心聲留言今日: 0|主題: 17319

收藏本版

發帖

返回列表

跳至頁

查看: 11139 | 回覆: 6

四面神真係好靈!!!! [複製鏈接]

ying67493

民房

積分: 5

1^#

發表於 22-5-8 03:51 |只看該作者 |倒序瀏覽 |打印

我上個月去咗拜四面神，應承咗四面神如果願望成真嘅話，會係討論區打一篇感謝文宣揚佢嘅神跡。我祈求嘅願望係關於面試機會，本身自己條件同背景都不太好，而且遞交申請之後遲遲未有回覆，已經心灰意冷，知道都冇乜希望，我幾個月真係好迷惘，因為呢個機會對我來講好重要，而且我已經唔係第一次遞交申請，連番嘅挫敗真係好頹。其實二三月嘅時候已經好想去拜，礙於疫情不能成行。

直到四月中開返嘅時候就即刻去拜，當下用咗一個最虔誠最真誠最謙卑嘅心態同四面神講，求佢比一個面試嘅機會我，如果我得到呢個機會一定會好好把握，將來如果可以喺呢個行業都發展嘅話，一定要存好心做好事，孝順父母，貢獻社會，相信四面神都係非常善良，樂於見到善心人嘅決心。

大約一星期之後，我就收到電郵通知我去進行面試，我內心真係覺得非常神奇，非常感謝四面神，因為呢個機會係真係好難得，對我來講係彌足珍貴，嗰刻我知道四面神有聽到我嘅祈求，佢願意幫助我，所以我喺呢度打咗呢篇文章嚟多謝佢，亦想比大家睇到四面神嘅力量，我知道呢個機會≠成功，得到面試機會之後都要落苦工去準備，希望今次第一輪面試成功，跟住順利通過埋第二輪，成功做到自己想做嘅事，多謝四面神！