婦女醫護 今日: 0|主題: 34043

HI walking123456，過重/胎兒重量和分娩過程都可能令媽媽盆底肌肉極度擴張/受壓，盆底肌肉鬆弛係比較常見出現尿滲原因，令尿道口控制力減弱，建議媽媽日常避免提重物，勤D做盆骨底肌肉運動去強化膀胱控制力，會陰盆底肌肉收緊運動主要係練習收縮盆底肌肉，通常都會有改善，運動時間係好彈性亦可以和日常生活配合，例如坐車、講電話、看電視、上網時都可以做，媽媽清楚會陰肌肉運動嗎?

Hi 浪漫滿天星，媽媽想每日做產後運動好好呀 產後運動可以強化會陰肌肉、預防腰背痛、促進血液循環、加速回復到產前體型，盆底肌肉運動/靜態及低運動量，如簡單伸展動作，通常順產後第2日已經可以開始做，媽媽可以參考以下資料: https://www.fhs.gov.hk/tc_chi/health_info/woman/15658.html

建議初做盆底肌肉運動媽媽，先靠椅背坐，然後透過好似忍大、小便咁去増加返會陰肌嘅力度，每次持續5-10秒然後放鬆休息5秒，重覆咁做8-10次以上動作，就完成1節運動。每天做4-5節，做時保持正常呼吸。當媽媽熟習左做法後，可以按自己日常生活彈性安排運動時間， 除左坐係度可以做，企/瞓都OK架。加油