李婉華早前於網上頻道討論無綫劇《一舞傾城》大鬧部分情節教壞細路，惹來該劇製作人王晶於微博反擊，揶揄李婉華是「過氣四線」及「TVB屎戲之王」。
李婉華日前與19歲女兒Natalie返港處理私事、拍節目及探朋友，她強調對事不對人，只是以觀眾和家長角度，去評論劇集，沒有嬲王晶，只曾為作品變成三級女星後悔，現階段只望社會和諧點，少一點攻擊，今次回港最想追星，盼見到MIRROR成員姜濤及盧瀚霆（Anson Lo）。
李婉華沒有後悔掀罵戰，覺得王晶有少少借事件發酵，最不應該人身攻擊，籲對方積口德。對於被指「戲屎」，她稱即使演技未必是對方喜歡類型，但自己一直以演藝學院學生而感驕傲。
問可有後悔當年接拍王晶執導的電影《制服誘惑2地下法庭》？她說：「因作品變成三級女星當然後悔，但當時到我埋位，就另一件事，都試過叫我性感啲，但傾嗰陣唔係咁，邊個夠膽出聲？甚至𠵱家都唔夠膽出聲，我𠵱家出聲喇，當然𠵱家好多導演已經好清楚，但有啲就係咁囉！」
李婉華直言仍有戲癮，但忙照顧女兒及兩個兒子，分身不暇，如有適合角色也會嘗試，女兒喜歡跳舞唱歌，至於想不想入娛樂圈？她表示要讀完大學才去想。
發表於 
返回列表
