自由講場今日: 1348|主題: 1304767

收藏本版

發帖

返回列表

跳至頁

查看: 405 | 回覆: 4

原來緊慎做事, 會有同事及老闆覺得我多餘 (長) [複製鏈接]

amandarocky

大宅

積分: 2518

1^#

發表於 14-7-8 18:42 |只看該作者 |倒序瀏覽 |打印

我因為想肯定個管理公司名去買保險, 而打左2次電話去問A公司, 第一個係上星期三打, 第二個係今日打, 因為係你應承會覆我, 我都留晒mail & tel no., 你到今日都唔覆我, 我先再打來問, A公司之後話已比左我C同事, 我話真係冇, 不如麻煩你再fax來啦.

轉頭間A公司打左比我男同事C講左一輪野, 之後C同事同我講(電話), 你係唔係打過去A公司問名, 你份文件有啦, 你打去問重咩, 而家人地打來話你好話佢唔覆你. 我: 我睇晒份文件12頁紙, 都冇個公司名出現喎, 咁佢冇覆我係事實, 人地重話已比左你, 佢比左咩你呀, C同事: 佢冇比過野我, 咁你而家有啦, 我唔想聽你的解釋, 呢個已唔重要, 就"級"左我線.

其實老闆在上星期五才比A公司個名我, 叫我照用呢個名買(係舊料, 在3年前幫過A公司買過)

老闆聽到我同C同事對話就打比我問咩事, 我講左成件事比佢知, 同時我又話佢知點解我要咁"拾着"要人地公司確認個名, 因為事隔3年, 點鬼知間管理公司有冇專轉或改名, 如果我照用老闆提供的呢個名買, 原來人地已改左名或轉左名, 咁張單出錯左, 你實小我啦, 件事又唔係急住買, 點解唔等我查清楚先呢, 老板答: 我唔會小你, 我會同你講個名錯左姐(返話, 我試過張單串錯左個公司名,有2個英文字調轉左, 比佢小左半日), 你照買啦, 冇錯架個名.

結果, A公司個名同老闆比果個係唔同, 我同老闆講, 佢答我: 我都睇到唔明, 都唔知係邊個, 你攪掂佢啦.

真唔明, 我都係唔想番手做重覆嘅野, 你地樣樣成日段估, 咩都應承人得得得, 之後就咩到做唔到, 人地打來投訴, 你地聽完就算數, 又唔去做番好比人, 老闆又係咁, 同事又係咁, 同事成日出去秘撈, 唔怪得公司冇咩生意啦, 淨係識擦老舊鞋, 呢間怪獸公司我都真係做唔落去, 希望佢地好之為之. (我做到月尾走人, 因為老闆話公司冇生意, 決定抄我, 我在之前有開post講過)

(純申一申, 因為有好多野屈住屈住, 又唔可以講出來(商業拿渣蕉))