Hi. Going with husband later this month 4d3n, still planning the itinerary, it's his first time to Singapore. Still thinking whether go universal studio !
my girls said USS is better than Disney HK. My youger daughter (5) said she would give up the annual pass to save money for next trip to USS@singapore.
總結:Shangri-La's Rasa Sentosa Resort服務很好,早餐好好食,好多款食物,每日都有Staff在Lobby派免費甜筒仔比客人食,仲有朱古力蛋,每間房仲有隻駝鳥蛋咁大的朱古力復活蛋做復活節禮物。酒店兒童樂園每日都有DAY CAMP,only for children.即係幫大人湊仔,包午餐,晚餐,但係全日免費,係住客就得,我個大囡好想參加,但當然無參加,因要出去玩。復活節果晚有兒童PARTY,幾個小時,我就有比個囡自己去玩,好似YMCA 的活動!
DAY 1: 一落機就落緊雨,去到酒店未有房住,係酒店餐廳食lunch, 之後拎o左房後,見停雨就出發去玩Luge and Skyride, 好多人排隊,玩luge同skyride,都分別排了大半小時,我個囡好想再玩Luge,我都覺得好好玩,但唔想再排隊(又帶住個細),最後都無再玩。Skyride都幾刺激,我都有少少驚,我個細囡1歲半,坐之前已瞓著,抱住佢坐係隔離一齊坐,玩完都未瞓醒!mouth:之後去IFly問,大囡爭少少未夠7歲唔比玩,阿囡好唔開心,之後就玩Gogreen Segway,玩玩o下已天黑,玩o左5個圈就走。之後去了沙灘果頭一排過,沙灘邊的餐廳食晚飯,幾好食,又有人唱歌!最後等到9:40PM去睇堆Song of the sea, 就返酒店,個Show不錯呢,細囡好鍾意睇!但蠢o左,買了貴飛,原來呢場已無咩人!
Day 2: 早上天氣好好,去到singapore zoo,已11點幾,無晒BB車租。個Zoo唔太多o野睇,但地方乾淨,行得舒服,排隊騎大象又排了一個鍾,好彩騎完之後先落大雨,係豪雨,無睇過任何show,在Shop內等o左好耐D雨水先變少,阿囡即時去玩水,阿囡玩得好開心,但5時多就要走,趕住返酒店參加easter party。回程途中又落好大雨,勁到sentosa好似水浸咁,之後大囡去Party,我地在酒店食復活節大餐。
Day 3: 因為時候關係,無去其他沙灘,最後去了酒店泳池和酒店出對的沙灘游水,游到下午點幾兩點,酒店對出沙灘Siloso Beach都好正,游完沙灘再返入酒店泳池游,兩個囡都勁開心。但記得補搽防晒,因為我地成家都晒傷o左,而家超痛!之後再趕住去Bird party,出發無耐又開始落雨,求求其其坐車行o左轉(部TRAM停駛了,改了搭在地上走動的列車參觀),之後行去餵雀,影o下相,周圍行o下,去影waterfall,5點幾就走人,返到酒店好攰,留係酒店食晚飯和睇SHOW。
Day 4: 去到USS十點幾,租了新雙人車比兩個小朋友坐最正,兩個都開心。不過發現唔多o岩歲半BB玩。一入場去電影特效片場睇o左個影棚拍電影的SHOW,好迫真,好好睇。去到Transformer,要排一個鐘,唔排住,決家最後先去玩,我同老公兩個去玩吊腳過山車,同堆mummy, 好正,陪大囡玩咖啡杯(旋轉飛盤),到排玩車仔時(尋寶奇兵)時,排了好耐,有一個小時,之後去食lunch,食完lunch,想去玩河流探險,點知話要排2HRS,打算放棄,改去排恐龍騎士,都好多人,最後決定買FAST PASS,跟住就極速完成晒所有想玩的GAMES,5點幾先搭車回酒店拎行理,等的士等o左幾個字,跟住又塞車,6點幾7點先CHECK IN.入到去想去買手信,去超市和玩,但CX 係T1,咩鬼都無,老公又話怕坐車去T2,T3,趕唔切上機,最後唯有放低工人,小朋友係WANG食o野,我地兩個快速求其係D零食Shop買了D榴連乾就算,上機時,見好多人一抽二抽都係斑蘭蛋糕間o野D盒,真係得個恨字。