夫婦情感 今日: 2 | 主題: 42455

積分: 1738

342^#

發表於 20-3-24 11:42 |只看該作者

回覆 clcsandy 的帖子

如果你老公肯只用Skype係好事呀。最緊要佢用咩apps, 你電話裝咩apps冇影響呀。
減少佢接觸誘惑嘅機會，佢個人對工作家庭都專心啲，等佢亦都專注正經嘅喜好。

私人傳訊

積分: 1738

343^#

發表於 20-3-24 11:52 |只看該作者

本帖最後由 Perpersis 於 20-3-24 11:53 編輯

樓主兩夫婦可能仲有好多功夫要做。

唸返你地初相識、初結婚，你有啲咩行為係你老公好鐘意，好開心嘅。當你老公在異地，怎樣令佢唸起你時，係一件開心事，而唔係麻煩人或者只係責任或交代或愧疚。呢樣嘢真係好難，希望你可以調整到心態去面對喇。

你老公方面，過咗疫症，最理想係你老公真係肯認真去接受婚姻輔導，增加佢婚姻觀念同信念。

私人傳訊

積分: 4158

344^#

發表於 20-3-24 12:50 |只看該作者

回覆 Perpersis 的帖子

但佢唔可以唔用WECHAT，因為佢番大陸做野，日日都要同廠溝通，日日都要用，無得避

私人傳訊

積分: 4158

345^#

發表於 20-3-24 12:56 |只看該作者

回覆 Perpersis 的帖子

其實以前拍拖到初結婚，我地都係傾計多，鐘意／開心野有，不過真係要慢慢諗下...始終有小朋友，工作忙，首先KEEP住晚間有二人世界時間最重要。平日佢忙起黎既時候，唔鍾意有人騷擾佢，因為佢話同時間唔可以一邊做野一邊同人傾計。

至於說服佢一齊去輔導，呢個我找同佢商量下。

私人傳訊

積分: 4158

346^#

發表於 20-3-24 13:04 |只看該作者

回覆 clcsandy 的帖子

前日，細女發脾氣，我老公先話＂老婆都唔係港女，點解個女咁港女性格＂
其實之前傾既期間佢都有話我由始至終都係對佢貼心，默默支持佢想做既野，生活理念同想法同佢相同，呢Ｄ就係當年佢決定娶我既原因。當事件變質之後，對比之下佢話我係完美，內地的無一個及得上我（呢個我係唔會信or唔會認）。。近日就話我煮飯愈來愈好食囉。

之前都有傾過移民去馬來西亞，老公見到我情緒咁，都有提起呢件事，的起心肝一齊去聽移民講座了解下先。

不過點都好啦，經此一役，我地知我地2個要堅持住做D乜野，我自己情緒又要點快處理好。

私人傳訊

積分: 1738

347^#

發表於 20-3-24 18:06 |只看該作者

本帖最後由 Perpersis 於 20-3-24 18:07 編輯

回覆 clcsandy 的帖子

你老公講你個女似港女其實係指咩呢？

你老公讚你嘅說話應該好大程度都係真心嘅。當然內在美德以外，而家嘅外表怎都唔及自己18-22嗰陣時嘅喇，但如果佢唔係/佢身邊人唔係花天酒地/注重玩樂嘅人，呢一樣應該冇問題嘅，佢應該可以係自己工作同成功養家度搵到成功感。其實男人應該唔係太明白呢種事對女人帶嚟嘅傷害同影響。不過佢肯記錯，雖然做嘅補救嘢未係十足，不過最緊要係有改善，而且改善緊。

記得做好一個溫柔太太嘅同時，都唔好將自己放得太低呀。香港地男女相對平等，將自己放得太低對自己、對老公都唔係好事。仲有確保自己工作嘅能力。Touch Wood如果有一日你老公收入少，可能要你支撐家庭。加油呀，祝福你！

私人傳訊

積分: 4158

348^#

發表於 20-3-25 10:59 |只看該作者

Perpersis 發表於 20-3-24 18:06
回覆 clcsandy 的帖子

你老公講你個女似港女其實係指咩呢？

我個女三歲，佢一唔鐘意就發脾氣扔野(emoji)，或者自己縮埋一角唔理人。同埋勁貪靚。(emoji)(emoji)我老公都唔係花天酒地、愛玩嘅人。以前拍拖，都唔係成日約朋友出街食飯，到現在都係，極少朋友揾佢出黎。

我絕對會尊重自己，放得太低只會令男人放肆，至於工作，以前我番full time, 成日都加班，久唔久又要周圍飞。直至個仔升上小學，發覺搞唔掂，老公就要求我part time了。到今個月肺炎，公司環境好差，我做埋今個月，就暫時停工喇，老公話佢頂住先，家用再加碼，我就慢慢再揾囉。有時真係好講命運，本身我地仲有生意仔幫下，我父母比我嘅遺產我又做下投資，如果唔係我點可以做part time。

私人傳訊

積分: 1738

349^#

發表於 20-3-25 12:31 |只看該作者

本帖最後由 Perpersis 於 20-3-25 12:31 編輯

回覆 clcsandy 的帖子

初初計劃生小朋友/生第二個小朋友會唔會係你主動提出先呀？似乎好多時候都係提出嗰個主動承擔更多家庭責任。

咁而家可能最緊要小生意可以持續有盈利。到個女讀小學時，多啲時間工作，再搵人幫手/搵多啲人幫手，可能有機會小生意變大生意。

私人傳訊

soso1227

珍珠宮

積分: 37306

醒目開學勳章畀面勳章

350^#

發表於 20-3-25 15:28 |只看該作者

回覆 clcsandy 的帖子

我覺得你真係好叻，理論上我知點做，但係實際上我應該做唔到，因為我真係一個好小氣、好記仇嘅人。

我知道好多上大陸工作嘅男人都出事，乜嘢年紀都有，學歷幾好都有，好多仲係愛妻號，真係睇唔出。所以你唔係孤單的。老土啲講，要留近身錢，掌握返經濟大權。有時唔係個男人唔愛你，佢哋係貪心、抱有僥倖心理，你唔為自己都要保障小朋友。

私人傳訊

積分: 4158

351^#

發表於 20-3-25 15:35 |只看該作者

Perpersis 發表於 20-3-25 12:31
回覆 clcsandy 的帖子

初初計劃生小朋友/生第二個小朋友會唔會係你主動提出先呀？似乎好多時候都係提出嗰 ...

其實係我地兩公婆都想生兩個。結婚初期我都唔係好願咁早生，我老公就想快啲，但最後都就我，二人世界左兩年幾先生第一個。

好彩小生意一直都有錢賺下，等多兩年細女升埋小學，工作時間可隨時好啲吧！不過兩個一齊忙小學讀書又係另一回事Lu(emoji)

私人傳訊

積分: 4158

352^#

發表於 20-3-25 15:44 |只看該作者

soso1227 發表於 20-3-25 15:28
回覆 clcsandy 的帖子

我覺得你真係好叻，理論上我知點做，但係實際上我應該做唔到，因為我真係一個好小氣 ...

這個道理我都知道。基本上家用、小生意賺到嘅錢都過落聯名戶口，我老公不嬲都唔拎錢，只有我去拎、自己投資緊係自己名。就算有一日真係要分開，我都唔係太担心，要打官司我老公一定要分比我、比足我。

我之前會傷心多啲，因為佢有放感情落去個女人度，雖然話好少好少...但調番轉頭諗，個個男人都係咁講，做埋啲野一模一樣。根本男人都糊糊塗塗嘅，呢個月，我見老公行為，我知佢自己有反思嘅，佢都開始醒左。只係我仲有後遺症，少少野就敏感，前日仲爆喊起上嚟。我都要叫自己唔好咁喇，太多只會最後係親手自己破壞左個家。

私人傳訊

GettingLost

積分: 2766

353^#

發表於 20-3-25 17:30 |只看該作者

clcsandy 發表於 20-3-25 15:44
這個道理我都知道。基本上家用、小生意賺到嘅錢都過落聯名戶口，我老公不嬲都唔拎錢，只有我去拎、自己投 ...

其實你已經好叻，處理得很好！被傷害過一定會敏感，因為信任係要時間去儲返，所以你也不要太怪責自己，比時間自己。以你先生現在的表現，你一定會好起來的，加油！

私人傳訊

積分: 4158

354^#

發表於 20-3-25 17:35 |只看該作者

GettingLost 發表於 20-3-25 17:30
其實你已經好叻，處理得很好！被傷害過一定會敏感，因為信任係要時間去儲返，所以你也不要太怪責自己，比 ...

嗯，要時刻提醒自己。多謝你的鼓勵！(emoji)

私人傳訊

Freedomfish

伯爵府

積分: 15995

355^#

發表於 20-3-26 00:00 |只看該作者

你性格甘好、持家有道
又懂得冷靜處理
有智慧既男人一定揀你
加油呀！

私人傳訊

積分: 4158

356^#

發表於 20-3-26 08:56 |只看該作者

Freedomfish 發表於 20-3-26 00:00
你性格甘好、持家有道
又懂得冷靜處理
有智慧既男人一定揀你

我知道自己唔好，就係諗得太多！(emoji)呢個先麻煩，明明睇到事前老公自己去結束，但我久唔久就病發，成日就說服自己...佢搞咁多野，無乜理由仲要踩落個陷阱度？

私人傳訊

積分: 1738

357^#

發表於 20-3-26 12:19 |只看該作者

本帖最後由 Perpersis 於 20-3-26 12:33 編輯

回覆 soso1227 的帖子

係呀，樓主好叻，亦都好努力、好積極、冇心存怨恨。所以都好希望佢有美滿家庭。

私人傳訊