回覆樓主:
現實係因為經濟狀況,退休年齡越來越遲,但生命幾時到頭冇人知,我老公舅父喺滿65歲前兩個月突然心臟病發走咗,勞碌一生,咩都享受唔到就走咗;有個舊同事想攞到盡退休福利,計劃70歲先退休,佢67時已經中風兩次,但點都唔肯退休,佢老細苦口婆心叫佢要保重身體,健康緊要過錢,佢唔聽,疫情開始後,佢又搞唔掂wfh嘅嘢,變相公司俾人工佢唔做嘢(平時都已經唔做嘢), 後來復工後一直冇見佢返工,電郵電話甚至FB都聯絡唔到,經聯絡佢女知道佢又中風兩次,最終公司都係要炒佢,因為曠工一年。。。
但亦見過有舊同事退休冇幾耐就走,習慣咗忙碌生活,一閒落嚟就百病纏身,有時都真係好難講,見有人七十幾都利得走得,我老公有個舊同事已經73,仲可以爬三層樓高電線桿,比d後生嘅更靈活,公司都唔想佢退休,希望佢教多d人。
花旗太太生活在花旗國,留意時差,你問我未必即時答到。