之後我睇中 The Mirx 國x軒 有個午市套餐,於 1 月 17 日透過這張咭嘅 Ten 禮賓部客服去 book 這個 set, 佢話最快有位喺 2月 3 日,咁就 book 咗 2 位 lunch set。
到咗琴日12 點 05 分去到 The Mirx 國 x 軒,由我坐低話比職員知已經order 左BOC 國金午市套餐, 就開始左一連串的不愉快經歷,係度要提一下呢個 lunch set 係價值 $448 一位 + 10% service charge(不包茶芥)。
當時該男職員聽到我咁講,馬上話冇收到 Ten 為我們預訂該套餐,只是 book 了位,所以他們沒有準備,並叫我們自行聯絡返銀行那邊。
我好愕然,即刻打比 BOC Ten 果邊,然後佢話會同餐廳果邊溝通返, 最後Ten 那邊職員打比我話同餐廳講左做返個餐,佢哋會跟進,但係收線後幾個字都冇人理會我們(2 次講唔該話想搵經理,Ten 客服叫我搵 R 字頭經理,同我講最好再同返佢哋餐廳職員講聲再confirm),但同佢哋服務員講完又係冇人黎。
我當時無奈再打比 Ten 客服了解究竟係乜事,就算真係覺得個 set 太平唔想做比我地都可以同我講聲,但這個 set 是你們銀行和餐廳出的, 職員問咁有無人 serve 我,我話搵咗 2 次經理幾個字都無人理我地,咁佢話再聯絡餐廳。
收線後好快有個 M 字頭嘅男職員過黎,當時佢態度好差面黑咁講會做返呢個套餐,講完隨即轉身在我們面前大力將餐紙扔在點餐機上(我們的檯是很近點餐機檯,這個舉動好明顯是發洩給我們看),當刻我和朋友也感受到極不尊重嘅對待,感覺到這是擺明唔想做你生意的行為,所以我同朋友決定唔食,朋友叫返 M 字男職員過來,話俾佢聽如果唔想做呢個餐可以唔做,我地唔食,但呢個並唔係我地嘅問題,佢唔應該用咁嘅態度對人,而M職員說這個也不是他們問題,然後立即拎轉頭同佢同事講:「咁唔洗整嘞」,我真係唔敢相信喺一間 5 星級酒店中菜廳受到這樣無禮對待,仲話米芝蓮二星餐廳,最後我地好唔開心咁走。
數小時後 BOC Ten 嘅 team head 就事件道歉,佢話對方餐廳回覆話知道此事,會做返記錄,但沒有就此事情致歉,我唔覺得意外,因為 ten 話其實佢地係有同餐廳預約到這個餐,我亦睇到餐廳處理呢件事的方式,可以合理估計佢哋唔想做呢個平價餐。