我兩個B第一句識嘅都係中文,婆婆湊只識中文,我都同BB講中文,只有BB爸爸係英文人,最初爸爸好可憐,因為兩個BB都唔多識英文咁,唔多睬佢,尤其是個女,有我在場,佢爸爸係冇得抱,抱親都發脾氣,但慢慢聽得多爸爸講英文,我仔未夠兩歲返托兒所,果度有好多BB係講英文嘅,好快我仔就滿口英文,去埋preschool,直情出口已係英文,小朋友呢度出世,慣常聽講讀都係英文,反而擔心佢以後唔識中文。不過如果家中只講中文的話,考慮俾小朋友去preschool,否則佢返小學時唔明白英文,多多少少影響佢,雖然話會追到,但都唔想佢坐喺課室唔知老師講咩。
有個親身見到例子,我幫個仔報雙語班,要考過中英文合格至得,去到考試果日,我仔之前有個小朋友入去考,唔夠兩分鐘出番嚟,負責考果個老師問家長個小朋友係唔係唔識聽英文,家長話係,從未學過又冇去過preschool,湊嘅又唔多識英文,咁考試老師問咁小朋友識咩語言,家長話只會越南話,考試老師同佢講恐怕小朋友無法入學,因為校區冇一間學校有越南話教學,建議佢同校區申請遲一年入學,俾小朋友喺呢一年去學英文,起碼去到一個明白嘅程度。
花旗太太生活在花旗國,留意時差,你問我未必即時答到。