原文章由 依媽 於 08-10-2 04:22 發表
大陸咁多有毒食品、有毒用品、有毒衣物等等,攪到外國啲廠商都怕怕......
忽發奇想,如果香港宜家仲有工業就好喇,相信可以攞咗大部份嘅訂單做,咁就少咗好多人失業......
有收入就自然會消費,咁咪亦可以帯動埋零售業囉,而且又會少咗好多人拎綜援......
另外,我哋又唔洗入口啲危險食品、用品,我相信香港嘅質檢會比大陸完善好多......
真係好懷念以前細個,仲可以剪吓線頭,穿吓珠仔、膠花,真正在家做part-time。宜家香港倚靠晒金融,如果有咩依郁就......唉~~~~