各位同路人，我就係其中一位JM,因為睇到lhyl呢個post,而去馬來西亞ivf，而家bb已經出世了~
2年前我都好心灰意冷，係香港試咗幾次ivf失敗，AMH指數低~當時針灸食藥運動戒口，咩都做齊，幾次值入，最終都失敗~開始諗係咪要放棄之際，見到lhyl呢段分享，就改寫咗我既人生~
lhyl真係好熱心咁同我分享佢既經驗同意見，又安排我可以同當地醫生視訊(因為當時仲未開關，都想見下醫生先做決定)
我同老公第1次視訊後決定一齊飛去馬來西亞~
而家回想起來，都覺得當時決定好正確，要係馬來西亞住最少半年(我就住咗9個月)，個陣既我~諗呢個係最後機會，博盡無悔~最後成功懷孕~
一直好想多謝lhyl，佢真係無私咁分享自己的意見，仲付出好多時間幫我，不求任何回報。相信都有d jm心諗，有無咁好啊，唔收錢就幫手，又做中間人，又會關心我既情況。事實上樓主真係一豪子都無收，多謝lhyl一路以來既幫忙，祝福你全家好人有好報!小朋友健健康康，快高長大~!
都好多謝馬來西亞既醫生，佢好專業,好有耐性，我地有好多問題，佢都解釋得好詳細，直至我地話明白了，佢就笑笑口咁講ok
仲有當地幫過我地既姑娘同埋係馬來西亞既朋友~多謝你地，令我地唔駛係個9個月孤零零~出門果然要靠朋友
Thanks all of you! Hope u guys all well♡
發表於 
返回列表
