大仔大女媽媽會 今日: 0 | 主題: 177860

積分: 266

61^#

發表於 10-5-15 16:33 |只看該作者

我大女0810, 細女1002 ^^

私人傳訊

nyipsl

積分: 316

62^#

發表於 10-5-19 18:58 |只看該作者

我大仔0810，啱啱生咗細女1005。

I found it very difficult to handle both BBs together. For those who has 1 large B and 1 small B with close age gap, how do you handle? Even I have a maid and a 陪月 now, I still think that I cannot handle it... :(

[ 本帖最後由 nyipsl 於 10-5-19 19:00 編輯 ]

私人傳訊

midorimama

積分: 2888

2023年兔年勳章

63^#

發表於 10-5-19 23:42 |只看該作者

我都係0810mama，見到咁多mama已經生左第二個，真係好羡慕~~時間真係過得好快呢～
自己一直都想生兩個，但諗起又要懷胎十月，又要擔心依樣擔心果樣，自己嘅身體又差左，再加上我媽媽揍唔到兩個B咁多，而我同老公又唔鍾意請工人，所以再生我就要辭工．．．
究竟有兩個Ｂ係咪真係比得一個好呢？？

私人傳訊

積分: 7429

64^#

發表於 10-5-20 16:02 |只看該作者

原帖由 nyipsl 於 10-5-19 18:58 發表
我大仔0810，啱啱生咗細女1005。

I found it very difficult to handle both BBs together. For those who has 1 large B and 1 small B with close age gap, how do you handle? Even I have a maid and a 陪月 now, ...

你覺得點樣handle唔到?

我兩個差14個月, 咁細b出世時係幾'le-hea', 細那個無schedule, 大那個又常常想我陪, 我仲要得鐘點o黎3個鐘, 媽媽全日來幫手, 食完飯之後走, 夜晚係兩公婆自己湊, 所以第一個月係辛苦到癲, 同埋餵唔到人奶, 太花時間, 唔捨得唔陪大女.

但到細b滿月之後, 自己可以落手做番好多野, 咁so far都ok啦...我兩個女是婆婆一個人湊o既, 我地會盡量先回應家姐o既需求, 然後才處理妹妹o既需要, 因為妹妹未識野, 反而要令家姐接納妹妹, 現在家姐會幫手拎奶樽紗巾, 丟尿片, 妹妹喊佢會塞奶咀俾佢, 又要我地放妹妹係地墊玩

你要盡量involve大b去幫手, 咁就會好一點. 食野方面, 因為細o既食奶限時限刻, 反而大o既可以flexible, 咁我地會就番d時間, 唔駛撞埋一齊, 好似夜晚7點亞妹食奶, 食飽後先餵家姐食粥. 係辛苦o架, 不過當你睇到佢兩個有interaction時, 係會好開心, 知道佢地真係有伴囉, 加油!

[ 本帖最後由 titanlow 於 10-5-20 16:05 編輯 ]

私人傳訊

阿紀

男爵府

積分: 6602

65^#

發表於 10-5-21 15:52 |只看該作者

原帖由 titanlow 於 10-5-20 16:02 發表

你覺得點樣handle唔到?

我兩個差14個月, 咁細b出世時係幾'le-hea', 細那個無schedule, 大那個又常常想我陪, 我仲要得鐘點o黎3個鐘, 媽媽全日來幫手, 食完飯之後走, 夜晚係兩公婆自己湊, 所以第一個月係辛苦到癲, ...

但係好多時候, 細嗰個唔係食完就即刻瞓, 喺度喊喊喊, 你又要抱佢噯佢, 大嗰個又要你同佢玩, 咁點呢??
我而家淨係湊細嗰個, 好多時都搞到自己食唔到飯去唔到廁所, 好多時都要抱住佢, 一放落床就喊, 我覺得一個人唔知點應付兩個, 如果得我一個我唔敢湊大女返黎......
可唔可以教我一個點湊兩個??

私人傳訊

DomTaiTai

積分: 369

66^#

發表於 10-5-22 10:35 |只看該作者

原帖由 titanlow 於 10-5-20 16:02 發表

你覺得點樣handle唔到?

我兩個差14個月, 咁細b出世時係幾'le-hea', 細那個無schedule, 大那個又常常想我陪, 我仲要得鐘點o黎3個鐘, 媽媽全日來幫手, 食完飯之後走, 夜晚係兩公婆自己湊, 所以第一個月係辛苦到癲, ...

婆婆一個人湊兩個，gum如果要湊大B返學或買餸咪要帶埋細B出去？

私人傳訊

積分: 1452

67^#

發表於 10-5-23 02:50 |只看該作者

回覆 65# 阿紀的文章

我都有同樣問題. 細仔越黎越大, 瞓得越黎越少, 仲要扭抱. 抱住個細既, 大女又成屋周圍走. 有時我迫佢坐HIGH CHAIR睇電視聽歌仔, 佢好似好悶咁, 好慘. 我屋企有工人姐姐, 我爸爸都不時黎幫我睇住大女, 不過佢唔黎既日子, 工人姐姐落街買餸, 我一個睇兩個就頭痛喇! 更甚既係, 細仔喊, 大女又跟住叫, 我耳又聾, 頭又痛...

我大女黎緊10番pn.我都擔心工人姐姐點樣帶兩個小朋友落樓下搭校車. 因為如果大女唔肯行, 又或者甩左手, 姐姐好難揹住個細, 同時又抱住個大既. 我都試過一個帶住佢地兩個出街, 真係好吃力.

私人傳訊

積分: 7429

68^#

發表於 10-5-26 11:44 |只看該作者

一次過答晒!

兩個同時開演唱會時有發生, 我地通常睇邊個有需要先, 如果純粹扭計就唔會招呼, 其實d細路好叻, 佢知喊都無用就唔會再喊! 細女要抱而大女要陪玩時, 我咪抱住細o既坐係地墊用把口同大女玩囉, 點佢去切玩具生果呀, 同d公仔沖涼呀, 盡量用把聲去招呼佢, 有時佢見我抱住亞妹行入房, 又話要拖住行, 咁咪一隻手抱一隻手拖...哈哈! 不過, 我個大女係比較獨立, 可以有獨處的時間, 有時佢又話要抱, 我咪坐係sofa, 左擁右抱!

我仲試過背脊揹住大女要佢快速瞓覺, 細女扭計抱住, 正式前呼後擁...我o既經驗係, 一定要訓練大o既involve係照顧細佬/妹, 然後細那個唔扭計時就要盡量陪大b, 等佢先有滿足感, 到你照顧細b時就唔會咁呷醋, 例如, 我陪完大女玩, 話要同妹妹換片, 叫佢幫手拿片, 拿完, 佢會企係隔離睇我同妹妹換片, 仲嘩嘩聲指住妹妹個pat pat, 有時仲要拿濕紙巾幫手抹o忝, 咪俾佢做下, 最緊要, 唔好驚死佢整親個細o既而isolate佢, 你自己睇緊d就ok, 佢參與其中, 覺得細佬/妹佢都有份o既, 就自然合作. 我大女都係會周屋走, 基本上做好晒安全措施就唔怕佢自己周圍行, 婆婆係廚房做野, 佢兩姊妹會自己係廳, 婆婆就聽住有冇聲, 知道大女行o左入房o既, 就叫下佢, 叫佢行去廚房俾婆婆見下...佢由朝到晚都四圍走o架...不過, 婆婆除了煲粥仔, 多數係等佢地瞓o左先做家務, 同埋我都有請鐘點, 自己夜晚又會盡量做好d家務, 等婆婆日頭只係照顧佢兩個.

咁同時都一樣要train細b, 放落床就喊? 我無咁多對手招呼, 可能因為咁, 我個細b 好少會咁, 通常如果唔係瞓, 就放係地墊俾個吊玩具架佢自己玩, 家姐係佢身邊自己玩, 佢知道有人陪就好ok, so far佢係自己會瞓覺, 較少扭抱瞓.

至於買餸, 我媽日頭湊住係唔會落街o架, 凍肉個d我就星期日買晒, 菜就我媽o黎我屋企前買, 其餘要買新鮮野, 有時我lunch買o左放係公司雪櫃, 有時就放工即刻去買.

我唔會俾大女返pn, 一來唔記得o左報, 二來, 諗諗下, 佢2歲返學, 病仲多過返學, 佢病又傳染埋俾細妹, 咁仲煩, 都係等佢下年讀k1, 到時亞妹都大d, 希望易d handle, 所以, 暫時唔存在點湊返學放學o既問題...

你地個大o既出街慣唔慣要拖住? 如果慣, 咁工人前面揹住細b, 落樓下等校車其實都ok, 我試過前面揹細b, 推住大那個去買野...好觸目o架...呵呵, 至於有時大b唔肯坐車, 到時就無肯唔肯呢個問題, 因為...唔到佢唔肯嘛, 呢d都係慣唔慣o既問題.

teresa_timothy, 其實你未慣o架咋, 我初初都好怕自己一個對住佢兩個, 未返工前, 亞媽一話去買餸, 我就不期然好緊張....要自己睇住佢地...但慢慢你就會慣, 同埋搵到方法去handle o架, 俾d時間自己去適應同adjust啦!

私人傳訊

積分: 1452

69^#

發表於 10-5-26 15:21 |只看該作者

回覆 68# titanlow 的文章

SYHY Mama, 好多謝你既詳盡解答. 你囡囡真係懂事, 你都好本事, 我要向你多多學習. 我由今日開始都要教我囡囡幫手照顧細佬.

私人傳訊

DomTaiTai

積分: 369

70^#

發表於 10-5-26 17:17 |只看該作者

原帖由 titanlow 於 10-5-26 11:44 發表
一次過答晒!

兩個同時開演唱會時有發生, 我地通常睇邊個有需要先, 如果純粹扭計就唔會招呼, 其實d細路好叻, 佢知喊都無用就唔會再喊! 細女要抱而大女要陪玩時, 我咪抱住細o既坐係地墊用把口同大女玩囉, 點佢去切玩 ...

我都覺得你好勁ah！家姐仔又乖，肯自己玩，我個女一見到我就纏住我，絕對吾肯自己玩，gum我又吾恨心，一系就我陪佢玩，一系就叫工人陪law。

私人傳訊

積分: 7429

71^#

發表於 10-5-27 10:07 |只看該作者

teresa_timothy, 大家分享下o者, 唔駛客氣!

domtaitai,
其實唔係我勁, 係我媽教得好, 我媽係唔會縱小朋友o既, 我女肯自己玩, 都係婆婆教出o黎, 以前得佢一個, 婆婆每日都會有d時間要佢自己係床仔或者圍欄度玩, 然後去做家務, 做完就陪下佢, 玩完一輪又行開, 久而久之, 我大女就可以有獨處o既時間. 如果得我一個係屋企湊佢兩姊妹, 家姐都係可以自己玩, 但如果有埋爸爸係屋企, 佢知道有多個人得閒, 就會要人陪玩, 細路仔, 好識睇環境. 其實你都要開始訓練下大b獨立d, 唔好一定要人陪先得呀, 佢好需要可以獨處的能力o架! 初時可以短d時間, 例如佢可以自己玩5 min就勁讚佢, 慢慢拉長d時間, 等佢習慣下唔駛人陪囉.

私人傳訊

gunsou

積分: 3415

72^#

發表於 10-5-29 00:40 |只看該作者

我無工人，如果我一個帶2個出街就會"meh"或推細b，另一個就用步行帶+拖住，一拖2出街真係要特別小心。

原帖由 teresa_timothy 於 10-5-23 02:50 發表
我都有同樣問題. 細仔越黎越大, 瞓得越黎越少, 仲要扭抱. 抱住個細既, 大女又成屋周圍走. 有時我迫佢坐HIGH CHAIR睇電視聽歌仔, 佢好似好悶咁, 好慘. 我屋企有工人姐姐, 我爸爸都不時黎幫我睇住大女, 不過佢唔黎既日 ...

私人傳訊

積分: 1452

73^#

發表於 10-5-29 00:47 |只看該作者

回覆 71# titanlow 的文章

多謝你既提點. 我呢兩日教識左囡囡去攞片片俾細佬, 同埋將細佬換左既片片俾工人姐姐. 不過好好笑, 佢拎左一塊片片俾細佬之後就不停繼續入房拎, 拎得好過癮咁, 我地要閂埋房門唔俾佢入房至得. 下一步我要教佢叫細佬唔好喊~

私人傳訊

DomTaiTai

積分: 369

74^#

發表於 10-5-29 12:49 |只看該作者

原帖由 titanlow 於 10-5-27 10:07 發表
teresa_timothy, 大家分享下o者, 唔駛客氣!

domtaitai,
其實唔係我勁, 係我媽教得好, 我媽係唔會縱小朋友o既, 我女肯自己玩, 都係婆婆教出o黎, 以前得佢一個, 婆婆每日都會有d時間要佢自己係床仔或者圍欄度玩, 然後 ...

同意！其實我有見過大b一個人玩，不果通常系淨得工人系屋企時law，我一返到屋企就吾會la。

私人傳訊

積分: 7429

75^#

發表於 10-5-29 13:18 |只看該作者

原帖由 teresa_timothy 於 10-5-29 00:47 發表
多謝你既提點. 我呢兩日教識左囡囡去攞片片俾細佬, 同埋將細佬換左既片片俾工人姐姐. 不過好好笑, 佢拎左一塊片片俾細佬之後就不停繼續入房拎, 拎得好過癮咁, 我地要閂埋房門唔俾佢入房至得. 下一步我要教佢叫細佬唔 ...

係呀, 其實佢地當玩咋嘛, 拎得好開心o架, 我大女見妹妹喊會好不知所措咁走o黎通知我地, 我地唔行動, 佢會不停哦哦哦咁直到我地去理妹妹o架.

不過我唔記得講, 千萬唔好因為佢做了些危險動作會整親細b而大聲喝停佢...因為咁樣會令佢唔鍾意細b o架, 係要提住佢咁樣會整親細佬o架, 要錫錫細佬, 咁細佬會痛痛, 如果佢特登呢, 就用行動去stop佢, 但真係唔好勁鬧, 免得佢對細佬反感, 以為大人錫晒細佬所以鬧佢, 其實d 大b好敏感, 所以我經常要提醒自己take balance, 陪完大女玩, 就要俾佢知媽媽都要陪妹妹, 兩姊妹都有private time with mummy...不過, 我覺得好多時係會忽略細女, 因為大女識行識走, 多多要求, 反而細o既唔嘈就無人理...哈哈!

私人傳訊

積分: 7429

76^#

發表於 10-5-29 13:19 |只看該作者

原帖由 DomTaiTai 於 10-5-29 12:49 發表

同意！其實我有見過大b一個人玩，不果通常系淨得工人系屋企時law，我一返到屋企就吾會la。

一樣, 父母係屋企就唔同晒, 平時做到o既都變得做唔到...哈哈

私人傳訊

積分: 7429

77^#

發表於 10-5-29 13:20 |只看該作者

原帖由 gunsou 於 10-5-29 00:40 發表
我無工人，如果我一個帶2個出街就會"meh"或推細b，另一個就用步行帶+拖住，一拖2出街真係要特別小心。

我都無工人, 所以我無試過一拖二出街...只係同媽媽一齊出去時佢去買野我就一拖二一陣...你好勁呀!

私人傳訊

積分: 1452

78^#

發表於 10-5-29 17:32 |只看該作者

回覆 75# titanlow 的文章

你又教識左我一樣野喇~ 前幾日大囡好開心咁篤左細佬隻眼一下, 佢仲話「EYES」, 諗番我反應好似大左啲.. 等我下次溫柔啲教佢應該點樣對細佬先

私人傳訊