Hello rilakkumapig,明白最近BB半夜經常要媽媽抱住才瞓返,令媽媽好煩惱! BB全日瞓到幾多個鐘呀? 3個半月BB仲建立緊睡眠規律,睡眠有熟睡、淺睡等循環階段,當BB係淺睡狀態時,容易對聲音/光線驚醒,加上依家活動量大咗,同大人一樣會瞓瞓下轉姿勢、郁下、反身、甚至會醒左,如果佢胃口同精神都ok, 媽媽可以唔需要特別照顧,俾BB 自己瞓番就可以。吸啜係初生BB本能動作,可以令佢有安全感和安撫作用,所以啜住奶咀可以幫助到BB入睡,媽媽亦可試下哼兒歌拍背安撫BB情緒再瞓返,試下俾BB攬住有媽媽氣味毛巾瞓,媽媽聲音和氣味會令BB多D安全感,睇下有冇幫助呀。