母乳餵哺 今日: 0 | 主題: 85694

積分: 1504

21^#

發表於 19-5-6 07:49 |只看該作者

雙泵一定快及多奶過單泵，可以較多刺激噴奶反射。想多奶可以一面泵，另一面埋身。

我由bb出世一日8泵，三個鐘埋身，然後餐餐泵清，到他兩個月大後減至每天6泵，到四個月減一次半夜泵奶，變5泵，現在bb八個月了，一日4泵。
我都係租medela symphony, 非常舒服，又泵得清（不過自己工作壓力大時除外），bb兩個月大前用cimilre S5, 塞奶過一次勁的，乳腺炎，立即轉用symphony，雖然有時都會泵唔出，要搵母乳姑娘上門幫手清奶，但感覺已經很不錯。

我早期每天產量過千，現在估計每天有800ml，冰奶儲滿兩個冰箱，約80包。每天冲涼用一包。

私人傳訊回覆引用

積分: 388

22^#

發表於 19-5-6 09:02 |只看該作者

Leira 發表於 19-5-6 07:49
雙泵一定快及多奶過單泵，可以較多刺激噴奶反射。想多奶可以一面泵，另一面埋身。

我由bb出世一日8泵，三 ...

本帖最後由 momo.f 於 19-5-6 09:08 編輯

我而家都用緊雙泵，部sonata 應該效果同symphony 效果一樣，感覺上係快左泵完但又唔覺多左好多。我諗多左10ml 都有嘅。

其實點睇到有冇噴奶反射？我間歇性會見到會有一條嘅奶噴出嚟，但多數都見唔到。同埋有時泵左陣覺得冇乜奶出，係咪要轉返stimulation mode 先再用expression mode？

一面泵，一面埋身真係好難，因為我仔就1.5 月大，但都係食得唔太好兼個頭成日邊食邊郁同chok，好難有多隻手揸住個泵。

我而家儘量餐餐食完餐餐泵清，希望會多啲奶，因為好驚儲唔到貨比bb 之後食。

私人傳訊回覆引用

積分: 1504

23^#

發表於 19-5-6 13:19 |只看該作者

momo.f 發表於 19-5-6 09:02
本帖最後由 momo.f 於 19-5-6 09:08 編輯

我而家都用緊雙泵，部sonata 應該效果同symphony 效果一樣， ...

有噴奶時d奶會突然間出得好多好快，每次我通常維持幾十秒，奶柱會再多d，一齊好急咁射d奶出來，聽到ssss水聲，比喻好似突然間開大水喉咁。
每次泵奶我大概有兩至三次噴奶。每噴完一次，每邊起碼泵出多左30 （當與沒有噴時比較）

有時泵15分鐘無奶出，我會停機手擠，或者冲個熱水涼，休息一下再泵，會清得好少少

如果佢Chok同郁, 好大機會係奶太多太快，食唔切，或者唔夠奶，嫌出奶慢。

我以前用免提bra 一邊泵，另一邊打開餵。free一隻手！

私人傳訊回覆引用

積分: 388

24^#

發表於 19-5-6 13:28 |只看該作者

Leira 發表於 19-5-6 13:19
有噴奶時d奶會突然間出得好多好快，每次我通常維持幾十秒，奶柱會再多d，一齊好急咁射d奶出來，聽到ssss水 ...

點解我好似無乜噴奶架
有時泵都係見到啲奶滴滴下咁

我手擠真係好手殘
同埋暫時我都係埋完身再泵就算

睇怕我係後者多… 但佢有時chok 同郁完係會停左唔啜，有時就搏命啜一陣

但一邊泵一邊餵，bb 夠食？我仔要食兩邊先夠，我擔心佢要食第二邊時泵晒無得食。

私人傳訊回覆引用

積分: 1504

25^#

發表於 19-5-6 13:48 |只看該作者

momo.f 發表於 19-5-6 13:28
點解我好似無乜噴奶架
有時泵都係見到啲奶滴滴下咁

你要學手擠奶，因為近乳頭位置的奶係泵唔出的，我每次泵完都手擠，更有效淸空乳房，然後先會做多d奶。
你咁有機會唔夠食，但你一齊刺激乳房，其實bb食那一面出奶都會快d，多d。可吾可以之後有人幫你再補奶樽餵人奶？餵飽bb

私人傳訊回覆引用

積分: 388

26^#

發表於 19-5-6 13:54 |只看該作者

Leira 發表於 19-5-6 13:48
你要學手擠奶，因為近乳頭位置的奶係泵唔出的，我每次泵完都手擠，更有效淸空乳房，然後先會做多d奶。
你 ...

其實唔係唔識擠，不過係整到周圍咁解

等我一陣泵完再擠下睇下有冇野出，但我估無咩，頭先阿b 係咁食，泵都泵唔到啲咩。

而家屋企得個新嚟嘅姐姐，唔太靠得住，都係要自己嚟。

私人傳訊回覆引用

積分: 1504

27^#

發表於 19-5-6 15:33 |只看該作者

momo.f 發表於 19-5-6 13:54
其實唔係唔識擠，不過係整到周圍咁解
等我一陣泵完再擠下睇下有冇野出，但我估無咩，頭先阿b ...

多多練習啊！
泵空氣的確令人很氣餒，加油

私人傳訊回覆引用

JpAurora

別墅

積分: 987

28^#

發表於 19-5-6 15:49 |只看該作者

momo.f 發表於 19-5-5 16:25
但我見好多人都話唔夠力… 所以我買左部sonata 啦，快泵完好多。

貴嗎？我唔捨得買呀。

私人傳訊回覆引用

積分: 388

29^#

發表於 19-5-6 15:52 |只看該作者

JpAurora 發表於 19-5-6 15:49
貴嗎？我唔捨得買呀。

本帖最後由 momo.f 於 19-5-6 15:53 編輯

sonata 係美國水貨，我買左29xx，仲平過香港代理啲雙泵機，同埋睇返外國嗰邊啲評語，都話好用過freestyle，但就無保養囉。有壞要send 返去美國。

當你好似我咁泵唔出奶就會捨得買

私人傳訊回覆引用

積分: 388

30^#

發表於 19-5-6 15:54 |只看該作者

Leira 發表於 19-5-6 15:33
多多練習啊！
泵空氣的確令人很氣餒，加油

好快又有得再試

而家只等阿仔食完

私人傳訊回覆引用

積分: 1504

31^#

發表於 19-5-6 17:41 |只看該作者

momo.f 發表於 19-5-6 15:54
好快又有得再試
而家只等阿仔食完

你要多休息多飲水！

私人傳訊回覆引用

積分: 388

32^#

發表於 19-5-7 11:16 |只看該作者

Leira 發表於 19-5-6 17:41
你要多休息多飲水！

唉，有時阿仔喊起上嚟咩都要自己嚟，邊有得休息咁多同有時間飲水。我老公成日曲線哋話我攞苦嚟辛，做咩唔叫個姐姐做。好老實講，沖涼換片餵奶扭抱，姐姐主要幫到我換片同抱陣等我去下廁所飲啖水… 沖涼就我老公沖，但次次要我喺隔離幫手，阻住我小眠… 其實我幫阿仔沖涼咪又係叫姐姐幫手。有時早知自己幫佢沖涼算數，起碼可以自己就時間。

私人傳訊回覆引用

積分: 1504

33^#

發表於 19-5-8 01:35 |只看該作者

momo.f 發表於 19-5-7 11:16
唉，有時阿仔喊起上嚟咩都要自己嚟，邊有得休息咁多同有時間飲水。我老公成日曲線哋話我攞苦嚟辛，做咩唔 ...

餵人奶真係有苦自己知，我好好彩請到個好姐姐幫手，如果無左佢，我都攪唔掂。

你有無叫姐姐煲野比你飲？我坐月時飲煲紅棗藍棗杞子圓肉無花果，飲到bb兩個幾月大，會多奶的。

不過多奶又會煩塞奶。

私人傳訊回覆引用

積分: 388

34^#

發表於 19-5-8 03:02 |只看該作者

Leira 發表於 19-5-8 01:35
餵人奶真係有苦自己知，我好好彩請到個好姐姐幫手，如果無左佢，我都攪唔掂。

你有無叫姐姐煲野比你飲？ ...

無錯，真係有苦自己知。

我長期喺好返同食損/起水泡/起血泡之間不斷loop，其實我已儘量塞個乳暈位入佢個口，但都係咁上下，唔知同我乳頭細同唔凸有冇關係，因為凸同大啲嗰邊嘅情況係好少少。個乳頭又比佢啜到勁敏感，尤其是一餵完掂到都想喊。有時我諗早產一個月係咪差咁多，但佢都1.5個月大都仲食到咁… 其實如果我泵得出奶，我諗我轉左全泵比佢好耐，因為埋身真係好痛苦。

至於我個姐姐係新嚟，仲要第一次嚟打工，好多野佢幫我唔到仲要我教，唔激返死我都偷笑。佢好在肯學同好鐘意bb。

我想問紅棗藍棗杞子圓肉無花果係點煲法？因為太複雜嘅佢唔會識搞。

私人傳訊回覆引用