我見網上面好少人講呢間嘢. 我自己一直都係 emp**hy 嘅長期顧客因為同上一批治療師比較夾,唔算hard sell,睇得出啲人有熱誠唔係Hea做,所以都有介紹朋友join。見到FB全部都係 positive comment,4百幾個review 入邊一個負評都冇 (佢哋原來係一個negative comment 都接受唔到,9秒9為咗一個負評放棄四百幾個好評,隱藏晒所有Facebook review), 難怪清一色好評.
BTL機係唔錯,啲機係原廠正貨靚機,但揸機嗰個都好緊要。尖沙咀分店D人轉來轉去,長期人手不足,難book,有時見到佢哋一腳踢都好無奈。有經驗嘅做body機治療師走曬,上批走之前sell完個用極都用唔完嘅plan 之後走埋,清零。變咗二手單俾其他人接手,之後不斷有D新員工落場雖然有都OK嘅治療師,可惜質素參差(一係就似 part time,一係似學徒),員工培訓絕對係公司嘅責任,搵個連set機都成問題同你做,做緊個八月十五又唔識同你閂門,學徒唔係問題,但都應該搵個熟手嘅 senior培訓一下,我唔介意你一邊指導一邊做。但連調校溫度都唔識嗰吓真係到抽一口涼氣,set機都唔識,試問可以對body shape 有咩期望?個個禮拜做,做咗咁耐,手勢如何真係一落手推就知道,對比以前Ka*my 時期嘅手勢真係沒有比較沒有傷害。
陰公,做一part都唔平,一做白老鼠就等於倒錢落海。如果我知道當日又去做白老鼠,我寧願 cancel Booking 唔好嘥錢,為咗唔好谷氣唔好勞氣,過嚟係為咗扮靚多兩條皺紋就唔好,所以之後用完就算了.