0505bb 發表於 20-5-10 13:27
Thank you for your reply!
請問一個西芹可以做幾多安士。
如果我無你嗰個榨汁機,可唔可以用 Vitamix?
好難講喎,要睇下本身西芹肉厚唔厚,我通常係一次過榨四五個西芹,我用玻璃樽裝,榨完汁嘅西芹渣我用全棉布(用隔豆漿或整芝士果種隔篩棉布袋都得)包住扭,可以再多成一樽份量,加埋之前直接榨嘅可以有大概四五樽12安士份量,你如果得閒日日榨的話,新鮮榨好飲就最好,唔得閒日日整就一次榨好放玻璃樽入雪櫃,飲之前放室溫攤暖少少至飲。
Vitamix呢隻係攪拌機,唔得架,就係放西芹入去出唔到汁,攪拌機係要加水至得,榨汁機完全唔駛加水,會將蔬果入面D汁榨/壓晒出嚟,英文翻譯係juicer,Vitamix呢種叫blender,我都有Vitamix,用嚟整醬汁整湯就得,可以整smoothie,生果加奶或乳酪去打,但要榨蔬果汁就唔得。
花旗太太生活在花旗國,留意時差,你問我未必即時答到。