姐好惡不過我仔係D6所以我無咩影響

私人傳訊

mis0060

積分: 884

9^#

發表於 18-2-27 11:07 |只看該作者

回覆樓主:

想請教，係咪每張床都有暖水壺同啲水夠唔夠熱，我諗住用黎焗炒米茶
如果開刀係咪要落得地/12個鐘後。
先俾返阿b你自己照顧

私人傳訊

man411

積分: 697

認識瑞士牛牛第二回

10^#

發表於 18-2-28 12:04 |只看該作者

我上年9月屯門醫院生...冇比人鬧過wo, d姑娘都幾好
記得因為生完好口乾, 姑娘都提左我一生完飲水好易嘔,
但我照飲左, 結果真係嘔到成地都係, 姑娘都冇鬧我
又會教餵奶, 唔識教到識

我覺得最緊要有禮貌, 唔該前唔該後, 乖乖聽指示
唔好老奉當人地係奴才要服侍妳咁
d 姑娘都唔會太兇狠ge

當然都睇彩數, 咁o岩佢地心情差, 態度可能就衰d啦

私人傳訊

avachristy

積分: 2169

11^#

發表於 18-3-1 23:17 |只看該作者

mis0060 發表於 18-2-27 11:07
想請教，係咪每張床都有暖水壺同啲水夠唔夠熱，我諗住用黎焗炒米茶
如果開刀係咪要落得地/12個鐘後。
先俾 ...

係每張床都有暖水壺，不過啲姨姨話啲水得40度

私人傳訊

Vennis

複式洋房

積分: 445

12^#

發表於 18-3-3 23:29 |只看該作者

回覆樓主

我剛剛今年1月係屯門醫院生完，產前啲醫護人員真係好好，生個陣比好多鼓勵你，可能因為得我自己一個入產房，先生無陪產。但產後真係麻麻地，講真生完個人都好攰，仲要第一胎，生完咩都未識點照顧個b，已經要自己搞掂，其實都覺得幾無助

私人傳訊

sharpbaby

積分: 562

13^#

發表於 18-3-4 01:45 |只看該作者

mis0060 發表於 18-2-27 11:07
想請教，係咪每張床都有暖水壺同啲水夠唔夠熱，我諗住用黎焗炒米茶
如果開刀係咪要落得地/12個鐘後。
先俾 ...

有熱水，每日都有個姐姐嚟換水，如果要焗茶，最好佢換完水就焗，因為擺耐咗都係會唔夠熱。
記得自備垃圾袋，如果唔係，下下同BB換完片都要落床行去掉垃圾，好煩。

私人傳訊

SiuWai0806

積分: 565

14^#

發表於 18-3-4 02:01 |只看該作者

ariel823 發表於 18-2-22 15:04
多謝各位Sis分享，我都唔會話帶住好高嘅期望及要求去生，我知佢地做到無氣抖又點會對個個產婦都咁好氣啊， ...

我11月系屯門生.無用笑氣.打左無痛分勉.我系二胎媽.
1胎用笑氣覺得好廢.用完都系好好好好好痛

私人傳訊

viko2231

男爵府

積分: 5412

15^#

發表於 18-3-4 19:51 |只看該作者

我都第三胎準備都係屯醫生多謝樓上sis既分享
我上2胎都係威院生大個個6年前產前我覺得好差 d姑娘勁罵人
不過可能個陣勁多雙非落黎生搞到床位都排哂去走廊
第2胎係剛剛6個月前產前產後都好好
比少少意見笑氣真係唔好嗅甘多第一胎我唔識勁嗅
搞到生完成個人都好暈
第2胎我係早產要摧生有個好好既助產士叫我唔好用笑氣
第2胎人手穿好快生左完全冇用笑氣冇剪會陰聯線都冇打麻醉
一生完已經可以好快落地係傷口少少痛但係個人係好清醒
我旁邊個媽媽用太多笑氣搞到又暈又起唔到身所以真係盡量唔好用笑氣
個人覺得冇咩效果

私人傳訊

MapleKwok

複式洋房

積分: 462

MommyPanel勳章

16^#

發表於 18-3-7 14:23 |只看該作者

個人既小小經驗分享，
我個B唔係屯門醫院出世，
不過因為由人奶轉奶粉出現肚瀉，
好老實我係新手媽媽咩都唔識
淨係知阿B痾左一次水，
然後個晚佢半夜2點開始喊，
喊到5點幾都唔停，仲喊到個人熱晒，
我驚佢發燒，
驚起上黎就搭的士同佢去急症
因為我地住元朗，最近就係去博愛
去到博愛探左熱，無發燒，
不過醫生建議轉介去屯門留院觀察下
去到屯門醫院，姑娘A同我問症已經有另一個姑娘B抱走阿B
問完一大輪，終於可以去睇返阿B
姑娘A同姑娘B匯報問症問左D咩
姑娘B一邊幫阿B掃風一邊好不屑咁話我兩公婆唔識湊B
然後又話初生BB幾重應該食幾多奶
話我地一直都餵多左，然後話我地要重新學湊B

但我想話，之後我地幾次去唔同健康院同醫院，
無一間話BB幾重應該食幾多奶呢樣野

自此之後我堅決唔去屯門醫院
同時我都好慶幸當初決定唔係屯門醫院生

私人傳訊

小平媽媽

伯爵府

積分: 19517

Poo得好勳章美好大世界2017勳章認識瑞士牛牛第二回

17^#

發表於 18-3-7 17:33 |只看該作者

回覆樓主:

其實好多時佢地發火，係果啲咩工課都唔做嘅人，生b咩程序，要帶咩入院都唔知，剩係係度叫人，公主病又未到探病時間果啲囉

想認識多啲屯門友

私人傳訊

積分: 2394

18^#

發表於 18-3-8 20:38 |只看該作者

我上個星期因為有2個朝早流啡，量係好少嘅，但都驚係眯生得，所以入佐屯門醫院，入到去就梗係唔走得喇，要住一晚觀察睇下咩情況，當時係A7產前房，啲姑娘同醫生都幾好，無閙人，講嘢都細細聲好溫柔。我做完一輪檢查證實未生得，本身要下晝4點先批準我岀院，但我同醫生講想午飯過後就走，因為屋企仲有個大仔要照顧，醫生都好好人同意我岀院

多謝以上各位Sis分享各自嘅生產經歷，我覺得係政府生真係要預佐所有嘢要靠自己，要捱到痛又要學識自己一個對住個B，我會做多啲功課㗎喇，多謝大家！

私人傳訊

damelo1022

積分: 662

19^#

發表於 18-3-14 13:40 |只看該作者

我黎緊都會係屯門醫院生呀, 想問下姑娘會唔會幫BB沖涼的?? 係唔係一落到床就要自己照顧返個BB? 同埋病房有冇得叉電架? 謝謝!

私人傳訊

siuman512