工人警告信 sample
有無媽咪可以分享呀?
就來頂唔順
晚晚返到屋企都要罵
琴晚早左返去
一出電梯就聽到個死野大大聲罵我個女~
- 亞女話要飲水, 死BUN唔比佢飲
- 死BUN就話唔係, 係我女要玩水
- 亞女就話因為D水凍, 所以唔飲先要倒
- 死BUN話亞女將D水倒落杯蓋度玩
如果係咁又使唔使嗌到咁大聲係電梯口都聽到
仲要同我鬥大聲, 仲惡過我
我忍唔住問左佢係邊個, 我先至係佢亞媽, 我係唯一一個可以罵既一個, 你無權咁樣做, 你要做既野係要同我報告, 我話如果亞女真係玩水的話, 你點解唔比佢玩呀, 你比佢玩, 玩到四處濕晒我會知, 我會處理, 唔需要佢咁來罵, 我會來同佢講 .........中間仲講左好多野, 講完佢應該做D乜, 做D物之後就叫佢出去買野, 之後我女先話個死野打佢個臉 (不過亞女話係佢自己打人先, 所以死野打返佢, 因為個死BUN成日罵佢,所以佢至打佢, 但亞女自己都話係佢自己唔岩先)
其實我想寫封警告信比佢好耐:-
1) 梳忽照顧以致亞女跌穿頭, 聯左3針 (09年)
2) 獨留亞女係屋企, 走落去拾返件衫, 隔離屋話我知我先知 (09年)
3) 豪無安全意識, 抱我女坐係巴士欄杆上面, 出面係馬路, D車hea hea聲係咁過, 我個女坐係上面係咁動, 睇到我眼都突埋.
4) 梳忽照顧, 以致亞女個後腦跌左落地下(屋企磚塊) 好彩無事, 只係起左樓
5) 叫亞女自己係聽度做功課, 自己走去睏覺
6) 整欄既野有, 洗衣機, 熱水爈, 風扇, 浴濓, 2個掛under果D夾(唔知叫咩), 仲有D濕碎既野.
7) 偷我D 沖涼液, 洗頭水, 然後再加水落去, 仲死口唔認係佢加水(但我就無話佢偷, 只係問佢點解加水落去, 以後唔好再比我知道) 真係火滾, 一喞出來, D水(沖涼液) 鑣去九仗遠, 真係當我係LULU, 佢都痴痴地.
如果媽咪有警告信可以比我參考嗎?
同埋我係封信度可以列出以上佢犯下既錯嗎?
請指教~
唔該晒
[ 本帖最後由 yingwong 於 10-6-18 14:27 編輯 ]
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作