宗教係自己嘅信念，自己修維，咩教都好，應該導人向善，果D咩信教至得救，唔信冇得救，我覺得太攻利。信就上天堂，唔信落地獄，可能佢地口中嘅地獄都唔係太差，一念天堂，一念地獄，可能地獄啱我多D都唔定，我唔鍾意咩都得個講字，最怕人地懶熱心關心我，又話要交心，點知之後我D秘密俾人公開分享晒，真係多謝夾唔該。
話說我仔女去暑假班，係教會搞嘅，每年都有開放日，俾D學生同家長去認識下，今年有一個家長被請上台分享，內容係佢被感召嘅經歷，佢所講嘅係因為佢個女病，一直搵唔到原因，個女頭痛肚痛手指痛腳痛，佢帶個女去睇好多醫生都醫唔好，有朋友介紹佢去睇一個醫生，佢話醫生未睇症之前同佢講，首先俾佢為個小朋友祈禱，咁個家長就覺得好奇怪，點知祈禱完之後，奇跡發生，佢個女嘅痛症真係舒緩咗好多，之後仲醫好番，個家長就話自己見証到主顯神跡。
當晚我女同我講，個家長嘅女同我女同組亦幾熟，當時個女仔見到媽媽喺台上講果番說話，佢反應係：「唔係吓話，我唔想人知喎，點解唔問下我就上去公開？而且我冇手痛腳痛，只係頭痛肚痛。」
花旗太太生活在花旗國，留意時差，你問我未必即時答到。
發表於 
BB你來咗啦？
返回列表
