自由報料今日: 8|主題: 293019

收藏本版

發帖

返回列表

跳至頁

查看: 1580 | 回覆: 4

無線又係度昆人裝收費電視 [複製鏈接]

小必理痛

大宅

積分: 1366

1^#

發表於 07-12-17 10:41 |只看該作者 |倒序瀏覽 |打印

我係住公屋，但就成日俾D Sales上黎騷擾我地，真係好煩。

尋晚七點幾有人敲門，話係無線員工，唔係Sales，我問佢乜野事，佢話佢地係天台放左個鑊形天線，因為要配合無線高清電視年代，話係每家人放機頂盒，話要入黎睇睇線路。

咁我Check過佢嘅職員證，咪放佢入黎，但佢一Ｄ都冇望過條線，然後就一輪嘴。

「先生，過一兩個鐘頭左右呢，無線嘅Logo就會變款，咁佢地會將Ｄ節目歸類，咁新聞個Ｄ就會歸番新聞台播放，其他劇集就放係劇集台放，咁而家你睇呢四個台，因為跟政府規定，就永遠都唔會Cut，會留番係度，免費俾你睇。但裝左機頂盒之後，你要睇番呢Ｄ節目，或者多幾個台，就要裝番機頂盒。我地嘅師傅而家係天台裝左天線之後，就會同各家各戶舖線入黎，咁裝左機頂盒之後，每個月只需供番$99維修費俾政府，咁就以後都可以睇高清電視架啦，仲可以睇埋鳯凰台，中央台.....請問你嘅電話號碼係6字頭定係9字頭.....」

我即刻打斷佢，問佢：「喂，你呢Ｄ係收費台黎架喎，點解裝左機頂盒之後就係睇佢地？高清節目台呢？」

Sales：「個Ｄ係新電視，係無線另一個股份，唔關我講嘅呢度事架！」（重要死撐）

我問點解唔關事？如果要行高清，理論上應該係免費同我地裝機頂盒。轉高清年代係你地無線同亞視搞出黎，焗我地班小市民去轉。我唔裝機頂盒，我係唔係唔使睇電視？

佢話唔係，咪睇番呢四個台囉！

但我跟住話：「但你剛才話呢四個台我地永遠免費都睇得，跟手話唔裝機頂盒就睇唔到，仲要話月供$99.00？你講野前後矛盾喎！」

佢又話唔係，佢話唔裝就睇唔到高清台。我都費時聽佢講咁多，即刻話唔使，然後Pan佢走！我問過房署，話冇人上過去天台。天台加左鎖，要係佢地登記過先准進入。

各位，你地要小心無記呢Ｄ賤格推銷，亞視搞高清都冇同人Sale呢Ｄ野。

[ 本文章最後由小必理痛於 07-12-17 10:46 編輯 ]

0 0 0

私人傳訊

mybee0103

男爵府

積分: 9003

環保接龍勳章

2^#

發表於 07-12-17 13:05 |只看該作者

我幾年前也領教過新電視的類似推銷手法，而且非常無禮，所以我對這間公司很反感！

私人傳訊

dincat

珍珠宮

積分: 31039

畀面勳章

3^#

發表於 07-12-17 13:11 |只看該作者

早幾日無記打電話黎話免費送個接收器比我添
我問都無問......唔要

私人傳訊

小必理痛

大宅

積分: 1366

4^#

發表於 07-12-17 17:36 |只看該作者

房署話高清電視嘅擴展工程已經做完哂，市民要自己去買機頂盒，先可以睇高清電視。

我之前都被佢昆左簽左年半約睇，唔可以話唔好睇，但就好搵笨。好似佢嘅劇集台，當初佢地話呢個頻道係用黎播新劇集，播完先會送去免費頻道播。而家我已經冇裝佢地成年，但我發現佢地竟然仲重播年幾前我睇過嘅劇集，重要夠膽死將免費頻道（即我地平時睇開）播過嘅劇集調番轉放係劇集台播，咁即係要我地俾錢睇番免費野？真係好離譜。

仲有，接收嘅訊號，但凡一去到落大雨嘅時節就會死火，完全冇得睇。次次打電話去都話維修緊，實際上就乜野都冇做過。

仲以為無線咁大機構，應該信得過，但原來又係咁，同有線真係難兄難弟。

[ 本文章最後由小必理痛於 07-12-17 17:39 編輯 ]