其實都係圍內中國人香港人會介意多D,講醜呢度好多中國人香港人行為差不多,
一樣貪小便宜,呃綜援,Costco試食攤成日好多華人一家大細圍住等,
食完就走人,有人同我講,朝早去試食攤食完一輪早餐都慳番。
我呢度見一到大陸人好壞都有,講肉酸,我仔女學校好多種族,
日韓蘇聯印度菲律賓越南黑白都可以有好多例子。由國內嚟嘅同事話,
去外地做出冇文化嘢果D多數來自三四線城市,一二線果D又點會周街大小便,
佢地自己都唔會唔介意人睇,問題係三四線細城市果D好多真係大鄉里出城,
個個有少少錢出外見識,買嘢就土豪,但文化水平低,真正民智未開,
你幾時會見到北京上海廣州有人隨街大小便?深圳多外地民工就惡得講。
你話有冇影響?好難講,明事理嘅會識得以行為評論,唔明嘅根本唔駛解釋。
最近條泰國人拍嘅片就真係樣衰,加埋之前幾個地方話唔歡迎中國人,
自己心理唔舒服多D,始終我地點講都好,喺人地眼中我地都係中國人,
強國同胞醜態多少都令人O咀。
P.S. 你個同事係唔係想晒橙皮當果皮?唔係咁晒喎。
花旗太太生活在花旗國,留意時差,你問我未必即時答到。