小詠 發表於 19-5-6 15:57
認真, 我識既獅子男女都好, 大脾氣, 硬頸一定有, 但心地唔會太差
我有朋友是女護士, 常常會罵病人, 猶其 ...
曾經有個朋友老公係獅子座,朋友係巨蟹座,兩個相處好得意,獅子老公平時冇咩點,陰聲細氣又搞笑,覺得佢自卑多過自大,巨蟹老婆真係打横行,霸道但超有義氣,對人好好。老婆脾氣大,老公非常錫佢遷就佢,當時我仲奇怪,好似兩個星座特質掉轉咗咁(當然仲有月亮同上升星座要睇), 佢地結婚廿年過後,巨蟹座朋友話獅子老公遇事就如獅子王上身咁,大事小事佢頂晒,佢對老婆父母就如自己父母一樣孝順,仲幫咗朋友頂好多困難。朋友話當年好多人覺得佢老公執到,娶到個好老婆,佢而家要為老公平反,自己當年走運,隻獅子對佢鍾情,死纏爛打,最終結到婚,而家發現佢自己執到。
花旗太太生活在花旗國,留意時差,你問我未必即時答到。