懷孕前後

收藏本版
發帖
返回列表
跳至頁

首頁
1

尾頁
   2
jenjen1111


大宅

積分: 2646


1#
發表於 17-10-13 20:08 |只看該作者
我成日無啦啦想喊，對將來好冇希望，加上每日疲勞式4個鐘渣一次奶（呀b唔肯埋身），我覺得好攰，身邊又冇人可以傾訴（朋友們都未生過仔，完全唔明我）。乜情真係好壓抑，有冇媽媽們都係咁？
私人傳訊

Tinny


伯爵府

積分: 18536


2#
發表於 17-10-13 21:00 |只看該作者

回覆樓主

我應該都有少少呀，因為我自己一個人坐月一個人湊，所以有時會覺得好無助，例如個仔突然扭計唔肯飲奶，比平時飲少左咁，我都會覺得好氣餒，覺得自己好似唔知做錯左d咩咁，攪到佢唔肯飲⋯⋯
私人傳訊

jenjen1111


大宅

積分: 2646


3#
發表於 17-10-13 23:04 |只看該作者
Tinny 發表於 17-10-13 21:00
我應該都有少少呀，因為我自己一個人坐月一個人湊，所以有時會覺得好無助，例如個仔突然扭計唔肯飲奶，比平 ...

本帖最後由 jenjen1111 於 17-10-13 23:06 編輯

我個b唔受我抱，我抱佢佢會好易喊，但我老公放工時抱佢佢會笑同訓得好冧，我好難過。
我都會因為奶而覺得好大壓力，因為我全泵，有時奶量一降低左我就好驚。
每日三四個鐘就要起一次身泵奶，我覺得好無奈，訓又訓唔好，每日好似食同訓係為左泵奶，對將來好冇動力。每次見到呀b都有一種罪疚感，我唔知點解。
而且我同你一樣一個人坐月，我老公可能有時OT完返屋企我同佢都講唔到一句野，我唔知d壓力可以同邊個傾數，個人真係好blue
私人傳訊

AAV


男爵府

積分: 5391


4#
發表於 17-10-14 09:47 |只看該作者
本帖最後由 AAV 於 17-10-14 10:04 編輯
jenjen1111 發表於 17-10-13 20:08
我成日無啦啦想喊，對將來好冇希望，加上每日疲勞式4個鐘渣一次奶（呀b唔肯埋身），我覺得好攰，身邊又冇人 ...

我bb就快2歲ga 喇。回想剛剛生完果時，真係好辛苦，情緒非常差，坐月經常喊。bb成日喊，訓得唔好，泵奶的過程，好多客人來探bb，唔俾沖涼多多規矩，無曬自己時間身份，擔心bb呢樣果樣。。。好多野唔開心，我唔可以話係產後憂鬱，但情緒係差得好緊要。當時係好怕同bb獨處，完全無感受到初為人母的興奮和喜悅，唔想理bb. 呢d情緒，相信係因為初為人母確實需要付出大量心神，而我地唔識湊亦未習慣湊，加上產後荷爾蒙影響，令我地好辛苦好折磨，少少野簡單如bb食少左訓少左、別人既提點都令自己好大壓力。回想呢段時間，我還是覺得好可怕，亦解釋唔到點解自己會咁，但呢種情緒過後（我大約維持左2-3個月，返工時已回復正常），就會發現bb真係好可愛，覺得做媽媽好幸福,我仲有少少遺憾自己沒有享受過、感受過bb初生時果種可愛、依賴、軟綿綿。時間一去不返，我好似無左呢段時間bb成長既記憶，我真希望我當時有抱多d佢、望多d佢、聞多d佢、錫多d佢。可惜是當時沒有做到，有少少失落ga.唔開心就係唔開心，知道自己唔開心就提醒自己有呢個情緒就夠，唔需要刻意令自己開心，因為荷爾蒙影響唔係話你想開心就開心。有得揀、無人想唔開心。我返工後同好多同事提起，原來佢地都試過，佢地用失控來形容果段時間，產後情緒低落比想像中普遍，但生活中無人會講，只會講添丁幾高興，令我地以為自己唔正常，其實我地情況好正常。。加油，有家人陪伴，好快會回覆正常的。如果可以，我想好好享受呢段時間，珍惜呢段甜蜜的光陰。

私人傳訊

jenjen1111


大宅

積分: 2646


5#
發表於 17-10-14 18:21 |只看該作者
AAV 發表於 17-10-14 09:47
我bb就快2歲ga 喇。回想剛剛生完果時，真係好辛苦，情緒非常差，坐月經常喊。bb成日喊，訓得唔好，泵奶的 ...

本帖最後由 jenjen1111 於 17-10-14 18:24 編輯

好多謝你分享，好開心搵到同路人，我身邊冇人有呢d經驗，有生過既佢地都冇乜呢類煩惱，冇生過既更加唔洗講， 佢地只會不停問點解你要唔開心，你恨左咁耐先有bb，你要開心d之類，我聽左只會更煩燥更抑鬱，久而久之已經唔想同佢地解釋同講野，慢慢好似孤立左自己咁。
我都係唔敢抱bb唔想同bb獨處，而且bb好扭計，我一聽到佢喊我就好驚，抱極佢都唔肯停。
睇完你呢段分享我忍唔住喊左出黎，我都應該要好好珍惜呢段時間，我唔想將來望返轉頭會後悔多謝你
私人傳訊

ambermatt


大宅

積分: 2661


6#
發表於 17-10-14 20:33 |只看該作者

回覆樓主

其實唔洗迫自己餵人奶，情緒唔好對bb仲唔好，食奶粉無問題架，唔好俾而家所謂人奶先係最好既氣氛迫自己轉牛角尖。
私人傳訊

shanhaha


子爵府

積分: 13017


7#
發表於 17-10-14 21:15 |只看該作者
jenjen1111 發表於 17-10-13 20:08
我成日無啦啦想喊，對將來好冇希望，加上每日疲勞式4個鐘渣一次奶（呀b唔肯埋身），我覺得好攰，身邊又冇人 ...

我bb肯埋身呀 但兩個鐘食一次 有時佢食完又唔係即刻訓到...可能放低又喊再食 ....真係幾累嫁....好似無點休息過咁..不過我會諗下有咩方法令自己舒服d...例如半夜果兩餐就餵奶粉 放定水，熱水，奶樽，幾匙奶粉一早放入奶粉格....半夜就係床邊開奶，起碼可以訓多小小，唔洗逼自己一定要泵奶嫁...休息好，心情都會好d⋯⋯
私人傳訊

jenjen1111


大宅

積分: 2646


8#
發表於 17-10-15 22:51 |只看該作者
ambermatt 發表於 17-10-14 20:33
其實唔洗迫自己餵人奶，情緒唔好對bb仲唔好，食奶粉無問題架，唔好俾而家所謂人奶先係最好既氣氛迫自己轉牛 ...

其實奶呢樣野我都算睇開左，但有時自己一個想搵人傾訴下果陣冇人明先最抑鬱，因為我係果種不吐不快既人黎。
我身邊真係冇人可以傾到心事，特別係d未生過未結婚既人，完全唔啱channel，點講都唔明，偏偏我身邊最好果幾個都仲係單身，當佢地講緊溝仔果陣我已經餵緊奶湊緊仔，大家越衝越遠，越黎越冇野講。
私人傳訊

jenjen1111


大宅

積分: 2646


9#
發表於 17-10-15 22:53 |只看該作者
shanhaha 發表於 17-10-14 21:15
我bb肯埋身呀 但兩個鐘食一次 有時佢食完又唔係即刻訓到...可能放低又喊再食 ....真係幾累嫁....好似無點 ...

肯埋身好呀，追奶追得快d。
我都搵緊自己舒服既方法，希望搵到
私人傳訊

shanhaha


子爵府

積分: 13017


10#
發表於 17-10-16 08:26 |只看該作者
jenjen1111 發表於 17-10-15 22:51
其實奶呢樣野我都算睇開左，但有時自己一個想搵人傾訴下果陣冇人明先最抑鬱，因為我係果種不吐不快既人黎 ...

我都係無朋友可以傾，有咩湊仔問題都係同媽媽group d人傾下咋...
私人傳訊

ambermatt


大宅

積分: 2661


11#
發表於 17-10-16 11:06 |只看該作者
jenjen1111 發表於 17-10-15 22:51
其實奶呢樣野我都算睇開左，但有時自己一個想搵人傾訴下果陣冇人明先最抑鬱，因為我係果種不吐不快既人黎 ...

我反而係無bb時個個朋友都生晒，我無野同佢地傾到haha. 唔緊要啦，你上黎呻下都好，人會舒服些。加油呀。
私人傳訊

dadamama0615


大宅

積分: 1346


12#
發表於 17-10-18 00:40 |只看該作者
jenjen1111 發表於 17-10-13 20:08
我成日無啦啦想喊，對將來好冇希望，加上每日疲勞式4個鐘渣一次奶（呀b唔肯埋身），我覺得好攰，身邊又冇人 ...

未生既時候都好堅持人奶 因為呀仔有問題要一星期2日先可以出院 到再埋身已經吾肯啜 係e院姑娘都話係比較難啜因爲乳頭大 二黎呀囝懶過人 出左院一直全泵 因為呀囝大食2個幾中一泵夾埋洗野可能先訓得一個中 我99仲要係到講呢樣個樣 我覺得好攰 我冇得訓 你仲係到話我點解咁少奶 冇奶點比bb食 我心諗你咁叻你揸比佢飲 吾好揾我 我翻左房喊左一場 老公入黎同我講無論我比奶粉定人奶都吾緊要 佢會支持我 個下真係好窩心 好似有個人同你身同感受咁 我捱左一個月就轉全奶粉 轉左奶粉一身鬆啲奶右砰砰聲咁黎 其實最緊要放鬆心情 自然就有奶黎
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見