睇你自己要咩,薪酬去到頂點,職位有冇得再升?工種/公司前景如何?
如果冇得升,人工又頂點的話,我會轉工,如果工種/公司前景唔太理想,我會轉行。
我之前份工差不多就係咁,有升職機會但大老細唔升我,疫情開始後我人工加得好少,但有其他同事加得好好,我知大家職位唔同,工作性質唔同,但分配俾我嘅工作越來越多,加上我睇唔到自己將來有幾多發展,於是著手試下搵工,最後收到兩個offers,辭職時原本公司大老細話公司剛宣佈凍薪,冇辦法加到人工俾我,唯一留我嘅賣點係份工彈性大,做慣做熟。。。車,有親咩,唔睇錢唔睇前景?大老細係睇死以為我做咗十幾年唔會走,雖然我真係做咗好多年,但離退休仲有好多年,我接受唔到冇人工加、冇升職至退休。
花旗太太生活在花旗國,留意時差,你問我未必即時答到。