影視娛樂 今日: 8 | 主題: 15859

積分: 70333

3982^#

發表於 24-3-27 17:48 |只看該作者

rose-mag 發表於 24-3-27 12:22
有套短劇一出就好火，叫《執筆》，主演：李沐辰、葉盛佳，改編自林言年的原創小說《執筆者》，相府嫡女蘇雲 ...

呢套有興趣，多謝推介

我睇緊一念關山，諗住睇完就開與鳳行，想一氣呵成，唔使等

私人傳訊回覆引用

積分: 171752

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

3983^#

發表於 24-3-30 06:16 |只看該作者

whywhite22 發表於 24-3-27 01:48
呢套有興趣，多謝推介
我睇緊一念關山，諗住睇完就開與鳳行，想一氣呵成，唔使等 :happy ...

一念關山反而未睇完，睇咗第一集未再追，加上知道全員BE就更加冇動力。與鳳行個配樂不得不讚，其中碧蒼戰歌最上頭，用一國內嘅用辭：燃！放個Full BGM OST上嚟俾JM們收藏。

一邊睇戲一邊睇八卦，與鳳行算係播得好，又未到爆劇，但熱度唔錯，普遍係好評多，不過都有人黑演員，話林更新醜樣（？林更新都算醜，內娛有一半以上男演員應該要收檔返歸），話小趙同林狗冇演技（？咁都話冇演技，雖然未至於好好，但演古偶劇，佢兩個演技足夠啦）話台詞稀爛，非古非今，不倫不類，編劇中學語文没及格的水平（？大佬呀，呢套係仙幻劇，冇朝代背景，架空虛構，仲要考究台辭是古是今？搬埋語文中平出嚟？而家睇歷史劇咩！）話與鳳行男女主唔及花間令男女主顏值同演技好（？？？？呢個真係好多個大問號，劉學義同林更新比較之下，最多係劉後生過林3歲，但顏值同演技，我覺得林勝一籌～至於鞠靖禕對比趙麗穎，樣。。各花入各眼，但演技。。四千年唔只半永久妝係絕，佢將每個角色都演成一個樣/款嘅演技更絕。

花旗太太生活在花旗國，留意時差，你問我未必即時答到。

私人傳訊回覆引用

積分: 70333

3984^#

發表於 24-3-30 09:43 |只看該作者

rose-mag 發表於 24-3-30 06:16
一念關山反而未睇完，睇咗第一集未再追，加上知道全員BE就更加冇動力。與鳳行個配樂不得不讚，其中碧蒼戰 ...

一念關山我唔知係BE，如果早知未必開，冇睇劉詩詩好耐，想睇

與鳳行等播到差唔多就開，國內好多黑粉，佢哋好似比人洗腦，為咗自己偶像不停踩對家，好恐怖

鞠婧禕D演技，齣齣戲都一樣(一言難盡)，但佢D粉絲將佢吹到天上有地下冇

私人傳訊回覆引用

積分: 15886

3985^#

發表於 24-4-4 17:53 |只看該作者

rose-mag 發表於 24-3-27 12:22
有套短劇一出就好火，叫《執筆》，主演：李沐辰、葉盛佳，改編自林言年的原創小說《執筆者》，相府嫡女蘇雲 ...

謝謝樓主一路以來嘅付出，令我哋可以有咁up to date 陸劇最新嘅資訊。希望你有時間就上嚟同我哋傾吓
執筆我啱啱開始睇，題材幾新鮮，唔似一般女主人設。李沐辰我之前睇過佢幾多短劇，幾靚女，佢套「招惹」都唔錯
但短劇嚟講我嘅首選係「虛顏」，呢套真心好睇

私人傳訊回覆引用

mizuho

珍珠宮

積分: 30939

3986^#

發表於 24-4-4 19:41 |只看該作者

rose-mag 發表於 24-3-24 14:51
唉，我就係睇下睇下，睇到第12集，星期五到星期日只更新1集，失算咗。暫時到12集都好好睇，幾多笑料，但又 ...

多謝介紹花間令，真係好睇，劉學義非常不錯，有樣有演技，喜歡佢配鄭合惠子，好似會有新劇。鞠婧褘簡直係個噩夢，完全嘅整容失敗案例，難為佢夠膽話自己係四千年一遇美女，真係見到佢出現就飛3x咁睇。呢套就好似玉骨遙一樣，女主原因，完全唔可能二刷。結局係open ending，只希望第二季可以換了個女主

私人傳訊回覆引用

mizuho

珍珠宮

積分: 30939

3987^#

發表於 24-4-4 19:46 |只看該作者

rose-mag 發表於 24-3-27 12:22
有套短劇一出就好火，叫《執筆》，主演：李沐辰、葉盛佳，改編自林言年的原創小說《執筆者》，相府嫡女蘇雲 ...

昨日食飯時同事高度評價短劇「古相思曲」，拍得比較特別要由第十四集開始睇返去第一集，準備買個B站會員呢幾日睇

私人傳訊回覆引用

積分: 15886

3988^#

發表於 24-4-4 20:55 |只看該作者

本帖最後由 babycakez 於 24-4-4 21:13 編輯

mizuho 發表於 24-4-4 19:46
昨日食飯時同事高度評價短劇「古相思曲」，拍得比較特別要由第十四集開始睇返去第一集，準備買個B站會員呢 ...

呢套我睇咗，幾好睇。Mytvsuper 都有

私人傳訊回覆引用

積分: 171752

3989^#

發表於 24-4-5 01:55 |只看該作者

whywhite22 發表於 24-3-29 17:43
一念關山我唔知係BE，如果早知未必開，冇睇劉詩詩好耐，想睇
與鳳行等播到差唔多就開，國內好多 ...

鞠婧禕身型太細粒，演古裝劇還可，現代劇唔得，佢係愛豆出身，跳唱或者係好OK，但演員嘛。。不得只顧住個樣，劉華都係拋開偶像包袱至有突破。鞠呢套花間令雖然睇到比其他劇嘅人設同角色都有少少唔同，甚至可以話演技有進步，因為係先演反派，但依然係要樣靚行先！演技呢，真係要好寬容大度至會講佢有進步，或者有，但真係少少囉，唔多，非常趕客。不過花間令個故事係幾有意思，原創劇本而家好少見，寫得好更難，我斷斷續續睇，搵日得閒再重頭開過，一次過睇完。

花間令於2013年訂下故事原型，2017年完成大綱，2020年完成15集劇本，因為疫情及市場變化，項目又停滯兩年，編劇於前後10年易稿無數次，新稿改動了結構，，再改動楊采薇個性，美術、服裝、造型等最後參考魏晉時期之審美。

花旗太太生活在花旗國，留意時差，你問我未必即時答到。

私人傳訊回覆引用

積分: 171752

3990^#

發表於 24-4-5 02:09 |只看該作者

babycakez 發表於 24-4-4 01:53
謝謝樓主一路以來嘅付出，令我哋可以有咁up to date 陸劇最新嘅資訊。希望你有時間就上嚟同我哋傾吓
執筆 ...

我比較少睇短劇，因為太多啦，有時好難揀，棄劇比例好高，不過虛顏我睇晒，真係好睇，比好多長劇都好，可能就係短，所以結構完整，演員做得好好，女主柯穎另一套風月變都好睇，D特技以短劇嚟講十分唔錯。

招惹我睇咗兩集放低咗，李沐宸而家係短劇中較出彩嘅女演員，睇佢司藤演沈銀燈非常突出，夢華錄換個造型，我最初認唔到佢，李沐宸個樣唔算得上靚，但可塑性高，反而冇咁靚對佢更有優勢，冇咁易被定型，可忠可奸，執筆就係一個例子。

花旗太太生活在花旗國，留意時差，你問我未必即時答到。

私人傳訊回覆引用

積分: 15886

3991^#

發表於 24-4-5 02:31 |只看該作者

rose-mag 發表於 24-4-5 02:09
我比較少睇短劇，因為太多啦，有時好難揀，棄劇比例好高，不過虛顏我睇晒，真係好睇，比好多長劇都好，可 ...

短劇真係好多，好似千金系列我都有追，有某啲劇情坦白講都幾老土，不過啱晒我

其實李沐宸個樣好善良，唔似奸人，所以執筆入面憎佢唔落，相反女二就十分annoying

柯穎好靚女，我睇佢第一套就係虛顏，非常好睇，另外佢套契約新娘都唔錯。我自己其實偏愛古裝，但最近都睇咗兩套時裝短劇，「去有你的地方」同「愛在黎明前降落」，真係幾個鐘就追完

私人傳訊回覆引用

積分: 171752

3992^#

發表於 24-4-6 00:37 |只看該作者

本帖最後由 rose-mag 於 24-4-5 08:37 編輯

babycakez 發表於 24-4-4 10:31
短劇真係好多，好似千金系列我都有追，有某啲劇情坦白講都幾老土，不過啱晒我
其實李沐宸個樣好善 ...

與鳳行出晒39集啦，尋日追到36，不過聽日去旅行，要晨早4點幾起身，今晚要早瞓，可能要旅行後先追埋果3集。

柯穎俾人話唔夠靚，所以冇機會去演正劇，不過我覺得佢樣適合古裝，又幾有辨識度，演技比好多網紅臉女演員好，虛顏男主丞磊幾好樣，台型唔錯，之後演《颜心記》《大夢歸離》《錦月如歌》同《雲之羽》，佢又係古裝好過時裝，同柯穎已經搭檔過好幾套短劇。

尋晚追完與鳳行，搜咗套短劇你是我的人間至味，全28集，出到23集，我一下子睇咗6集，男女主唔係好靚仔靚女，劇情唔太奄尖的話算係OK（總有D反駁位唔合理位），我要hold一下，等出晒先。

花旗太太生活在花旗國，留意時差，你問我未必即時答到。

私人傳訊回覆引用

積分: 15886

3993^#

發表於 24-4-6 00:49 |只看該作者

rose-mag 發表於 24-4-6 00:37
與鳳行出晒39集啦，尋日追到36，不過聽日去旅行，要晨早4點幾起身，今晚要早瞓，可能要旅行後先追埋果3集 ...

祝你旅途平安愉快！
與鳳行好睇嗎？而家我冇乜心機睇長劇，39對我都算長，以前閒閒地五十幾六十集都好有心機，而家我成日睇YouTube clips , 冇以前咁有心機追，除非聽你哋講邊套好睇我先開。
我上一套古裝就雲之羽，嗰陣時未get到張凌赫，反而而家睇寧安就好喜歡佢演唱嘅謝危

柯穎靚呀，佢古裝同民初裝都好睇。而家短劇啲女主好多，真係需要有辨識度

私人傳訊回覆引用

積分: 171752

3994^#

發表於 24-4-6 01:20 |只看該作者

本帖最後由 rose-mag 於 24-4-5 13:39 編輯

babycakez 發表於 24-4-5 08:49
祝你旅途平安愉快！
與鳳行好睇嗎？而家我冇乜心機睇長劇，39對我都算長，以前閒閒地五十幾六十集都好有心 ...

《與鳳行》我個人覺得幾好睇，人物設定係雙強，不過係女王爺加男上神，英武扛打戲嘅係趙麗穎，反而林更新作為上古神，揮下手就打退千軍萬馬，呢套嘅特技比好多仙幻劇武俠劇好，熱搜好多冰封東海、王爺逃婚、滅魑魅嘅clips都睇得幾爽，如果你係星玥粉或者睇完楚喬傳意難平的話，呢套係圓星玥粉嘅夢，最初幾集已經有觀眾比對兩套劇，熱搜上好多宇文玥終於被撈上嚟嘅帖，加上呢套劇男女主互動同粉絲都非常和諧，係近年少有情況，好多套劇都係男女主粉絲互撕互甩煱，當然趙林兩人關係好，二搭係本人同粉絲都樂見。

好彩暫時劇情OK，中間有D悶場有D拖，扶容君同洛天神女加咗唔少戲，最初洛天神女出場俾人鬧醜樣（辣木洋子），後來幾有喜劇感。同好多仙幻劇一樣，仙界嘅人心其實係最醜陋最自私，呢套不同在於最後上古神同女王爺都心懷蒼生，佢地唔想害人，但以一人扛天下嘅責任實在係太苦太孤獨，能有兩全其美嗎？點解要犧牲自己情感？

《與鳳行》不能算是神劇，但算係幾好睇嘅劇，同《星落凝成糖》類似，男女主人設性格獨特，劇要帶出嘅訊息唔係單純情愛，主角既有強大嘅能力，亦有脆弱人性嘅時候，其中配角人物都令人印象深刻；董潔嘅雲娘深情堅韌，黃羿演嘅小荷令人眼前一亮，佢演活咗單純可愛嘅荷花精；王伊瑤演金娘子風情萬種，同佢喺《卿卿日常》嘅白露完全兩個人咁，仲有靈尊、天君、符生等都幾有特色。

花旗太太生活在花旗國，留意時差，你問我未必即時答到。

私人傳訊回覆引用

littlesister

琥珀宮

積分: 156243

畀面勳章

3995^#

發表於 24-4-7 17:16 |只看該作者

rose-mag 發表於 24-4-6 00:37
與鳳行出晒39集啦，尋日追到36，不過聽日去旅行，要晨早4點幾起身，今晚要早瞓，可能要旅行後先追埋果3集 ...

與鳳行睇趙麗穎，佢 keep 得幾好，身手都好好，準備好足，但佢演感情戲眼神好似有些木，而且中段注水幾嚴重節奏又幾慢，我開1.5睇，居然覺得正常，只係播歌時先醒起開快左，不過都會睇下既

私人傳訊回覆引用

summering

男爵府

積分: 7381

3996^#

發表於 24-4-10 22:10 |只看該作者

本帖最後由 summering 於 24-4-10 22:10 編輯

ddkaka 發表於 24-3-27 02:56
【2024年9套愛情劇你最期待哪部】https://mr.baidu.com/r/1gBEs0IahhK?f=cp&u=f01e71babb988040

愛情劇啱我。

私人傳訊回覆引用

積分: 70333

3997^#

發表於 24-4-11 11:01 |只看該作者

rose-mag 發表於 24-4-6 01:20
《與鳳行》我個人覺得幾好睇，人物設定係雙強，不過係女王爺加男上神，英武扛打戲嘅係趙麗穎，反而林更新 ...

睇完一念關山,開咗<<與鳳行>>, 林更新保養得好好, 同楚喬傳入面既宇文玥差唔多樣,某D表情動作都好似,趙麗穎演技好似<<有翡>>(我覺得佢結婚前演技+狀態好過依家).
我係星玥粉, 宇文玥+楚喬人設智勇雙全,唔係個D善良到成日比人呃比人害既男女主角(好怕呢類劇,代表作蘭陵王). 睇完與鳯行我可能會重睇<<楚喬傳>>

私人傳訊回覆引用

積分: 70333

3998^#

發表於 24-4-11 11:11 |只看該作者

本帖最後由 whywhite22 於 24-4-11 11:51 編輯

littlesister 發表於 24-4-7 17:16
與鳳行睇趙麗穎，佢 keep 得幾好，身手都好好，準備好足，但佢演感情戲眼神好似有些木，而且中段注水幾嚴 ...

趙麗穎結婚前狀態+演技都好過依家, 依家既佢好似一個女強人,好"硬淨",缺少咗溫柔,一場婚姻改變佢好多.

私人傳訊回覆引用

積分: 171752

3999^#

發表於 24-4-11 13:57 |只看該作者

whywhite22 發表於 24-4-10 19:11
趙麗穎結婚前狀態+演技都好過依家, 依家既佢好似一個女強人,好"硬淨",缺少咗溫柔,一場婚姻改變佢好多.
...

急於轉型，年紀大啦，再演少女就算樣同身裁冇問題，神態已經唔似，即係人經歷多咗，身上果股純祽已經變質，就算唔計較外形，叫楚喬傳時代趙麗穎演花千骨或杉杉來了，都唔可能演得返小骨或杉杉果種天真爛漫，正如趙麗穎演花千骨入魔都唔得，果陣佢眼神完全冇氣場冇霸氣。

好多女演員經歷婚姻，成為人母，氣質已經不能跟少女時代相比，趙麗穎都唔例外，再加上要樹立強者獨立形象，於是揀戲同角色都係以大女主為主，佢好想轉型同轉戰電影，短期內唔會再接古偶，之前想借風吹半夏衝獎，不過事與願違。

楚喬傳其實拍得麻麻，當時趙林兩個有部份場面都拍得有少少尷尬，劇情同人物改動比書差，不過星玥CP加上拍到小說2/3就停，搞到好多觀眾意難平，一直希望可以續拍楚喬傳，只係咁多年來只聞樓梯響，我自己更鍾意小書入面嘅星玥，但書去到後面亦寫偏咗。

陸劇唔少女演員離婚後都想立獨立女性大女主人設，只係好多個都唔太成功，好似吳倩，本身性格唔係太獨立太強，離婚後演出嘅劇都反響平平，佢仲喺偶像劇舒適圈中打轉緊，較近期套九義人算係有少少轉型，劇唔錯，但播出後反而女二胡意旋收獲一波好評，吳倩個角色唔算太突出。

花旗太太生活在花旗國，留意時差，你問我未必即時答到。

私人傳訊回覆引用