我同c6都係鍾意低調嘅人,一直以來我地都唔會喺別人面前故意講自己有咩優越嘅地方,對阿囡都一樣。我地唔鍾意叫阿囡喺人地面前「表演」佢識嘅野,例如佢識拍手就會故意喺親人或朋友面前叫佢拍手以示佢識拍手。我同c6都覺得識就識,唔需要喺人面前特登「表演」d咩,更何況阿囡識嘅亦唔係咩咁特別,個個小朋友都會學到。原先以為低調可以避開一d不必要的煩惱,不過漸漸開始體驗到低調有時會帶來另一些煩惱。如有「熱心」的親戚或朋友見阿囡平時冇咩表演就會走來同我講教我要點教佢,如果唔係就冇學校收。咁我好多時都有解釋其實佢識,不過佢地通常都唔信因為佢地話佢自己個小朋友就叻好多啦,bla bla bla (下刪n字)。我唔知其實佢地係咪只係想讚自己仔女,不過佢地咁講真係令我好煩!其實我好樂意同佢地分享佢個小朋友有幾叻因為每個小朋友都好天真可愛,不過沒必要貶低我個囡呱?我叫我特登叫個囡喺人地面前show off 我又做唔出,點解唔可以leave me alone?
sorry,長咗d,只係想呻下!