國家地區媽媽會 今日: 2 | 主題: 20237

積分: 171774

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

21^#

發表於 14-4-15 13:51 |只看該作者

honeybeeyy 發表於 14-4-14 16:51
回覆 rose-mag 的帖子

我都覺得日本女人係好厲害的。我見鄰居的日本媽媽都係自己照顧兩三個小朋友/bb，家 ...

日本女人（住日本同日本人果D）幾辛苦幾唔開心都好都唔會講人知，
所以有時真係唔知係表面定真實係搞得掂，因為日本人慣咗死撐，
報喜不報憂，以前我仔讀果間P係日本人開，當小朋友有問題時，
校長同老師都話好支持家長，會提供無限幫助，但其實真實係零援手，
老師迴避問題，校長門面工夫做到足，但實際根本咩都冇做，
而且佢地根本冇經驗冇心做，我都係好彩遇著一個好嘅駐校社工，
佢靜靜地講事實俾我聽，建議我唔好等，快D同仔女轉校，
結果去到新校，我仔三個月學識以前年半都學唔到嘅嘢，
而且行為同自理能力進步咗，我同老公都好後悔送仔女去果度，
真係浪費錢又辛苦自己，而且裡面見到好多日韓家長都假到爆，
D嫁白人嘅日韓太太更得人驚，當然都有好嘅，我喺呢度最好嘅朋友都喺果度識，
不過係香港媽咪ABC老公，同我背景一樣。

花旗太太生活在花旗國，留意時差，你問我未必即時答到。

私人傳訊

積分: 171774

22^#

發表於 14-4-15 13:58 |只看該作者

BossCatCat 發表於 14-4-14 19:25
多謝大家意見... 不過我都仲係十五十六.... 我好滿足現狀... 都唔知為咩要生多個... 好多時... 預計o既野. ...

你講得啱，如果諗住養兒防老，我覺得都係自己儲錢好過，
當然父母教育係一部份，但仔女大咗，有時唔係佢地想唔孝順，
好多因素令佢地做唔到，都係自己靠自己好D，唔想仔女第時要靠我養，
同樣如果自己成為子女包袱又非所願。至於話仔女多個伴，
話唔埋，父母兄弟姊妹全部都講緣份，我對仔女日日都打交鬧交，
但同時又玩埋一齊，一起身就搵對方玩，樣樣都預對方一份，
但第二時會點個個都唔知，不過佢地而家可以兩個自己玩，
我叫做可以有少少自己時間做其他嘢。

花旗太太生活在花旗國，留意時差，你問我未必即時答到。

私人傳訊

眼訓

子爵府

積分: 14621

環保接龍勳章大廚勳章

23^#

發表於 14-4-15 21:59 |只看該作者

如果怕老公怨你，就而家3口6面講清楚佢啦。佢真係怨你嗰時就真係一世啦。

我地冇小朋友，趁仲有時間，拖得就拖。
我同c6有共識，煮到埋來就食。
但已經傾過呢個問題。生左出來點湊。
我d屋企人are at least 30 mins away，想佢地幫手都唔係經常既事。
所以好自然個B日頭會去daycare，夜晚會有stay-in nanny。
挨到頭幾年，返學後會flexible好多。到時見步行步。

我有朋友仲得意。佢同我講以前老公想要小朋友。甚至老公家人出聲怨我朋友唔生。
咁我朋友問佢老公，生唔係問題，但你唸住做full time dad？
老公呆左一呆。
朋友跟手話，你唔係唸住我做ftm呀？
跟住佢兩個都同意唔要小朋友。

其實佢為大仔做過d乜野？我指湊嗰方面？
湊過仔點解領會唔到生第二個既嚴重性？

你今日backup左未？

私人傳訊

積分: 5859

24^#

發表於 14-4-15 22:42 |只看該作者

回覆眼訓的帖子

無... 我老公係百份百好爸爸好老公.... 如果生多個.. 我就係要 ftm..... 到時夫妻感情一定有變.. 原因我有個萬能好奶奶...... 十項全能.... 仲教到個好仔出黎... (不過已經俾我帶壞左...呵~) ... 我老公覺得... 佢阿媽得.. 全世界都得.. 仲要做得更好... 如果我做ftm...佢會有個種... 我已經有份工作.. 屋企野要老婆做晒o既氣燄走出黎..... 男人終歸係男人... 幾好佬... 都會有些少大男人係心入面... 我到時仲唔日日同佢鬧交呀.....

佢口頭話唔會... 但咪傻啦....

私人傳訊

積分: 5859

25^#

發表於 14-4-15 22:54 |只看該作者

回覆 rose-mag 的帖子

其實... 如果真心回想... 有得再選擇... 你會生一個? 兩個? 定唔生? .... 因為唔係真係講要求有回報... 但呢項投資真係計計下.. 無咩 so.... 一個小朋友俾到自己既快樂... 可能係..... 兩三個小時一日? ... 其餘時間都係照顧佢.. 打工搵錢為左佢...... 兩個小朋友... 佢兩個打交既時間仲多過一齊玩... 咩都要買多份.. 真心覺得"咩都值得"o既時間.. 真係唔多... 可能... 望住佢兩個訓左個時???

你可能話... 教養小朋友... 無得計.. 生左出黎.. 就無得再計... 但我以家係要辛苦計畫每個月試, 唔得仲要搵人工.. 咁去生.... 所以仲可以計下數先決定生唔生....

睇到呢到...係唔係好"泯"呢.... 我估我係聽得太多...."生啦生啦"... 想睇下有無人... 係諗清諗楚.. 唔生..... 係一件好事.....

私人傳訊

眼訓

子爵府

積分: 14621

環保接龍勳章大廚勳章

26^#

發表於 14-4-16 01:28 |只看該作者

本帖最後由眼訓於 14-4-16 01:38 編輯

而家邊度仲有養兒防老呢支歌仔唱？養兒100長憂99就有。講得白d，我覺得同養寵物冇分別架。你一定要enjoy養既過程。當然養人仔既驚險刺激鬥智鬥力度比養寵物高9萬倍，成功感不同而喻，“哶都值得”應該就係咁來。呢d“高風險”野，有回報時無可否認真係好到不得了。冇回報都算，唔好衰收尾就係mission accomplished。我疊埋心水，第時生左，如果唔enjoy都要想法子去enjoy，否則一世流流長點挨？唔enjoy，自然個人會懆。身邊既人feel到你懆，家又如何安寧？尤其是B仔feel到你唔開心，會traumatized呢。

你咁問法，enjoy既當然會話生。唔enjoy但已經催眠左自己去enjoy既，你就唔好咁衰去叫人去“想當年”啦。

其實我覺得你既問題唔係生or唔生，而係點樣同老公達到共識。年紀唔細係時候決定，如果意外有左又點，等問題。Start with 你覺得湊而家呢個，冇人幫，好大壓力。佢娶既係唔及你99咁勁架啦，我相信你已盡力，但好辛苦。而家係做唔到／唔想繼續，咁點先？唔好遲d先去“想當年”，唔好俾機會大家去怨。家陣哶年頭，仲男主外女主內？生仔兩公婆一定要一齊好enjoy咁湊，冇可能要一方面頂晒。你心甘命抵，已向現實低頭就話姐，但而家唔係呀嘛。學我朋友話齋，既然佢唔肯請工人又唔減工時，學乜人生？佢憑乜野要你放棄自己既independence去做ftm？當時佢讀緊書仲未出來揾錢添呀。家家有本難念的經，唔知你老公脾性又唔知你底線係邊，要你自己先知點同佢攤牌。同時你唸吓under what condition你先會考慮生？

你今日backup左未？

私人傳訊

積分: 171774

27^#

發表於 14-4-16 02:02 |只看該作者

BossCatCat 發表於 14-4-15 06:54
回覆 rose-mag 的帖子

其實... 如果真心回想... 有得再選擇... 你會生一個? 兩個? 定唔生? .... 因為唔係 ...

你問我，我都會生兩個，因為我覺得有小朋友家至完美，生一個太寂寞，而且唔想以後我同老公老咗或走咗之後得番小朋友一個，我有好幾個獨生子女朋友，佢地最初話唔生，生完一個後都話要生第二個，因為佢地自己年紀大咗，要面對獨力照顧老年父母嘅問題，做任何一個決定都得自己，就算老婆老公俾意見，最後簽名決定都係自己，冇兄弟姊妹商量，當然就算有兄弟姊妹都唔一定係好，可能係更衰，爭家產唔理父母都大有人在，但獨生子女嘅寂寞我體會唔到。

如果能力範圍得的話，我指體力財力心力，我會生多個兩個，我同老公都來自四個小朋友嘅家庭，細個有兄弟姊妹一齊大，就算真係打交都好，大咗感情反而好咗，不過唔係個個家庭都一樣，而且而家同三幾十年前比好多嘢都複雜咗好多。我而家兩個已經好滿足，當然佢地好想有多一兩個兄弟姊妹陪，但真係年紀大啦體力大不如前，而且教養係要心機，真係唔可能再多啦。

世代唔同啦，以前女人可以做FTM，好多都唔係心甘情願，享受做又做得好當然係理想，但個個人唔同，點可以將你同其他人比？而且作為FTM，心理素質同時間分配比返工要求更高，男人唔可以以為負責賺錢就大晒，返到屋企如果因為老婆係FTM，要求唔做家務唔幫手湊仔的話，打死都唔同佢生。兩個小朋友唔係一加一咁簡單，以前兩公婆兩對手湊一個好容易，因為可以換手，但有兩個的話，條數點計都要一人一個，冇得換手，最多對掉手，但冇得off hands，即係有兩架車，可以兩個人轉流揸，其中一人休息，兩架車的話就要一人揸一架，中途只可停低休息，8個鐘車程，一架車兩個人的話可以計續揸8個鐘到目的地，最多中途停兩三次15分鐘上吓廁所就OK，但兩個人兩間車，唔只要時間上廁所，仲要時間食嘢，要嘅時間一定要耐咗，而且身邊冇人傾計會好悶添。所以好多嘢要取捨，要兩個人有共識，一廂情願的話到冇得番轉頭果陣就難收科啦。

仔女係最天下間最冇保障嘅投資，唔知有幾多回報，其實就算有都一定好少，正如你都講，我而家每日24小時，小朋友瞓咗10小時，我返工佢地返學用咗8至9小時，交通1小時，每日得番4至5小時可以見到仔女，又要張羅佢地沖涼做功課去咗一兩小時，只有兩三個鐘可以同佢地玩，有時佢地會打交，真正開心嘅時間得番好少，如果咁計，生仔女實在係搵自己笨，不過唔知點解喎，我又覺得呢少少時間嘅開心抵晒幾多其他辛苦，總之父母子女條數真係好理性去計的話點計都唔通。

人地點講都好，唔係佢湊唔到肉，個個小朋友都唔同，父母又唔同，冇得比。最憎D人俾意見，我果個小朋友又點點點，冇理由唔得，點冇理由？唔同人當然會唔同，點會話冇理由唔得？你生咗幾多個咁大把？湊過幾多個？我99成日都話我仔百厭我地唔教，佢話細路仔要成日笑唔好喊唔好嘈唔好周圍摸周圍搞，我估佢誤會晒，果個係上鏈公仔唔係人仔。我99湊過一個女咁大把，佢講果D我只會參考，啱就聽唔啱聽我應完就算。身邊有朋友因為老公要有仔繼後香燈（撞鬼，連我朋友都覺得係要，生唔到仔好內疚），生咗4個女都話要追，4個女分別係13、11、8同3，而家都話要生到仔至收工，都已經過咗40，生到都冇力湊，4個女都教到佢日日發顛，唔敢想生到個仔之後成家人會點縱點放任個仔。

花旗太太生活在花旗國，留意時差，你問我未必即時答到。

私人傳訊

多多綠茶

侯爵府

積分: 20621

28^#

發表於 14-4-17 08:45 |只看該作者

我都係假性單親媽媽，一個湊兩個(一個就三歲，一個就一歲)，重要返full time工，老公係另一個州做野(一個月返三日)，家人係香港，老爺奶奶講明唔幫手...

I never mind the rain from the sky, as long as I have the sun in your eyes~

私人傳訊

bee_happy

大宅

積分: 2587

29^#

發表於 14-4-17 16:07 |只看該作者

If I could "rewind" the time, probably I wouldn't have any kids at all!
However, I always thought it's not good to have "only one" kid cos it's not good for himself/herself (especially for boys). So, either no kids or at least 2 kids might be better!

For me, my first pregnancy was unplanned after having married for about 1.5 years, and almost all my friends were older than me and they hadn't had any kids yet at that time. So I had no ideas how tough it was to take care of a baby or young kid! That's why I'd been struggling and decided not to have another kid. However, I realized that it's not good for my older kid. Since I was still struggling and hesitating, I decided to give it a try and see if God wanted us to have another kid. I guess I wouldn't feel guilty and regret if I at least had tried to get pregnant. Surprisingly, I was pregnant again the following month. At that moment, I was shocked and kinda unprepared ... My 99 was mad at me, cos she didn't expect me to have another kid again in so many years! She kept saying, "Either you had another kid much earlier or not having it at all!" She just worried that it might give my husband more work to do at home!

私人傳訊

積分: 171774

30^#

發表於 14-4-18 01:27 |只看該作者

bee_happy 發表於 14-4-17 00:07
If I could "rewind" the time, probably I wouldn't have any kids at all!
However, I always thought it ...

駛鬼理你99，佢有幫手湊咩？旁人指指點點容易，當事人冷暖自知，
生仔唔生仔外人點都有說話，唔生又話你將來老咗寂寞後悔，
點話得埋？老來從子觀念而家已經不合時宜，只怕老來從唔到子，
仲要養埋個孫嘅例子大有人在。生一個又話孤獨，生兩個又話辛苦，
難為生三個四個果D，我信有時點都好難有人明白，我份人有D阿Q，
自己其實都唔一定要說服自己，有時日子過下過下就係，
我都冇諗過兩個仔女咁快上小學，嗱，又到暑假啦，剛剛尋日至報咗暑期班，
兩個又唔見2,400，搵錢辛苦，儲錢好難，但駛錢話咁易，
對住兩個小朋友，點教好佢地至係最重要，旁邊人講咩我唔太上心，
啱聽就參考，唔啱聽哈哈哈係呀就算，做人太多嘢煩，無關重要嘅人我費時理啦。

點評

bosch 完全同意, 根本理唔到人地咁多. 發表於 14-4-18 07:06

花旗太太生活在花旗國，留意時差，你問我未必即時答到。

私人傳訊

rayrayus

翡翠宮

積分: 81907

2024年龍年勳章 2024勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

31^#

發表於 14-4-19 05:10 |只看該作者

我2個仔，基本上冇人冇物，就黎癲...

好在過幾個月搬返近少少奶奶(2個鐘)，同埋同老公終於settle down 可以錢銀上鬆動d送去Daycare, 但呢一年日日湊2個湊到我心力交淬....

私人傳訊

積分: 5859

32^#

發表於 14-4-23 10:18 |只看該作者

諗左幾日... 發覺都開工都已經煩到想癲... 何以要日日為一個根本唔付存在既人... 煩惱?

睇左咁多 JM 回應, 總結如果已經有一個, 最好都係生多個等自己老時, 細路之間可以分擔照顧老人家既事.... 但我地呢一代... 已經唔再似上幾代咁... 需要後生去照顧, 有大足夠退休金, 安排好晒老年及身後事... 上幾代都無能力照顧自己.. 所以先要其他人去照顧....

我係到諗... 假設... 養少個... 有餘四百萬.... 如果俾我個仔選擇....

要個細佬妹好, 定讀書唔洗借 loan 好?
要個細佬妹好, 定要 down payment 好?
要個細佬妹好, 父母有私家看護好?

唔知呀!唔知呀!...好煩呀.... 我日日同佢洗腦, 個C6都仲係想要多個.... 幫個仔上床訓覺... 佢個樣眼訓過個仔呀..... 點舞得掂兩個呀

私人傳訊

積分: 5859

33^#

發表於 14-4-23 11:14 |只看該作者

岩岩自由個邊就有人講....

"一句講曬，父母影響命運。

唔係話父母一定要有錢，淨係唔靠子女養，迫子女比上繳，都己經差好遠好遠。"

"你地儲左幾耐錢先上到車，依家樓價好貴，個首期好難儲，身邊同年紀或者細過我既都已經買左樓，但全部都係屋企人幫，"

私人傳訊

lottieclee

大宅

積分: 4575

34^#

發表於 14-4-23 11:48 |只看該作者

回覆：人在外地..無人無物又無工人... 你地生幾多個?

唔駛咁灰色，順其自然。

私人傳訊

kathytam2000

伯爵府

積分: 15008

畀面勳章

35^#

發表於 14-4-23 13:36 |只看該作者

回覆：人在外地..無人無物又無工人... 你地生幾多個

好認同“ 父母影響命運”呢句。仔女養父母天經地義，但如果可以唔使個個月強制性地俾人工既一半有多，對仔女日後上車結婚等等都輕鬆啲！獨子獨女更慘，如果父母有能力，唔使仔女負擔太重，相信仔女條路會唔同啲！所以你問我生幾多個先好？！我諗真係好睇想生小朋友果對父母既能力同心理因素。有啲有能力既生幾多個都冇問題；但有啲能力有限既真係諗清楚先好生，唔止養咁簡單，教育都係好大問題，依家唔係個個女性都願意或者適合做FTM，如果老公會幫手既又會舒服啲，但唔係個個男人都會幫同埋會幫到手，有啲男人幫手幫到個女人寧願佢咩都唔幫好過

生仔最怕係一時衝動，唔好諗小朋友有多個人陪，百年之後有個人陪下商量下，無人知道佢地以後會係點，話唔埋兩個水溝油都唔定。最緊要我覺得諗清楚自己能力可以養到幾多個？！兩公婆要講清楚如何合作？！湊小朋友既心理狀况可唔可以頂到？！唔係個個小朋友都會好乖好聽話好容易湊！！仲要諗下養多個小朋友之後，自己會唔會有錢剩，可唔可以儲到養老金？！起碼諗定將來唔好要仔女負擔自己先，如果孝順當然好，但萬一都起碼唔使臨老都過唔到世呀！

不好點評我，我睇唔到架!!Thx~~

私人傳訊

眼訓

子爵府

積分: 14621

環保接龍勳章大廚勳章

36^#

發表於 14-4-24 08:01 |只看該作者

本帖最後由眼訓於 14-4-24 22:00 編輯

我阿嫲想當年因為個新抱唔夾，自己住政府老人屋。一星期兩日有人上門打掃，有巴士載佢地去附近超市買餸。印象中佢話見有d人如果證明真係唔得仲可以要求送飯上門。我知呢d係政府服務，好似每月俾小小就搞掂。老人村裡面有幾個講中文既婆婆，有時會一齊去街。唔洗睇新抱面色，唔洗拖累個仔。佢愛食肥肉。自己住開，鍾意食乜都冇人管。“都嗰頭近仲忌住忌住食，有乜癮？哼！”

當然血壓高啦。半年複趁一次。平時去cvs執藥。有日突然爆血管。出院後冇自理能力，入左老人院。幾個月後併發症就去左。Sort of 完滿左佢既遺願：千其唔好病咁耐，累人累物係其次，自己都嫌辛苦。

佢在世時幫自己同爺爺安排好晒身後事，已用去大舊積蓄。講明唔洗d仔出。“一夾錢d蒸生瓜（新抱們）就有多事架啦” 死後冇乜剩低。“個個有手有腳，留俾d後生都嫌你得咁少。岩岩食晒（d積蓄）就去最好！”

多瀟灑！

我父母（60幾歲）亦活得自在。趁仲行得走得一得閒就跟團周圍去玩。（借個位問有冇人試過groupon getaway d歐洲團？）退休後清閒過一段時間，頂唔順返返工。“仲做得退咩休，吽係屋企d日晨好難過。你俾錢我都係幫你儲。” 一日有返工，一日有醫療福利，in the foreseeable future 都冇野好唸。再講，美國前幾年經濟差，呢度d人係講押後退休，冇仔女上繳呢個concept。唔洗一退休就去唸私護啦。托賴父母身體健康。所以我雖然係獨女，暫時唔覺得“照顧”父母有壓力。其實得閒返去坐吓都唔係“照顧”啦。我唔敢講佢地內心係咪其實想痴實d後生，只係表面上唔想我地難做。但見佢地心境開朗，無牽無掛，逍遙自在。病痛都少d。

其實讀書有financial aid，有work-study，有scholarship，暑假可以搵intern。想當年我weekend去附近餐廳打工本來係為賺零用。最後仲夠錢俾自己書薄費。同同學3個夾份出面租屋，平左一節，又唔洗煩年年暑假搬餐死。揍揍埋埋又搞掂。就算要借student loan條數都唔大。

老實講美國樓價真係唔貴。如果個仔唔生性娶個“蒸生瓜”返來，你都會心甘命抵幫佢俾首期？如果娶鬼妹，佢都唔expect你送金器啦！或者佢想去第二個省闖幾年。我當年買樓都冇唸過要父母幫。當時唸美國總有地方係我afford得起既！

船到橋頭自然直，食幾多著幾多係整定。人算不如天算，順其自然吧。如果老公肯幫手，自己又想多個，我會生！可能我既例子對於傳統中國家庭來講有d極端，但我覺得美國始終唔係香港。個社會風氣令人無需依靠其他人生活。老既活得有尊嚴，細既自小懂獨立。

點評

BossCatCat 我鐘意-個個有手有腳,留俾d後生都嫌你得咁少,岩岩食晒d積蓄就去最好 XD 發表於 14-4-25 01:26

你今日backup左未？

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

37^#

發表於 14-4-24 10:55 |只看該作者

樓主, 你只係想搵唔同既理據去support 你唔想生既想法o者...

我只係覺得生仔唔係完全同金錢扯上關係. 個個網友都話唔旨意小朋友去養, 講真n年後真係咁做既人唔知會問子女拎家用既人會得番幾多個. 住外國既既父母都可能真係會有多d 人咁做...

講小朋友間既關係, 根本話唔埋. 總之選擇去生就努力幫小朋友build up 一個良好關係啦... 將來既事係未知之數, 諗得多都冇用, 大家都唔知聽日仲響唔響呢個世界上啦, 如果唔係又點會有珍惜眼前人呢句說話呢.

以前睇過雜誌, 話女人突然有想生多個bb 既念頭時, 即係果陣時真係ready 去造人仔. 由始至終你唔似有呢個念頭, 你而家覺得煩惱主要因為你諗緊好唔好滿足你老公.最緊要你同你老公傾清楚, 真係唔想就唔想生, 覺得你老公係唔掂又幫唔到手都已經係個好強既理由.

點評

BossCatCat 呵~ 咁都俾你發現到!! XDD 發表於 14-4-25 01:27

私人傳訊

積分: 171774

38^#

發表於 14-4-24 15:50 |只看該作者

bosch 發表於 14-4-23 18:55
樓主, 你只係想搵唔同既理據去support 你唔想生既想法o者...

我只係覺得生仔唔係完全同金錢扯上關係. ...

我認同，如果想生唔駛理由都會生，唔想的話就會搵千百個理由去說服自己唔生，其實生唔生最緊要兩公婆有共識，老公幫唔到手已經係一個好好理據，其他人講咩都冇用亦都唔需要理，個個人都唔同，將自己用邊個比都冇用，如人飲水冷暖自知，你個人感受最重要，俾著你老公肯幫手會幫手甚至幫到手，自己唔願意下勉為其難生多個都冇意思。生一個又好兩個又好更多都好，邊有話得埋，以後佢地好同唔同靠父母教，但日後佢地嘅另一半係點冇得控制，盡咗自己責任教好仔女就係，預咗以後唔想靠佢地，但到自己老嘅時候有冇咁嘅福氣都話唔埋，見有人搭搭吓巴士瞓著就去咗，有人十幾廿年百病纏身都仲喺度，如果樣樣可以如我地所願就天下太平啦，可惜唔到我地揀。

花旗太太生活在花旗國，留意時差，你問我未必即時答到。

私人傳訊

Dr.Phil

大宅

積分: 2120

39^#

發表於 14-4-25 00:39 |只看該作者

bosch 發表於 14-4-24 10:55
樓主, 你只係想搵唔同既理據去support 你唔想生既想法o者...

我只係覺得生仔唔係完全同金錢扯上關係. ...

真係不能同意更多。想插嘴好耐。樓主你根本唔想生。BB十劃都未有一撇，你已經覺得佢係負累。咁何苦哩。對BB好唔公平。如果係要生先可以維持婚姻，咁你真係要諗吓值唔值得。

點評

BossCatCat 係呀... 以家係我老公想生.... 我都講左唔生..... 慘... :( 發表於 14-4-25 01:28

私人傳訊